ირანის წინააღმდეგ სამხედრო ოპერაცია გადამწყვეტ ფაზაში შედის

ერთდღიანი პაუზის შემდეგ, KC-46A ტიპის საწვავგამმამართველი თვითმფრინავების ჯგუფი ესპანეთისკენ მიაცილებს 6 ერთეულ EA-18G Growler-ს (ელექტრონული ბრძოლის თვითმფრინავები), საიდანაც ისინი, სავარაუდოდ, გზას კატარისკენ განაგრძობენ.

Axios-ი იტყობინება, რომ ისრაელისა და საუდის არაბეთის თავდაცვისა და დაზვერვის მაღალჩინოსნები ამჟამად ვაშინგტონში იმყოფებიან ამერიკელ კოლეგებთან მოლაპარაკებების საწარმოებლად.

ანგარიშის თანახმად, ისრაელის თავდაცვის ძალების დაზვერვის სამმართველოს უფროსმა, გენერალ-მაიორმა შლომი ბინდერმა, სამშაბათს და ოთხშაბათს შეხვედრები გამართა პენტაგონის, ცენტრალური სადაზვერვო სამმართველოსა (CIA) და თეთრი სახლის მაღალჩინოსნებთან, სადაც მათ სადაზვერვო შეფასებები გაუზიარა, მათ შორის — ირანის შიგნით არსებული პოტენციური სამიზნეების შესახებ.

ამავდროულად, საუდის არაბეთი უკიდურესად შეშფოთებულია პოტენციური რეგიონული ომის გამო და ცდილობს, შუამავლის როლი შეასრულოს ირანთან დიპლომატიური გამოსავლის მოსაძებნად.

დღეს აშშ-ის სხვადასხვა საჰაერო ბაზიდან ევროპისა და ახლო აღმოსავლეთის მიმართულებით C-17 GLOBEMASTER-ის ტიპის სამხედრო-სატრანსპორტო თვითმფრინავების მთელი ნაკადი დაიძრა- ეს მოიცავს 9 რეისს ფორტ ჰუდიდან, რომლებსაც, სავარაუდოდ, გადააქვთ საჰაერო თავდაცვის ბოლო დანაყოფები ირანის მახლობლად მდებარე ოპერატიულ ზონაში.

E-11A BACN (ბრძოლის ველის საჰაერო კომუნიკაციების მთავარი თვითმფრინავი) გადაფრინდა ალ-უდეიდის ბაზაზე, რითაც ოპერატიულ ზონაში ერთ-ერთი ბოლო კრიტიკულად მნიშვნელოვანი რესურსი იქნა მობილიზებული.

ასევე ვრცელდება ცნობები, რომ სხვადასხვა ქვეყნის არასაჭირო დიპლომატიური პერსონალის ევაკუაცია ახლო აღმოსავლეთიდან ნამდვილად მიმდინარეობს. ეს პროცესი მომდევნო 24-48 საათის განმავლობაშიც ინტენსიურად გაგრძელდება.

ირანული გამოცემა Tasnim-ი იტყობინება, რომ ირანის შეიარაღებულმა ძალებმა არსენალს 1000 ახალი დრონი დაამატეს, რომლებიც განკუთვნილია თავდასხმისთვის, დაზვერვისა და ელექტრონული ბრძოლისთვის.

თეირანის მერმა გამოაცხადა თავშესაფრების მოწყობა მიწისქვეშა ავტოსადგომებსა და მეტროს სადგურებში, პოტენციური ომის ან მოსალოდნელი კონფლიქტის შიშით.“