მიხეილ სააკაშვილის სამედიცინო გამოკვლევებში უცხოელი სპეციალისტი ერთვება – ცენტრ “ემპათიას” მოწვევით ქვეყნის მესამე პრეზიდენტის ჯანმრთელობის მდგომარეობას გერმანელი ექიმი, ზოგადი ქირურგი შეისწავლის.
“ემპათიაში” ამბობენ, რომ გერმანიაში მომუშავე სპეციალისტს დიდი გამოცდილება აქვს შიმშლობისა და შიმშილობის შემდეგ კვების დაწყების მიმართულებით. ალტერნატიული კონსილიუმის წევრმა მედიკოსებმა უცხოელ კოლეგას კვლევების ნაწილი უკვე გადაუგზავნეს.
“დოკუმენტაციის განხილვისა და პაციენტის გასინჯვის შემდეგ, გამოიკვეთა ზოგიერთი ექსპერტის დამატების საჭიროება და მათ შორის, უცხოეთში კონსულტაციები. ველოდებით პასუხებს, ინფორმაციას, რომელიც ჩამოგვივა. მკურნალობის პროცესი გრძელდება, ანალიზების რაოდენობა მატულობს. გასაანალიზებელია თითქმის ნახევარი წლის მასალა”,- ამბობს ნევროლოგი, ოთარ თოიძე.
ცენტრ “ემპათიას” მორიგი ვიზიტი კლინიკა “ვივა მედში” დღეს, 14:00 საათზე იგეგმება. დღეს გაფართოებული ფორმატით მოხდება კვლევების ჩატარება. ექიმთა ჯგუფს დაემატება ნეიროქირურგი, გელა მენთეშაშვილი. ის დიდი ალბათობით, თავისა და ზურგის ტვინის დაზიანებას გამოიკვლევს და მესამე პრეზიდენტს ნევროლოგიური კუთხით შეამოწმებს.
გრძელდება სამედიცინო დოკუმენტაციის შესწავლა და ექსპერტიზის საბოლოო დოკუმენტის შემუშავება.
“ვეცდებით, რომ რაც შეიძლება სწრაფად იყოს საექსპერტო დასკვნა, რადგან რაც უფრო მეტად ვსწავლობთ საკითხს, მით უფრო იკვეთება, რომ აქ არის აუცილებელი სერიოზული მიდგომა და შესაბამისი მკურნალობა, დიაგნოსტიკა და რეაბილიტაცია, რაც სამწუხაროდ, 7 თვის განმავლობაში მიხეილ სააკაშვილს არ მიეწოდება”- თქვა მარიამ ჯიშკარიანმა. ცნობისთვის, დღეს მიხეილ სააკაშვილს ექიმების გარდა, კლინიკაში ოპოზიციონერი დეპუტატი, ეკა ხერხეულიძე მოინახულებს.
მსგავსი სტატიები:
მაჩალიკაშვილი: არ იყო ჩემი საქმე პოლიტიკა, მაგრამ ამ მახინჯმა სისტემამ აქაც მომიყვანა
“მიმაჩნია, რომ შაბათ-კვირას დაწესებული შეზღუდვები შეიძლება შემსუბუქდეს”
ყველაფერი გააკეთეს იმისთვის, რომ დაბრუნებოდნენ მათთვის სასურველ სადავეებს, მაგრამ ჩვენდა საბედნიეროდ ხალხი ბრძენია-რიმა ბერაძე ენმ-ზე
ნაკაიძე, სამნიძე და აქუბარდია პარლამენტში პირბადის გარეშე ყოფნისთვის შსს-ს დაჯარიმებას სთხოვენ
ჩარკვიანი: წაეთრიეთ, ხელისუფლებავ! ძირს მკვლელი დამნაშავე ხელისუფლება!
ანა ნაცვლიშვილი, იმედა კლდიაშვილი…. – ხატია დეკანოიძე ქუთაისის კოალიციურ მთავრობას წარადგენს
“თავის დროზე, არასამთავრობო სექტორი გვსაყვედურობდა, ეს ორი უფლებამოსილება არ უნდა იყოს ერთადო” – თეა წულუკიანი
ბაჩო ახალაიამ საპატიმრო დატოვა