9 ივნისიდან, მთელი ქვეყნის მასშტაბით განახლდა ქორწინების რეგისტრაციის საზეიმო ცერემონიალით ჩატარების მომსახურება. ინფორმაციას სერვისების განვითარების სააგენტო ავრცელებს.
ქორწინების საზეიმო ვითარებაში რეგისტრაციის მსურველ პირებს შესაძლებლობა აქვთ, აღნიშნული მომსახურების მისაღებად მიმართონ საქართველოს ტერიტორიაზე მოქმედ ყველა ქორწინების სახლს (სივრცეს), ასევე, ისარგებლონ ქორწინების რეგისტრაციის გასვლითი სერვისით, მათთვის სასურველ ნებისმიერ ადგილას.
წყვილმა ქორწინების საზეიმო ცერემონიალის სერვისით სარგებლობისთვის აუცილებელია გაითვალისწინოს, რომ ერთობლივი განაცხადის წარსადგენად იუსტიციის სახლებში, საზოგადოებრივ ცენტრებში, ტერიტორიულ სამსახურებსა და ქორწინების სახლებში ვიზიტი წინასწარ უნდა დაჯავშნოს პორტალზე — my.gov.ge. ამისთვის საჭიროა, კალენდარში აირჩიოს მისთვის სასურველი ვიზიტის თარიღი და ფილიალი, რის შემდეგაც მოკლე ტექსტური შეტყობინებით მიიღებს მომსახურების ერთჯერად კოდს, რომელსაც ფილიალში მისვლის დროს წარადგენს. შერჩეულ ფილიალში ქორწინების საზეიმო რეგისტრაციის მსურველ წყვილს ოპერატორი ერთობლივი განცხადების შეტანის საფუძველზე დაუჯავშნის რიტუალის ჩატარების ადგილს, თარიღსა და დროს. ქორწინების მსურველები და მათი თანმხლები პირები (არაუმეტეს 10 პირისა) სარეგისტრაციო სივრცეში ნიღბებით უნდა გამოცხადდნენ.
ქორწინების სახლებში (სივრცეებში) საზეიმო ცერემონიალის ჩატარება და ქორწინების გასვლითი რეგისტრაცია კორონავირუსის გამო 2020 წლის 11 სექტემბრიდან შეჩერებული იყო.
https://on.ge/
მსგავსი სტატიები:
სტაროვერების სახლი სოფელ ნატანებში- ფოტოამბავი
ჯო ბაიდენი თვითმფრინავის ტრაპზე ასვლისას წაიქცა
“დაქუხებამდე ვარგა ჯინჭარი ფხალად…”
დაისახე მიზანი და გაბედე-მეი მასკი
“გურულებისადმი ყველაზე გამორჩეული ხალხისადმი კიდევ ერთხელ მინდა გამოვხატო ჩემი პატივისცემა”-ირაკლი მახარაძე
მშობლების მოთხოვნით, ნინოწმინდის პანსიონიდან დღეს დილით 5 ბავშვი გაიყვანეს
თუ მოქალაქე საზღვრის კვეთიდან 72 საათში PCR-ტესტს არ გაიკეთებს, 2 000 ლარით დაჯარიმდება
ღვინო სააკაშვილის მარნიდან უკრაინაში გამართულ ღვინის ფესტივალზე