აზერბაიჯანიდან თურქეთში მიმავალი C130 ტიპის სამხედრო სატვირთო თვითმფრინავი საქართველო-აზერბაიჯანის საზღვარზე ჩამოვარდა, – ამის შესახებ აღნიშნულია განცხადებაში, რომელსაც თურქეთის ეროვნული თავდაცვის სამინისტრო ავრცელებს.
უწყების ცნობით, სამძებრო-სამაშველო სამუშაოები აზერბაიჯანისა და საქართველოს ხელისუფლებასთან კოორდინაციით მიმდინარეობს.
შპს „საქაერონავიგაცია“ თურქეთის სამხედრო თვითმფრინავის ჩამოვარდნასთან დაკავშირებით განცხადებას ავრცელებს.
„შპს „საქაერონავიგაციის“ საავიაციო ძებნა – შველის საკოორდინაციო ცენტრში 112 – დან შემოსული შეტყობინების საფუძველზე, თურქეთის სამხედრო თვითმფრინავმა საავიაციო ინციდენტი საქართველოს ტერიტორიაზე, აზერბაიჯანთან საზღვართან ახლოს განიცადა.
საერთაშორისო პროტოკოლის სრული დაცვით, „საქაერონავიგაციის“ საძიებო ჯგუფი გაემგზავრა სავარაუდო ინციდენტის ადგილის აღმოჩენისა და დაზარალებულებისთვის შემდგომი დახმარების აღმოჩენის მიზნით.
თურქეთის C130 ტიპის საჰაერო ხომალდი საქაერონავიგაციის რადარებიდან საქართველოს ტერიტორიის გადმოკვეთიდან რამდენიმე წუთის შემდეგ, განგაშის სიგნალის გადმოცემის გარეშე გაქრა, რის შემდეგადაც საქაერონავიგაციამ დადგენილი ძებნა – შველის სამუშაოები დაიწყო. ამჟამად უკვე ინფორმირებულია აზერბაიჯანის ქალაქ განჯის აეროპორტი, საიდანაც თურქეთის ბორტი აფრინდა, ასევე ინფორმაცია მიეწოდა თურქეთის მხარეს.
ამჟამად საქართველოს შესაბამის უწყებებთან ერთად, საავიაციო წესებით გათვალისწინებული საძიებო სამაშველო სამუშაოები მიმდინარეობს“, – ნათქვამია განცხადებაში.
შინაგან საქმეთა სამინისტროს ინფორმაციით, სიღნაღის მუნიციპალიტეტში, საქართველოს სახელმწიფო საზღვრიდან დაახლოებით 5 კილომეტრში, ჩამოვარდა თურქული სამხედრო თვითმფრინავი, რომელიც პირველადი ინფორმაციით, ასრულებდა რეისს აზერბაიჯანი-თურქეთის მიმართულებით.
“ფაქტთან დაკავშირებით გამოძიება სისხლის სამართლის კოდექსის 275-ე მუხლის მე-4 ნაწილით მიმდინარეობს, რაც საჰაერო ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.
დეტალურ ინფორმაციას მომხდართან დაკავშირებით, შინაგან საქმეთა სამინისტრო საზოგადოებას ეტაპობრივად მიაწვდის”, – ნათქვამია ინფორმაციაში.
მსგავსი სტატიები:
ნიკა მელია გისოსებს მიღმა “ნაცმოძრაობამ” მოახვედრა – გია ვოლსკი
კორონავირუსით ბორის ჩოჩიევი გარდაიცვალა
მეუფე ნიკოლოზი მიხეილ სააკაშვილის მოსანახულებლად ციხეში მივიდა
გავბედე და მიშას ვკითხე, უკრაინაში დაბრუნებაზე და მივიღე რისხვა, მე ჩემს ქვეყანაში ჩამოვედიო და დამიბრიალა თვალები-ალასანია
კოსანდილე, ვლასა და ჭიჭიკო იმნაძეები – მენშევიკური პარტიის წევრები ლანჩხუთიდან
”პუტინის რუსეთი უკვე მთელი მსოფლიოსთვის საშიში ხდება..მარტო შეშფოთება საქმეს ვერ შველის”
„ჩოგბურთი მომექცა იმაზე დიდსულოვნად, ვიდრე ოდესმე ვიოცნებებდი“ – როჯერ ფედერერი კარიერას ასრულებს
სოფელ საჯავახოსთან ავარიას 1 ადამიანი ემსხვერპლა
