კობა ნაროუშვილი-სამხედრო-პოლიტიკური მიმომხილველი – რატომ ჩავიდა CIA-ს დირექტორი მოსკოვში?

ვიზიტის დეტალები ოფიციალურად არ გაუმჟღავნებია. ცნობილია მხოლოდ ის, რომ რეტკლიფმა რუსულ სპეცსამსახურებთან შეხვედრები გამართა. კრემლის განცხადებით, პუტინს შეხვედრის შედეგები მოახსენეს, თუმცა თავად განდონთან შეხვედრა არ შემდგარა.

ერთი შეხედვით, ეს შეიძლება კიდევ ერთი საიდუმლო დიპლომატიური კონტაქტი იყოს.

მაგრამ არსებობს ერთი ძალიან მნიშვნელოვანი პარალელი.

2021 წლის ნოემბერში მოსკოვში ასევე ჩავიდა CIA-ს დირექტორი უილიამ ბერნსი.

ბერნსი იქ ჯო ბაიდენის დავალებით იმყოფებოდა და რუსეთის ხელისუფლებას პირდაპირ აფრთხილებდა, რომ უკრაინაში შეჭრას მძიმე შედეგები მოჰყვებოდა.

რამდენიმე თვეში, 2022 წლის 24 თებერვალს, რუსეთმა უკრაინაზე სრულმასშტაბიანი თავდასხმა დაიწყო.

დღეს, ხუთი წლის შემდეგ, CIA-ს დირექტორი კვლავ მოსკოვში ჩადის.

და ეს უკვე შემთხვევითი დამთხვევის შთაბეჭდილებას ნამდვილად არ ტოვებს.

განსაკუთრებით საყურადღებოა ამერიკული მედიის ინფორმაცია, რომლის მიხედვითაც რეტკლიფის ვიზიტის ერთ-ერთი მთავარი მიზანი შესაძლოა რუსეთის გაფრთხილება ყოფილიყო, რომ NATO-ს წევრი სახელმწიფოს წინააღმდეგ სამხედრო მოქმედება დაუშვებელია და ამას უმძიმესი შედეგები მოჰყვება.

აქ განსაკუთრებით საინტერესოა ბალტიის ქვეყნების თემა.

თუ ამერიკული დაზვერვა მართლაც მიიჩნევს, რომ კრემლი შეიძლება NATO-ს გამძლეობის გამოცდას შეზღუდული სამხედრო ოპერაციით, პროვოკაციით ან სხვა ტიპის აგრესიით ცდილობდეს, მაშინ რეტკლიფის მოსკოვში ჩასვლა უკვე სრულიად სხვა მნიშვნელობას იძენს.

ეს აღარ არის მხოლოდ უკრაინის ომის შესახებ მოლაპარაკება.

ეს შეიძლება იყოს ვაშინგტონის პირდაპირი გაფრთხილება მოსკოვისთვის, რომ უკრაინის ომის ფარგლების გაფართოება NATO-ს ტერიტორიაზე გადასვლით სრულიად სხვა რეალობას შექმნის.

და კიდევ ერთი საინტერესო დეტალი:

რეტკლიფის დაბრუნების შემდეგ ის თეთრ სახლში შეხვდა თავდაცვის მდივან პიტ ჰეგსეტსა და გაერთიანებული შტაბების თავმჯდომარეს გენერალ დენ კეინს.

თუ ამ შეხვედრას მოსკოვის ვიზიტს დავუკავშირებთ, სურათი კიდევ უფრო საინტერესო ხდება.

დაზვერვა → მოსკოვთან პირდაპირი კომუნიკაცია → ვაშინგტონში სამხედრო ხელმძღვანელობის შეხვედრა.

ეს შეიძლება ნიშნავდეს რამდენიმე რამეს:

რუსეთთან უკრაინის ომის დასრულებაზე მოლაპარაკებების პარალელურად ვაშინგტონი ცდილობს მოსკოვისგან მიიღოს გარანტიები, რომ ომი NATO-ს ტერიტორიაზე არ გავრცელდება;

აშშ-ს შესაძლოა ჰქონდეს ახალი სადაზვერვო ინფორმაცია რუსეთის სამომავლო გეგმებთან დაკავშირებით;

ვაშინგტონი მოსკოვს წინასწარ აფრთხილებს, რომ NATO-ს „გამოცდის“ მცდელობა გაცილებით უფრო სახიფათო შედეგებს გამოიწვევს, ვიდრე უკრაინასთან ომი;

მე- და შესაძლოა ყველაზე მნიშვნელოვანი – აშშ ცდილობს ერთდროულად მართოს უკრაინის, რუსეთის, NATO-სა და ირანის მიმართულებები, რადგან დღეს ეს კონფლიქტები ერთმანეთთან გაცილებით უფრო მჭიდროდ არის დაკავშირებული.

2021 წელს CIA-ს დირექტორი მოსკოვში ჩავიდა ომის პრევენციისათვის. მაშინ გაფრთხილებამ არ იმუშავა.

2026 წელს CIA-ს დირექტორი კვლავ მოსკოვში ჩავიდა.

ამჯერად საკითხი შეიძლება მხოლოდ უკრაინის ომი აღარ იყოს.

თუ 2021 წლის გზავნილი იყო — „არ შეიჭრათ უკრაინაში“,

2026 წლის გზავნილი შესაძლოა იყოს — „არ გადაკვეთოთ NATO-ს წითელი ხაზები“.

და თუ ეს მართლაც ასეა, მაშინ რეტკლიფის მოსკოვური ვიზიტი ერთ-ერთი ყველაზე მნიშვნელოვანი სადაზვერვო-დიპლომატიური სიგნალია, რომელიც ბოლო პერიოდში ვაშინგტონიდან მოსკოვისკენ გაიგზავნა.

ახლა მთავარი კითხვა ისაა:

გაითვალისწინებს თუ არა კრემლი 2026 წლის გაფრთხილებას იმაზე უკეთ, ვიდრე 2021 წლის გაფრთხილება გაითვალისწინა?