ბათუმში, ჯავახიშვილის №47-ში მცხოვრებ ოჯახებს, საცხოვრებელი სახლების დატოვება მოსთხოვეს. მოქალაქეები ამბობენ, რომ კორპუსის ერთ-ერთ ბინაში საყრდენი ბოძია დაზიანებული.
მათი თქმით, ბზარები 24 დეკემბერს შეამჩნიეს, მიმართეს მერიას და ექსპერტიზის ჩატარება მოითხოვეს.
ადგილობრივები ამბობენ, რომ შესაბამისი სამსახურის წარმომადგენლები ღამით 11 საათზე მივიდნენ და უთხრეს, რომ ფართები დროებით უნდა დაეცალათ.
ჯავახიშვილის ქუჩაზე მცხოვრები გურამ საგინაძის ინფორმაციით, საშიშროების გამო მან ოჯახი ქირით 24 დეკემბერს გაიყვანა, როცა ერთ-ერთ ოთახში საყრდენ ბოძზე ბზარები შენიშნა. მისი თქმით, შენობა ძველია და სავარაუდოდ, დაზიანებულია. ამბობს, რომ ფართი მიშენებული არ აქვს.
‘მდგომარეობა ძალიან მძიმეა, 24 დეკემებერს გასკდა საყრდენი კედელი. მივმართეთ ზემდგომ ორგანოებს, მერიას, საკრებულოს, გადაიგზავნა თბილისში ექსპერტიზის ბიუროში. ახლა ველოდებით ექსპერტიზის დასკვნას, თუმცა დასკვნა იგვიანებს. მერიამ ორი სადარბაზოს მცხოვრები ოჯახები გამოგვიყვანა. გვითხრეს, რომ ქირით გავსულიყავით საცხოვრებლად და ექსპერტიზის დასკვნის შემდეგ გადაწყდებოდა საკითხი. ბევრს ჯერ ქირითაც არ უნახავს ბინა, შევეცდებით, ვიპოვოთ და გადავიდეთ. მე ჩემი ოჯახი 24 დეკემბრის შემდეგ გაყვანილი მყავს ქირით. მიზეზი რა არის კედლის გახეთქვის, არ ვიცი, ველოდებით დასკვნას, რომელმაც უნდა დაადგინოს, შეიძლება თუ არა აქ ცხოვრება. ჩემი აზრით, ეს არის ამორტიზირებული შენობა და სავარაუდოდ იშლება – აცხადებს გურამ საგინაძე.
ბათუმის მერიის მუნიციპალური სერვისების სააგენტოში აცხადებენ, რომ ექსპერტიზის პასუხებს ელოდებიან. ოჯახები დროებით ნათესავებთან გავიდნენ და საქირავებლად ბინას ეძებენ. ქირის თანხას კი ბათუმის მერია გადაიხდის.
ექსპერტიზის პასუხების შემდეგ გახდება ცნობილი საბოლოო გადაწყვეტილება.
სახლს ოთხი სადარბაზო აქვს, ამ ეტაპზე პირველი და მეორე სადარბაზოს მცხოვრებლებს მოუწიათ ბინების დატოვება. მოქალაქეების თქმით, ოჯახების ნაწილი ჯერ კიდევ ბინაში რჩება, რადგან წასასვლელი არ აქვთ.
ტვ პირველი
მსგავსი სტატიები:
შემოქმედის მიტროპოლიტი იოსები, ეპარქიაში გაჩენილ ხანძართან დაკავშირებით, განცხადებას ავრცელებს
პატრიარქი ილია მეორე იუბილარია, მას 88 წელი შეუსრულდა
დღეს საღამოს 9 საათიდან გადაადგილება აკრძალულია
ნანა ექვთიმიშვილი საერთაშორისო ბუკერის პრემიის გრძელ სიაში მოხვდა
“აქედან ერთი ფოტო გადაღებულია საფრანგეთში, მეორე საქართველოში”
საქართველოში ტემპერატურა ნორმაზე 1-2 გრადუსით მაღალი იქნება და ზაფხულში 40 გრადუსს მიაღწევს
„ხელფასი დაბალია პედაგოგებისთვის და უნდა გავზარდოთ“ – პარლამენტის დეპუტატის განცხადება საბავშვო ბაღებში ანაზღაურებაზე
პატრონის მიერ ძაღლისა და კატის მიტოვებამ, შესაძლოა, ადმინისტრაციული სანქციის დაკისრება გამოიწვიოს