პირველკლასელთა საყოველთაო რეგისტრაცია ხარვეზების გარეშე მიმდინარეობს, – ამის შესახებ საქართველოს პირველ არხს განათლების სამინისტროში განუცხადეს.
უწყების მონაცემებით, ამ დროისთვის დარეგისტრირებულია 15 ათასამდე მოსწავლე, საყოველთაო რეგისტრაციის ეტაპზე საჯარო სკოლებში 61 555 თავისუფალი ადგილი იყო.
პირველკლასელთა საყოველთაო ელექტრონული რეგისტრაცია დღეს, დილის 09:00 საათზე დაიწყო და 5 ივნისის ჩათვლით გაგრძელდება, საბუთების წარდგენა 8 ივნისიდან 22 ივნისის ჩათვლით იქნება შესაძლებელი. მშობლებს საშუალება ექნებათ საბუთები სკოლაში წარადგინონ პირადად ან ელექტრონული ფორმით, როგორც სკოლა გადაწყვეტს.
პირველკლასელთა რეგისტრაციის პირველი ეტაპი მიმდინარე წლის 15 მარტიდან 26 მარტის ჩათვლით წარიმართა და სკოლებში სპეციალური საგანმანათლებლო საჭიროების ბავშვები დარეგისტრირდნენ.
მეორე ეტაპზე, 27 აპრილიდან 11 მაისის ჩათვლით სკოლაში დარეგისტრირდნენ ის ბავშვები, რომელთა და-ძმაც იმავე სკოლაში სწავლობს, მისი მშობელი ან მეურვე საჯარო სკოლის თანამშრომელია ან ოჯახიდან პირველ კლასში ერთდროულად ორი ან მეტი ბავშვი შედიოდა.
განათლების სამინისტროს ინფორმაციით, პირველ ეტაპზე 472 ბავშვი დარეგისტრირდა, მეორე ეტაპზე კი 21 998.
http://www.resonancedaily.com/
მსგავსი სტატიები:
“გელათში შექმნილი ვითარება ყველას პასუხისმგებლობის საკითხია”
“ვინც თავის ბილიკს დაადგება – იქ იწყება ბედნიერება და ეს არასოდეს გვიანი არ არის! “
ვინ იყო ქალი, რომელმაც 55 წლის წინ პირველად აღმოაჩინა კორონა ვირუსი და რატომ დაარქვეს მას “კორონა”
მძიმე კადრები ინდოეთიდან – კორონავირუსისგან გარდაცვლილებს კრემატორიუმებიც კი ვეღარ უმკლავდებიან
Apple-მა, სავარაუდოდ, iOS-ის ისტორიაში ყველაზე მნიშვნელოვანი განახლება გამოუშვა
იანვარ-ივნისში ექსპორტის წლიური ზრდა 25,5% იყო — საქსტატი
ვენეციაში საკრუიზო გემების შესვლა აიკრძალება
ახალი შეზღუდვები – რა იკრძალება 19 ივლისიდან