„პუტინი თავისი სისულელეებით ძალიან დაგვეხმარა“ – სააკაშვილი

საქართველოს ექსპრეზიდენტი, მიხეილ სააკაშვილი სოციალურ ქსელში მორიგ გზავნილს აქვეყნებს.

“დღეს ამერიკამ გამოაცხადა, რომ მზადაა უკრაინას გადასცეს ყველაზე თანამედროვე ტანკები – აბრამსები. ამავე დროს ესპანეთმა უკვე დაიწყო უკრაინული ეკიპაჟების მომზადება. ეს არის ძალიან დიდი ნაბიჯი. პუტინი თავისი სისულელეებით ძალიან დაგვეხმარა.

რაც შეეხება რუსეთში მობილიზაციას – ჩემი პროგნოზია, რომ დაგეგმილი სამასი ათასიდან, ოცდაათსაც ძლივს შეკრებენ. ვოენკომატების სისტემა მთლიანად მოშლილი აქვთ და რუსეთისთვის საუკეთესო შემთხვევაში, ისინი ფრონტზე მოხვდებიან მხოლოდ წლის ბოლოს, როცა ყველაფერი უკვე გადაწყვეტილი იქნება. ეს არის პირველი საერთო მობილიზაცია 1941 წლის შემდეგ. პუტინს მხოლოდ ერთი გზა დარჩა – გამოიყენოს ტაქტიკური ბირთვული იარაღი, რითაც ნატოს ჩარევის პროვოცირებას მოახდენს. ამის შემდეგ გაიყვანს ჯარს და რუსებს ეტყვის, რომ ის კონცენტრირდება ნატოსგან რუსეთის ტერიტორიის დაცვაზე და ამით გაამართლებს სრულ სამხედრო კრახს.

სხვათაშორის, რუსეთიდან უცხოეთში რეისებზე ყველა ბილეთი გაყიდულია.

ახლა მნიშვნელოვანია საქართველომ მთლიანად ჩაკეტოს საზღვარი რუსებისთვის.

P.S ოფიციალურად გამოცხადდა, რომ რუსეთის მთავარი პირველი სატანკო არმია განადგურებულია და შეწყვიტა არსებობა. ამ არმიის მთავარი ამოცანა იყო მოსკოვის დაცვა და ნატოზე მთავარი შეტევის მიტანა და ახლა უკრაინის მიწაზე სამარცხვინოდ შეწყვიტა არსებობა”,- წერს მიხეილ სააკაშვილი. 

გააზიარეთ და მოიწონეთ სტატია:

მსგავსი სტატიები:

Oxford/AstraZeneca-ს ვაქცინას 6-17 წლის ასაკის მოზარდებზე პირველად გამოცდიან აკუსტიკური იარაღის ტარება იკრძალება “სხვა კომენტარს არ გავაკეთებ” – დავით ბერძენიშვილი პარტიაში განვითარებულ მოვლენებს ეხმაურება სრულიად საქართველოს კათოლიკოს-პატრიარქის მიმართვა ფერისცვალების დღესასწაულთან დაკავშირებით საქართველოში ფქვილის იმპორტიორებს პრობლემებს უქმნიან – პურის მცხობელთა ასოციაცია მელექედურში მერის წარმომადგენლად ისევ გაგა  ცხომელიძე დაინიშნა თალაკვაძის თანაშემწეს წინასაპატიმრო გირაო შეუფარდეს Fitch-ის შეფასებით, რუსეთის სუვერენული დეფოლტი „გარდაუვალია“