უკრაინა მზადაა, დათანხმდეს უპირობო ცეცხლის შეწყვეტას და გააგრძელოს მონაწილეობა მოლაპარაკებებში ხანგრძლივი მშვიდობის მისაღწევად ნებისმიერ ფორმატში – ამის შესახებ პრეზიდენტმა ვოლოდიმირ ზელენსკიმ მედიის წარმომადგენლებისთვის გამართულ ბრიფინგზე განაცხადა.
მისი თქმით, უკრაინა მხარს უჭერს აშშ-ის წინადადებას სრული, უპირობო ცეცხლის შეწყვეტის შესახებ.
„ცეცხლის შეწყვეტა ნიშნავს, რომ ჩვენს ტერიტორიაზე დარტყმები არ იქნება და, შესაბამისად, არ იქნება სარკისებური პასუხები.
…თუ ჩვენ მზად ვართ უპირობო ცეცხლის შეწყვეტისთვის – ეს ნიშნავს სიჩუმეს ზღვაზე, ცაში, ფრონტზე, ანუ ხმელეთზე – უკრაინა მზადაა გადადგას შესაბამისი ნაბიჯები“, – აღნიშნა ვოლოდიმირ ზელენსკიმ.
უკრაინის პრეზიდენტმა აღნიშნა, რომ ამ ნაბიჯის გადადგმის შესაძლებლობა მხოლოდ პუტინის სურვილზეა დამოკიდებული. ზელენსკის თქმით, აღდგომას ყველა მიხვდა, თუ ვინ იყო ომის ერთადერთი მიზეზი: როდესაც რუსეთს დარტყმების რაოდენობის შემცირება სურდა, მან ეს გააკეთა. თუმცა, იმის მიუხედავად, რომ რუსეთის არმიამ არ გამოიყენა შორი მოქმედების იარაღი, ბრძოლები ფრონტის ბევრ რაიონში გაგრძელდა, მიმდინარეობდა თავდასხმის ოპერაციები და გამოყენებული იყო FPV დრონები.
სახელმწიფოს მეთაურმა ხაზგასმით აღნიშნა, რომ ცეცხლის შეწყვეტა სამართლიანი და მდგრადი მშვიდობისკენ გადადგმული პირველი ნაბიჯი უნდა იყოს. ამის შემდეგ, უკრაინა მზადაა, ნებისმიერ ფორმატში დაიწყოს მოლაპარაკებები რუსეთთან.
მსგავსი სტატიები:
რა ჰქვია და როგორ გამოიყურება თოვლის ბაბუა მსოფლიოს სხვადასხვა ქვეყანაში
თალაკვაძე: საქართველო ზეთისხილის საერთაშორისო ასოციაციის თავმჯდომარე ქვეყანა გახდა
ბენგურიონის აეროპორტი გაიხსნა – თელ-ავივი-თბილისის რეისით საქართველოში 166 ადამიანი ჩამოფრინდა
პრემიერის საქმიანობის პირველი 9 თვე მართლაც შთამბეჭდავი იყო – კობახიძე
რუსებმა მარიუპოლში ევაკუაცია ჩაშალეს და 200-მდე ადამიანი გაიტაცეს
“წამყვან ხუთ ეკონომიკაში საქართველო შვეიცარიასთან ერთად შედის” – ღარიბაშვილი
უკრაინის და ევროკავშირის დროშები ჩამოხსნეს, დასაფასებელია – კოკა მორგოშია
კურსკში 92 დასახლებულ პუნქტს და 1 250 კვ.კმ-ზე მეტ ტერიტორიას ვაკონტროლებთ – ზელენსკი