“ქართულ კოშმარად ქცეული და ავტორიტარიზმისკენ მიმავალი “ოცნების” ლიდერები – როთი

გერმანელი პოლიტიკოსი მიხეილ როთი ტვ პირველის ეთერში საქართველოს მთავრობას “ქართულ კოშმარს” უწოდებს და ივანიშვილის გუნდის მიერ გერმანელი პარლამენტის წევრებზე მიტანილ იერიშს “დიდი სიბინძურის ნაწილად” აცხადებს.

“საქართველო ამას არ იმსახურებს, მაგრამ დაბლა ისინი ეცემიან, ჩვენ ვმაღლდებით” – ამბობს მიხაელ როთი აღნიშნავს, რომ “ქართული ოცნების” საპატიო თავმჯდომარე “საქართველოს იზოლაციისთვის მუშაობს“.

ამასთან, ბუნდესტაგის საგარეო ურთიერთობა კომიტეტის თავმჯდომარე ივანიშვილის გუნდის მიერ გადადგმულ ნაბიჯებს “ავტორიტარიზმისკენ მიმავალ ქმედებებად” აფასებს და ფიქრობს, რომ მმართველ პარტიას საკუთარი მოქალაქეების მსგავსად ევროპა არ სურს.

“ქართული ოცნება” იქცა ქართულ კოშმარად, რადგან ამჟამინდელი მთავრობა და მისი ლიდერი ივანიშვილი მუშაობს საქართველოს იზოლაციისთვის. ოლიგარქია დემოკრატიისთვის საწამლავია, არა მხოლოდ საქართველოში, არამედ ყველგან.

დიდი ბიზნესი და პოლიტიკა არ უნდა გაერთიანდეს, ეს არის პრობლემა და ამიტომაა საქართველოს დეოლიგარქიზაცია ქვეყნისთვის ასეთი მნიშვნელოვანი. ეს ჩემი პირადი აზრი არაა, ეს ევროკავშირის საერთო აზრია, გერმანიის მთავრობის და გერმანიის ბუნდესტაგის. 

ზოგიერთი ლიდერი თქვენს ქვეყანაში გვაკრიტიკებს იმის გამო, რომ ჩვენ რეჟიმის ცვლილების დაწყება გვინდა. სულაც არა, თქვენს ქვეყანაში რეჟიმის ცვლილება მმართველ პარტიას სურს, რადგან ქართველ ხალხს ევროპა უნდა. მაგრამ არ მაქვს შთაბეჭდილება, რომ ევროპა მმართველ პარტიასაც უნდა. ისინი უფრო ავტორიტარიზმისკენ მიდიან.  

ეს თავდასხმები და დაგეგმილი სიცრუის კამპანია ევროპის საკითხებში მინისტრის, ჩემს და გერმანული პარლამენტის წევრების წინააღმდეგ არის ძალიან დიდი სიბინძურე და საქართველო ამას არ იმსახურებს. მაგრამ დაბლა ისინი ეცემიან, ჩვენ ვმაღლდებით. ჩვენ არ გვაინტერესებს ეს თავდასხმები. ჩვენ გვინდა დიალოგი.

ძალიან სამწუხაროა, რომ მმართველი პარტია უარს ამბობდა ჩვენთან შეხვედრაზე. 26 წელია ევროკავშირის შიდა საკითხებზე ვმუშაობ და ასეთი რამ ჩემი კარიერის მანძილზე არ გამომიცდია, რომ მთავრობას და მმართველ პარტიას არ სურდა ჩვენთან შეხვედრა. დიახ, მე მხოლოდ ლამაზი სიტყვების სათქმელად არ ჩამოვსულვარ, მაგრამ მე პატივს ვცემ მთავრობას მიუხედავად ყველაფრისა”, – ამბობს მიხაელ როთი.

შეგახსენებთ, რომ დედაქალაქის მერმა გერმანელ მინისტრს “კუბიულიუსი კაბაში“ უწოდა და თქვა, რომ მის განცხადებებს ჩალის ფასი აქვს. ამ განცხადებიდან მალევე გერმანიის ელჩმა საქართველოში კალაძეს სოციალური ქსელით უპასუხა: “დღეს ვიღაცამ ავტოგოლი გაიტანა”- დაწერა ფიშერმა.

გააზიარეთ და მოიწონეთ სტატია:

მსგავსი სტატიები:

საქართველოში კორონავირუსით დღეს მერვე, 93-ე პაციენტი გარდაიცვალა “ენმ ქართველი ხალხის, პროგრესისა და ცვლილებების პარტიაა!” რა შეზღუდვები მოიხსნება ორჯერ აცრილებისთვის – სად შეძლებთ, ივლისში, საყოველთაო ვაქცინაცინაციაში ჯავშნის გარეშე ჩართვას ვიდეო: გურულები თბილისის აქციისაკენ საჯავახოდან დაიძრნენ უკრაინელმა სამხედროებმა რუსი ოფიცერი მოკლეს ციანიდის საკითხი დაიგეგმა საპატრიარქოში, მან დავალება შეასრულა – მეუფე პეტრე გოგაშვილზე ოზურგეთის მუნიციპალიტეტის დაბა ნასაკირალის საბავშვო ბაღს სრული რეაბილიტაცია ჩაუტარდა უცხოური გავლენების შესახებ პროექტი ევროკავშირის სტანდარტებს არ შეესაბამება – გერმანიის ელჩი