ორწლიანი პაუზის შემდეგ, პარლამენტი “საგზაო მოძრაობის შესახებ“ კანონში დაგეგმილ ცვლილებებს დაუბრუნდა.
ჯერ კიდევ 2019 წლის მაისში ინიცირებული საკანონმდებლო ცვლილებები შს სამინისტრომ პლენარულ სხდომაზე პირველი მოსმენით წარადგინა.
ერთ-ერთი მთავარი სიახლე მოპედების რეგისტრაციას უკავშირდება. მოქმედი კანონით, მოპედების რეგისტრაცია არ ხორციელდება და მისი მართვისთვის მართვის მოწმობა საჭირო არ არის. ინიცირებული პროექტით, სწორედ მოპედებთან დაკავშირებით მართვის მოწმობას ახალი – AM კატეგორია ემატება. ასევე ხდება A2 კატეგორიის დამატება, რაც არის საშუალო სიმძლავრის მოტოციკლები.
მოპედების მართვის საშუალება ექნებათ პირებს, რომელთაც 16 წელი შეუსრულდებათ და მართვის მოწმობის ასაღებად შესაბამისს გამოცდას ჩააბარებენ. საშუალო სიმძლავრის მოტოციკლის მართვა კი, 18 წლიდან იქნება შესაძლებელი.
ამავე ცვლილბებით, სატრანსპორტო საშუალების მართვის უფლების მისაღები გამოცდის პრაქტიკული ნაწილი ორეტაპიანი ხდება. პირველი ეტაპი (სპეციალური მანევრები) დახურულ საგამოცდო მოედანზე ჩატარდება, როგორც ეს ამჟამადაც ხორციელდება, ხოლო მისი წარმატებით ჩაბარების შემთხვევაში, მეორე ეტაპი რეალური საგზაო მოძრაობის პირობებში – წინასწარ შერჩეულ და შინაგან საქმეთა მინისტრის მიერ დამტკიცებულ მარშრუტებზე ჩატარდება.
ამ მიმართულებით კანონში დაგეგმილი ცვლილებების პროექტი პარლამენტს შს მინისტრის მოადგილემ ალექსანდრე დარახველიძემ გააცნო.
მსგავსი სტატიები:
ივანიშვილის მოღვაწეობა იყო პოლიტიკური ქველმოქმედების 8-წლიანი აქტი- ნაცვლიშვილი
“ავანტიურისტი შულერი, “ოცნების მზე”, რომელმაც ყველა გადააგდო”- გიორგი თარგამაძე ივანიშვილზე
“ივანიშვილის მმართველობის 8 წლიან ეპოქაში ბიუჯეტიდან 100 მილიარდზე მეტი დაიხარჯა”
“რას შეეწირა? იმას რომ რუსები გორში დგანან”? – თამარ ჭოველიძის მამა
ვიდეო: პატრულის ჯარიმებით გაბრაზებულმა მოქალაქემ მანქანა დაწვა
ოზურგეთის #2 საბავშვო ბაღის მენეჯერსა და მის თანაშემწეს კორონავირუსი დაუდგინდათ
გურიაში, შსს დეპარტამენტის დირექტორს სცემეს
ქვეყნები, საიდანაც საქართველოში სუნამოები შემოდის