ამერიკის შეერთებული შტატების ხაზინის დეპარტამენტმა 150 ბიზნესმენსა და ადამიანს სანქციები დაუწესა. მათ შორისაა, საქართველოს ყოფილი გენერალური პროკურორი ოთარ ფარცხალაძე.
სანქციების დაწესება ოთარ ფარცხალაძის ბიზნესსაქმიანობას უკავშირდება. სანქციების პაკეტის ოფიციალურად გამოცხადებამდე, მედიაში გავრცელდა ინფორმაცია, რომ სანქცირებულთა შორის იყო “ქართველი-რუსი ოლიგარქი”.
“რუსეთის საზიანო გავლენა საქართველოში” – სწორედ ამ ქვეთავში არის განხილული ოთარ ფარცხალაძის სანქცირება.
“ოთარ ანზორის ძე ფარცხალაძე შეტანილია სიაში რუსეთის ფედერაციის ეკონომიკის მენეჯმენტის საკონსულტაციო სექტორში საქმიანობის გამო”, – აღნიშნულია დეპარტამენტის განცხადებაში.
სანქციების ქვეშ მოყვა ალექსანდრ ონიშენკო, რომელიც რუსეთის უსაფრთხოების სამსახურის (FSB) თანამშრომელია. როგორც დეპარტამენტი აღნიშნავს, ონიშენკო, სავარაუდოდ, ფარცხალაძეს რუსული პასპორტისა და მოქალაქეობის მიღებაში დაეხმარა:
“ფარცხალაძემ სრულად მიიღო რუსული იდენტობა და რეგულარულად მიემგზავრება რუსეთში”, – აღნიშნულია სახელმწიფო დეპარტამენტის განცხადებაში.
სახელმწიფო დეპარტამენტი აღნიშნავს, რომ ონიშენკო და FSB იყენებდნენ ფარცხალაძეს ქართულ საზოგადოებასა და პოლიტიკაზე გავლენის მოსახდენად რუსეთის სასარგებლოდ: “ფარცხალაძემ პირადი სარგებელი მიიღო FSB-თან მისი კავშირებით”, – ნათქვამია განცხადებაში.
გარდა ამისა, სანქციები დაადეს ორ რუსულ საკონსულტაციო კომპანიას, რომელთა 50%-ს ოთარ ფარცხალაძე ფლობს: LLC MOSCOW BUSINESS BROKERAGE LLC INTERNATIONAL BUSINESS CORPORATION
ოთარ ფარცხალაძე საქართველოს გენერალური პროკურორის თანამდებობას 2013 წლის 7 ნოემბრიდან 30 დეკემბრამდე იკავებდა.
თანამდებობის დატოვების შემდეგ, ის არაერთხელ დაადანაშაულეს თავდასხმასა და ძალადობაში, ასევე ფულის გამოძალვაში.
ოთარ ფარცხალაძე თავდასხმაში ყოფილმა მთავარმა აუდიტორმა, ლაშა თორდიამ დაადანაშაულა. აუდიტორმა თავდასხმა ყოფილი მთავარი პროკურორის შესახებ მასალების მოგროვებას დაუკავშირა. ქართულმა სასამართლომ ლაშა თორდიას ცემის საქმეში ოთარ ფარცხალაძე გაამართლა.
გარდა ამისა, 2018 წელს რუსთავი 2-მა გაავრცელა ინფორმაცია, რომ ოთარ ფარცხალაძე სპორტის ყოფილი მინისტრი, ლევან ყიფიანი გაიტაცა და სარდაფში ემუქრებოდა.
მსგავსი სტატიები:
ღარიბაშვილს ახლა დაემართება პოლიტიკური ერექცია – ნიკა მელია
„ფაიზერით“ ვაქცინაცია 7-ის ნაცვლად 37 დაწესებულებაში იქნება შესაძლებელი”
თურქეთში ტყის ხანძარს ებრძვიან
გამყრელიძე: ყველა უნდა ვეცადოთ, რომ რაც შეიძლება მოკრძალებული ახალი წელი გვქონდეს
ჩემი მოთხოვნაა ადეკვატური ჯანმრთელობის დაცვის განხორციელება – მიხეილ სააკაშვილის განმარტება შიმშილობაზე
მიხეილ სააკაშვილი არის პუტინის ტყვე ქართულ ციხეში – მარგველაშვილი
სუსი უსმენს ყველას და ყოველთვის – გოგაშვილის სკანდალური მხილება ციხიდან
ფრიდონ ინჯია 186 000 ევროდ ნაყიდ ვერტმფრენით თავად იფრენს – დეპუტატმა ლიცენზია უკვე მოიპოვა