ის აგრესიული ქმედებები, მუქარა, იქნება ეს კიბერშეტევები, თუ პირდაპირ სამხედრო ძალების უზომოდ გაზრდა უკრაინის საზღვარზე, თუ იგივე სამხედრო ძალების გააქტიურება შავ ზღვაზე, ეს ყველაფერი არის ნიშნები იმისა, რამდენად დღევანდელი რუსეთის პოლიტიკა არის პროვოკაციაზე გადასვლა. ამაზე მთელი ევროპული, დასავლური სამყარო პასუხობს მოლაპარაკებებით, მცდელობებით, რათა დარეგულირდეს ეს მდგომარეობა და მშვიდობიანი დეესკალაციისკენ წავიდეს დაძაბული ვითარება, მაგრამ დეესკალაციისთვის, როგორც მშვიდობიანი მოლაპარაკებებისთვის საჭიროა, რომ ორივე მხარე მზად იყოს.
მინდა, საქართველოს სახელით გამოვხატო ჩვენი სრული სოლიდარობა ჩვენი მეგობარი უკრაინის მიმართ და არამხოლოდ უკრაინის მიმართ, რამეთუ ის საფრთხეები, რაც არსებობს რეალურად არის, ემუქრება მთლიანად ევროპის უსაფრთხოებას. თუ ვლაპარაკობთ ევროპის უსაფრთხოებაზე, ეს არის ჩვენი უსაფრთხოება.
ჩვენი სოლიდარობა არაა სიტყვიერი სოლიდარობა. ესაა სოლიდარობა იმ ქვეყნიდან, რომელმაც განიცადა და განიცდის ოკუპაციას. კარგად გვესმის რას გრძნობს უკრაინელი ხალხი და მთლიანად ვიზიარებთ. […]
დღეს ჩვენ მხარს ვუჭერთ ყველა მოლაპარაკებას რაც მიმდინარეობს. აგრესიას მომავალი და შედეგი არ გააჩნია. სამხედრო ძალის გამოყენება ეკუთვნის წარსულს, ანაქრონისტულია დღევანდელ დღეს.
ვისაც არ ესმის და აწუხებს ძველი იმპერიული ზრახვები, იმას არ ესმის, როგორია 21-ე საუკუნის მსოფლიო. მინდა გამოვთქვა იმედი და რწმენა რომ უკრაინის სუვერენიტეტი ბოლომდე იქნება დაცული.”
თქვა პრეზიდენტმა სალომე ზურაბიშვილმა პოლონეთის პრეზიდენტთან ერთად გამართულ ბრიფინგზე თბილისის აეროპორტში.
მსგავსი სტატიები:
მაიკ პომპეოს ოფიციალური ვიზიტი დაიწყო – ამ წუთებში ის პრეზიდენტს ხვდება
“ამდენი წლის მერეც საჭირო ყოფილა სიმართლის შეხსენება ზოგი წესიერი ადამიანისთვის”
“”გუშინდელი ჰალსტუხიანი შეხვედრის” შემდეგ ოპოზიცია პარლამენტთან “რუსეთების ძახილით” მივიდა”
დავით დვალისა და ჯარჯი აქიმიძის ადვოკატის განცხადებით, „რუსთავი 2“-ის უძრავ ქონებას ყადაღა დაედო
30 წამში მიღებული გადაწყვეტილება და გენერალური ბრძოლა – ელენე ხოშტარიას შეხედულება კოალიციურ მთავრობაზე
“გეშინიათ?…ჩემი მომღიმარი ვიდეოების გავრცელების ნაცვლად…”ხელისუფლებას” ვურჩევ მიმიყვანოთ თქვენს “სასამართლოში” – მიხეილ სააკაშვილი
საქართველოს უახლეს ისტორიაში, ყველა ნაძირალა და ქვეყნის მოღალატე სამეგრელოს უსწორდებოდა! – ნიკა გვარამია
არც ასეთი მიტინგი მინახავს და არც ასეთი დიდებული გადაწყვეტილება – ნიკა გვარამია