ვაჟა ფშაველა: სულიერი მამები არიან “მიიღე ჯამაგირი პარტიისა”

სად გვაქვს ჩვენ ნამდვილი ეკლესია? _ ამ კითხვას ვაჟა ფშაველა ჯერ კიდევ გასულ საუკუნეში სვამდა. მას მიაჩნდა, რომ სარწმუნოება ადამიანის სულიერი და გონებრივი განვითარების უმთავრესი წყაროა: “მღვდლებო–სოციალისტებო! ჩემში თქვენის მოღვაწეობის წყალობით აღძრული გრძნობა ეს არის, იქნება თქვენც გეწყინოსთ, თქვენს წოდების გარეშე ბევრს სხვასაც, მე პირადად მწყინს, როცა ჰმვღდლობთ, ანაფორები გაცვიათ და ჰრევოლუციონერობთ… გაიხადეთ ან ანაფორები და სთქვით სამოქალაქო აზრები როგორც მოქალაქეთა, ან არა და გეცვასთ ანაფორა და სთქვით შეუბღალავად, განურყვნელად ის, რაც გიანდერძათ თქვენმა მამათმთავარმა იესო ნაზარეველმა. არც არაფერი იმით დაშავდება… თქვენი გავლენა ხალხზე გეუბნებით გამოცხადებით, აშკარად, საბოლოოდ მავნებელი გამოდგება, არ არი მოსაწონი თქვენი გავლენა ვინაიდან იგი სასარგებლო ნაყოფს არ გამოიღებს და მხოლოდ მონებს აღუზრდის ქვეყანას და არა ნამდვილ მამულიშვილებს და მოქალაქეებს.… სარწმუნეობა მე მესმის, როგორც შედეგი ადამიანის გონებრივის, სულიერი განვითარებისა და არა იმათი შუაზე გადალეწა-გადამტვრევისა და დასახიჩრებისა. ძალად შეიძლება მხოლოდ ფორმა შეათავსებინო ადამიანს, ფორმა სარწმუნოებისა, ხოლო ამ საშუალებით მის მართლომრწმუნედ გახდომა ყოვლად შეუძლებელია. დღეს სადა გვაქვს ჩვენ ნამდვილი ეკლესია? მიჩვენეთ თუნდ ერთი რომელიმე კუთხე საქართველოში მთასა, გინა ბარსა, ეკლესია ასრულებდეს ნამდვილს თავის დანიშნულებას? ძალიან ძნელია ამისთანა ეკლესიის პოვნა. ეს სატკივარი ჟამთა ვითარების ნაყოფია. დღევანდელი ჩვენი ეკლესია ფორმაში გამოიხატება, ხოლო მღვდლის სამსახური მარტო წესების ასრულებაში. თუ სამღთო წესების ასრულებას არავინ სთხოვს, მაინც ამით მართლულობენ მუდამ მღვდლები თავსა, საპოლიტიკო მოღვაწეობა ხომ ფართოა. ვგონებ, ჩემთან ერთად თქვენც იტყვით, რომ სულიერი მამები არიან „მიიღე ჯამაგირის“ პარტიისა.”…

გააზიარეთ და მოიწონეთ სტატია:

მსგავსი სტატიები:

წინასწარ დაწერილი პანდემიის სცენა-ავტორის წინასწარმეტყველება ” რევოლუციონერებს როდესაც სჭირდებოდათ თავშესაფარი, ისინი გურიაში ჩადიოდნენ და იქ თავს დაცულად გრძნობდნენ” ჩანჩქერის საოცარი ფოტოები- ჩანჩქერი, რომელიც ლავის ნაკადს ჰგავს “შევარდნაძისთანა რომ ხუთი კაცი გვყავდეს, ყველა სოციალ-დემოკრატებს გავანადგურებდითო” მსოფლიოში ყველაზე ცნობილი ადამიანების შთამომავლები “ჩემს ბავშობაში, გურიაში სჯეროდათ, რომ დიდ ხუთშაბათს მიწაში ჩაყრილი თესლი ერთი ასად ამოდის” ბენია ჩხიკვიშვილი გადაასახლეს ციმბირში იაკუტსკის გურბერნიის კირენსკის მაზრაში საქართველოს მთავარი პრობლემა მტრის აგენტურა იყო, არის და… კვლავ იქნება?