“თუ სასურსათო უსაფრთხოების კუთხით გარკვეული ჩავარდნები გვექნება, ევროპის და ამერიკის იმედი შეიძლება გვქონდეს“

უკრაინაში რუსეთის შეჭრის შემდეგ, გლობალურ სასურსათო უსაფრთხოებას საფრთხე დაემუქრა, რადგან უკრაინა და რუსეთი მსოფლიო ბაზრისთვის მარცვლეულისა და მცენარეული ზეთის უმსხვილესი მიმწოდებლები არიან. ამერიკის სოფლის მეურნეობის დეპარტამენტის 2022 წლის იანვრის ანგარიშის მიხედვით, უკრაინული ხორბლის 2021 წლის მოსავლიდან ექსპორტისთვის ჯამურად 24 მილიონი ტონა იყო განკუთვნილი, თუმცა უკრაინის უდიდესი პორტების – მარიუპოლისა და ოდესის ბლოკირებისა და მოგვიანებით უკრაინის მთავრობის მიერ ხორბლის ექსპორტზე შეზღუდვების დაწესების გამო, ეს რიცხვი 20 მილიონ ტონამდე შემცირდა. რა საფრთხის წინაშე დგას მსოფლიო და სად არის ამ პროცესში საქართველო? ამ საკითხზე გადაცემა „საქმის კურსში“ Kudos Georgia-ს მმართველმა პარტნიორმა, ალექსანდრე მარგიშვილმა ისაუბრა. მისი თქმით, საქართველოს ბედი ამ კუთხით იმაზე იქნება დამოკიდებული, თუ რა მოხდება დასავლეთში.

„რამდენიმე საფინანსო ინსტიტუტმა მომდევნო ორი წლის განმავლობაში მთელ მსოფლიოში სასურსათო უსაფრთხოების უზრუნველსაყოფად 200 მლრდ დოლარი გამოყო. გამომდინარე იქიდან, რომ საქართველო დასავლეთის ნაწილად აღიქმება, მეტწილად რაც მოხდება დასავლეთში, ის ბუნებრივად ჩვენთანაც განმეორდება. მეორე მხრივ, იმედი უნდა გვქონდეს, რომ თუ სასურსათო უსაფრთხოების კუთხით გარკვეული ჩავარდნები გვექნება, ევროპის და ამერიკის იმედი შეიძლება გვქონდეს“, – აღნიშნა მან.

რაც შეეხება იმას, თუ რა შეიძლება ამ კუთხით საქართველომ გრძელვადიან პერსპექტივაში გააკეთოს, ალექსანდრე მარგიშვილმა აღნიშნა, რომ აუცილებელია წყაროების დივერსიფიცირება და მიწოდების არხების განვითარება.

„პირველ რიგში მნიშვნელოვაია წყაროების დივერსიფიცირება, ჩვენ რუსეთზე არაადეკვატურად ვართ დამოკიდებული. ამიტომაც საიმპორტო ქვეყნებიდან რუსეთის ამოვარდნა ჩვენთვის სერიოზული თავის ტკივილია. ეს ფასების ზრდას იწვევს. ამიტომაც ეს დისპოზიცია უნდა შეიცვალოს. ეს გეოპოლიტიკური და ეკონომიკური თვალსაზრისითაც მიუღებელია. არ არის მიზანშეწონილი ერთ წყაროზე, მით უმეტეს პოლიტიკურად ანგაჟირებულზე იყო დამოკიდებული.

მეორე – საკუთარი წყაროების და მოწოდების არხების განვითარება. ვგულისხმობ კერძო სექტორს, რათა მან ისევე როგორც სხვა ქვეყნებში მოხდა, გაიაზროს საკუთარი პასუხისმგებლობა. მათთვისაც უკეთესია რომ მათ ჰქონდეთ მიწოდების სხვადასხვა წყარო. მნიშვნელოვანია ასევე საკუთარი წარმოების გაზრდა. საქართველოში დიდი მიწის ნაკვეთები გამოუყენებელია, შეგვიძლია ერთობლივი დიდი პროექტების განხორციელება“, – განაცხადა Kudos Georgia-ს მმართველმა პარტნიორმა.

გააზიარეთ და მოიწონეთ სტატია:

მსგავსი სტატიები:

ორად გაყოფილი ბუკნარი- სოფლის ცენტრში მართლამდიდებელი მოსახლეობის აქცია დაიწყო დღეს საქართველოს სახელმწიფო დროშის დღეა კიმ კარდაშიანი ოფიციალურად მილიარდერი გახდა – Forbes პანდემიის დროს გამოვლენილ სხვა ახალ მილიარდერებსაც ასახელებს “სინოფარმის” და “სინოვაკის” ნახევარი მილიონი დოზა კვირის ბოლოს შემოვა, “ფაიზერის” შემოსვლის თარიღი უცნობია 43 გარდაცვლილი -კორონავირუსის 16 სექტემბრის სტატისტიკა თბილისის ერთ-ერთ კლინიკაში 5-ნაყოფიანი ორსულობა დაფიქსირდა – ვინ გახდება 5 ტყუპის დედა “ისტორიულ წარსულში ყველა მოღალატე ერთად აღებული ელისაშვილში დავინახე და აღმოაჩინე” – მაჩალიკაშვილი “რუსეთ-საქართველოს ურთიერთობებს ნათელი მომავალი აქვს” – “ოცნების” დუმილით კრემლი კმაყოფილია