ქვეყნის მასშტაბით სამომხმარებლო ფასების მატებისა და ინფლაციის დონს 8.6%-იან ნიშნულამდე ზრდის საპასუხოდ, პოლონეთის მთავრობამ დამატებითი ღირებულების გადასახადების (დღგ – VAT) დროებით შემცირების გადაწყვეტილება მიიღო.
2022 წლის თებერვლიდან 31 ივლისამდე პოლონეთში 0%-მდე შემცირდა სურსათის, ბუნებრივი აირისა და სასუქის დღგ. გადასახადების შემცირებულია ენერგოპროდუქტებზეც, თუმცა ყველაზე მნიშვნელოვანი ცვლილება საწვავს შეეხო, რომლის დამატებითი ღირებულების გადასახადი 23%-დან 8%-მდე შემცირდა.
“ამ პროგრამის მთავარი მიზანია, რომ მოსახლეობის ჯიბეში რაც შეიძლება მეტი ფული დარჩეს”. – ამბობს პრემიერმინისტრი მატეუშ მორავიეცკი.
მთავრობის წარმომადგენლების შეფასებით, დღგ-ს შემცირება ქვეყნის მასშტაბით ფასების დასტაბილურებას და ინფლაციური წნეხის შემსუბუქებას გამოიწვევს.
აღსანიშნავია, რომ გადასახადების შემცირება თითქმის მყისიერად აისახა ენერგოპროდუქტების ბაზარზე. ზოგიერთ ბენზინგასამართ სადგურში საწვავის ფასები 10%-ით შემცირდა.
პოლონეთის ერთ-ერთი უმსხვილესი ბენზინგასამართი ქსელის, ORLEN-ის აღმასრულებელი დირექტორის, დანიელ ობატეკის შეფასებით, დღგ-ს შემცირება საწვავის მნიშვნელოვნად გაიაფებას გამოიწვევს.
მორავიეცკის თქმით, მთავრობის ანტიინფლაციური გეგმა სახელმწიფოს ბიუჯეტს, სავარაუდოდ, 4-5 მილიარდი დოლარი დაუჯდება.
მსგავსი სტატიები:
აშშ-ში კოვიდ-19-ის გამო მშობელი 40 000-მდე ბავშვმა დაკარგა
რა კრიტერიუმებს უნდა აკმაყოფილებდეთ ისრაელში დასაქმებისთვის და როგორია სამუშაო პირობები
4-11 მაისი უქმე დღეებად ცხადდება
NCDC: “ძლიერმა სიცხემ ბავშვებში შესაძლოა გამოიწვიოს სხვადასხვა ფორმის დაავადებები”
“ერთადერთი – საპირფარეშოში არ გადამიღონ, საძინებელში არ გადამიღონ და აბანოში არ გადამიღონ”
საქართველოში ამინდი გაუარესდება – დეტალები
ხულოში მანქანა ხევში გადავარდა, დაიღუპა არასრულწლოვანი
ლადო აფხაზავას “სოციალური საწარმო-ყვავილები განათლებისთვის” შემოსავალი ახალგაზრდების განათლებას მოხმარდება