ომბუდსმენის ექსპერტთა ჯგუფი გორის სამხედრო ჰოსპიტალში მიხეილ სააკაშვილს მოინახულებს. ამის შესახებ სახალხო დამცველის განცხადებაშია საუბარი. ომბუდსმენი წერს, რომ მიხეილ სააკაშვილის კლინიკური მართვის პროცესში ექსპერტთა ჩართვა მათ ჯანდაცვის მინისტრმა სთხოვა.
განცხადებას უცვლელად გთავაზობთ:
2021 წლის 22 ნოემბერს სახალხო დამცველს საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა მიმართა და მიხეილ სააკაშვილის კლინიკური მართვის პროცესში კონსულტაციის გაწევისა და ალტერნატიული აზრის მოსმენის მიზნით, სახალხო დამცველის მიერ მოწვეულ ექსპერტთა ჩართვა სთხოვა.
სახალხო დამცველი განმარტავს, რომ მის მიერ შექმნილ ექსპერტთა ჯგუფი აგრძელებს საქმიანობას უცვლელად, თავდაპირველი შემადგენლობითა და მანდატით. მულტიპროფილურ ექსპერტთა/სპეციალისტთა ჯგუფის ფუნქციას წარმოადგენს მიხეილ სააკაშვილისთვის გაწეული სამედიცინო მომსახურების ექსპერტიზა და სახალხო დამცველისთვის დასკვნების/მოსაზრებების წარდგენა.
უნდა აღინიშნოს, რომ პატიმრის ჯანმრთელობის მართვა სახალხო დამცველისა და მის მიერ მოწვეულ ექსპერტთა მანდატს არ მიეკუთვნება. თუმცა, სახალხო დამცველი გაითვალისწინებს ჯანდაცვის მინისტრის თხოვნას და ექსპერტთა ჯგუფის დასკვნებსა და რეკომენდაციებს პერიოდულად, სრულფასოვნად გაუზიარებს სამინისტროს ე.წ. მეორე აზრის წარდგენის მიზნით.
სახალხო დამცველის ექსპერტთა ჯგუფის ვიზიტი გორის სამხედრო ჰოსპიტალში უახლოეს მომავალში განხორციელდება.
აქვე საზოგადოებას ვაცნობებთ, რომ მიხეილ სააკაშვილის განთავსების პირობები და გატარებული უსაფრთხოების ღონისძიებები სახალხო დამცველის რწმუნებულებმა 2021 წლის 20 ნოემბერს უკვე შეამოწმეს. პირველადი შემოწმების საფუძველზე გამოვლინდა გარკვეული საკითხები (დასახელდა სასეირნო სივრცისა და ფანჯარასთან დაკავშირებული პრობლემები, სამედიცინო მანიპულაციების ნაწილზე უსაფრთხოების თანამშრომლების დაკვირვება, ვიდეოჩაწერა), რასთან დაკავშირებითაც შედგა მყისიერი კომუნიკაცია შესაბამის უფლებამოსილ პირებთან.
ერთ ეპიზოდში ვიდეოჩაწერის კანონიერების შესწავლის მიზნით, სახალხო დამცველის აპარატმა უკვე მიმართა სახელმწიფო ინსპექტორის სამსახურს. პირობებთან დაკავშირებით დასახელებული საკითხების შესახებ სახალხო დამცველის რწმუნებულებმა პენიტენციური სამსახურის წარმომადგენლებისგან მიიღეს შესაბამისი რეაგირების პირობა, რისი შედეგებიც ასევე შემოწმდება გონივრულ ვადაში, – ნათქვამია განცხადებაში.
მსგავსი სტატიები:
სუბარი სააკაშვილზე: ვერ ეშვება თავის ოცნებას რევოლუცია მოაწყოს, მაგრამ ეს რევოლუცია არ მოხდება
“ოცნებასა” და ოპოზიციას შორის შეთანხმება ვერ შედგა
საქართველოში ეკონომიკური კრიზისი არ შეინიშნება- “ოცნების” დეპუტატი
ძალიან მეცოდება ოპოზიცია – ღარიბაშვილი
“რუსეთმა კალაშნიკოვით მეტი დაგვხოცა, თუ ანტივაქსერებით, აღარ ვიცი”-ნიკა გვარამია
“თქვენგან რამდენიმე კილომეტრში საქართველოს მესამე პრეზიდენტი შიმშილობს უკვე 35-ე დღეა…დროა იმოქმედოთ, როგორც ჭეშმარიტმა ქრისტიანებმა”-ნანუკა ჟორჟლიანი საპატრიარქოს მიმართავს
შიმშილობის გადაწყვეტილების შეცვლას არ ვაპირებ, არ ვთამაშობ, არ ვხუმრობ-ხოშტარია
“საქართველო პოსტსაბჭოთა დროის ბუნდოვან რესპუბლიკას ემსგავსება” – უცხოელი ბიზნესმენები და იურისტები საქართველოს მთავრობის წინააღმდეგ