“ნაციონალური მოძრაობის” თავმჯდომარე, ნიკა მელია ვარდების რევოლუციიდან მე-18 წლისთავს ეხმაურება და წერს, რომ ამ დღეს საქართველომ “ბედის უკუღმა მოტრიალე ბორბალს წაღმა დააწყებინა ტრიალი”.
მისი თქმით, იმ ცვლილებების ლიდერი, რაც ვარდების რევოლუციამ მოიტანა, მესამე პრეზიდენტი, მიხეილ სააკაშვილია, რომელიც დღეს ციხეშია, თუმცა “ეს ასე დიდხანს არ დარჩება”.
“2003 წლის გიორგობა დღეს, საქართველომ ძალა მოიკრიბა და საკუთარი ბედის უკუღმა მოტრიალე ბორბალს, წაღმა დააწყებინა ტრიალი.
ქვეყანა დაადგა განვითარების გზას!
შესაძლებელი გახდა:
- საქართველო კორუფციის გარეშე;
- უმაღლესი განათლება ჩაწყობის გარეშე;
- განათებული ქვეყანა vs გრაფიკი;
- გაზრდილი პენსია გაყინულის ნაცვლად;
- პატრული გაის ნაცვლად;
- დასავლეთი რუსეთის ნაცვლად;
- გაწვრთნილი ჯარი მშიერის ნაცვლად;
- წესრიგი კრიმინალის ნაცვლად;
- რეფორმები უძრაობის ნაცვლად;
- აღმშენებლობა აჭარაში ასლანის ნაცვლად;
- პერსპექტივა უიმედობის ნაცვლად!
- კიდევ ბევრი რამ!
ისტორიას ვერავინ გააყალბებს. ამ ცვლილებების ლიდერი, მიხეილ სააკაშვილი დღეს ციხეშია, ეს ასე დიდხანს არ დარჩება! საქართველო ისევ მოიკრებს ძალას და წავა წინ, ამის ბოლომდე მჯერა!”, – წერს ნიკა მელია.
ცნობისთვის, ოპოზიცია დღეს, 23 ნოემბერს, ვარდების რევოლუციის მე-18 წლისთავთან დაკავშირებით, თავისუფლების მოედნიდან ვარდების მოედნამდე ცოცხალი ჯაჭვის შეკვრას გეგმავს. აქცია-პერფორმანსი რუსთაველის გამზირზე 17:00 საათზე დაიწყება.
მსგავსი სტატიები:
„აღშფოთებული ვარ“ – თემურ წიკლაურის შვილის პირველი კომენტარი
“დროა ოლიგარქი მივაცილოთ მისივე კუთვნილ ვერტმფრენის ასაფრენამდე”- დავით მჟავანაძე
“მე გავეცი პასუხი გორბაჩოვს, გუშინ ქართულმა ახალგაზრდობამ პასუხი გასცა პოზნერს”
“საჭიროა უკრაინა და საქართველო ნატოში შევიყვანოთ”
მდინარაძე “ნაციონალებზე”-ძველ ჩანაწერებს იღებენ და ამონტაჟებენ
სააკაშვილის სამოქალაქო კლინიკაში გადაყვანის მოთხოვნით 10 ოპოზიციონერი შიმშილობას იწყებს
”მიხეილ სააკაშვილის ლანდისაც კი ეშინია ამ ხელისუფლებას”- ხაბეიშვილი
“ვიდრე ელემენტარული უფლებები არ იქნება დაცული…პარლამენტში ყოფნის აზრს ვერ ვხედავ”-ნაკაიძე