“პოლიტპატიმარი პოლიტპატიმარზე, ეს უკვე ზედმეტია…ივანიშვილს ეს ძალიან უნდა…მაგრამ ვერ გააკეთებს…ვერც ხაზარაძეს, ჯაფარიძეს და წერეთლების ოჯახს შეეხებიან”-მელია

თბილისის საქალაქო სასამართლოში მამუკა ხაზარაძის, ბადრი ჯაფარიძისა და ავთანდილ წერეთლის სასამართლო პროცესი იწყება. პროცესის პარალელურად, სასამართლოს ეზოში ოპოზიციური პარტიების ლიდერები არიან შეკრებილი და საქმეზე ბრალდებულებს სოლიდარობას უცხადებენ.

“ნაციონალური მოძრაობის” თავმჯდომარის, ნიკა მელიას თქმით, “ქართულ ოცნებას” ოპონენტების დაკავება ძალიან სურს, თუმცა ამის გაკეთებას “ვერ გაბედავენ”.

“რიგითი მოქალაქე ვარ აქ, თანამებრძოლი იმ ასობით ათასი საქართველოს მოქალაქისა, რომელიც ებრძვის რეჟიმს. ებრძვის იმიტომ კი არა, რომ რეჟიმი ჩაანაცვლოს, არამედ იმიტომ, რომ თავისუფლება მოიპოვოს. თუ ვინმე ებრძვის, ებრძვის ამ ადამიანებს. ამიტომ, ვფიქრობ, ხელისუფლება, რეჟიმის სახით ძალიან მოწადინებულია რა თქმა უნდა, რომ მამუკა ხაზარაძე და ბადრი ჯაფარიძე დააკავოს, ამ თამაშში ისინი შევიდნენ წლების წინ, მაგრამ ვერ გაბედავენ ამ ყველაფერს. მათ ძალიან უნდათ, მაგრამ ამისი თავი არ აქვთ. მართლაც აქვს რაღაცას საზღვარი, პოლიტპატიმარი პოლიტპატიმარზე, ეს უკვე ზედმეტია. ბატონ ივანიშვილს ეს ძალიან უნდა, მაგრამ ვერ გააკეთებს. ვერც მამუკა ხაზარაძეს დააკავებენ, ვერც ბადრი ჯაფარიძეს და ვერც წერეთლების ოჯახს შეეხებიან”, – თქვა ნიკა მელიამ. 

ცნობისთვის, თბილისის საქალაქო სასამართლოში დღეს მამუკა ხაზარაძის და ბადრი ჯაფარიძისა და ავთანდილ წერეთლის საქმეზე ბოლო სხდომა უნდა ჩატარდეს.

ე.წ. ფულის გათეთრების საქმე 11 წლის წინანდელ ტრანზაქციას ეხება. პროკურატურა მამუკა ხაზარაძეს და ბადრი ჯაფარიძეს ადანაშაულებს ჯგუფურად 16 754 000 ამერიკული დოლარის უკანონო შემოსავლის ლეგალიზაციაში, რასაც თან ახლდა განსაკუთრებით დიდი ოდენობით შემოსავლის მიღება. საქმე ეხება 2008 წელს განხორციელებულ საბანკო ოპერაციას.

გააზიარეთ და მოიწონეთ სტატია:

მსგავსი სტატიები:

“მე გირაოს გადახდას არ ვაპირებ, ვნახოთ რას აპირებთ თქვენ” „ივანიშვილის პოლიტიკურ საფლავზე ბიუსტს პირადად მე დავდგამ ჩემი ფინანსებით” – შალვა ნათელაშვილი ილვესი: აშშ-ს არ მოსწონს საქართველოში არსებული ვითარება, შედეგად, ნაკლებ ყურადღებას მიიღებთ ვიმეორებთ, საქართველო გახდება ალიანსის წევრი – მთავარი გზავნილები NATO-ს სამიტიდან ხუხაშვილი: ვიღაცა პრევენციის მიზნით ნათქვამ ამ ერთუჯრედიან ქოცურ ვირეშმაკობას დაიჯერებს ივანიშვილის ხელისუფლება დასრულებულია, ახლა ამას 30-ში გაფორმება სჭირდება “მსგავსი სიმძიმის პაციენტი დაუყოვნებლივ უნდა იქნას გადაყვანილი მრავალპროფილურ სტაციონარში…რომელიც შემოსაზღვრულია რკინის ღობით და დაცულია პაციენტის უსაფრთხოება”-კლინიკების ასოციაცია მერაბ ჭანუყვაძე ამომრჩეველს – “ჩემს თავს გაფიცებ,კოტეს ხმა არ მისცე”