ოზურგეთში ბჟუჟის ხეობაში ჰესების კასკადის მშენებლობა უკანონოდ მიმდინარეობს

ოზურგეთში ბჟუჟის ხეობაში ფიდროელექტროსადგურების მშენებლობები უკანონოდ მიმდინარეობს.

ოზურგეთის მუნიციპალიტეტის სოფელ გომში მდინარე ბჟუჟის ხეობაში ხელისუფლებასთან დაახლოებულმა კომპანიამ პარვუს ჯგუფმა სამი ჰიდროელექტროსადგურის მშენებლობა დაიწყო. გარემოსდამცველები მიიჩნევენ, რომ კომპანიამ ადგილზე გზის გაყვანის სამუშაოები ისე დაასრულა და ადგილზე სადერევაციო მილები ისე დაასაწყობა – ანუ მშენებლობის პირველი ეტაპი ისე დაიწყო, რომ არანაირი კვლევები არ ჩაუტარებია, ადგილზე არ ყოფილა არც ბუნების დამცველები, ეკოლოგები, გეოლოგები და სხვა სპეციალისტები.

ადგილობრივი დეპუტატები, ასევე ყურადღებას ამახვილებენ იმ ფაქტზე, რომ მიუხედავად არაერთგზის მოთხოვნისა, ოზურგეთის მერიიდან რამდენიმე თვეა ვერ მიიღეს ვერანაირი ინფორმაცია, თუ ვინ არიან და რას აშენებენ ბჟუჟის ხეობაში. ჰესების წინააღმდეგი არიან სოფელშიც და გომელები აცხადებენ, რომ ისინი მშენებლობას არ დაუშვებენ.

აღსანიშნავია, რომ ჰესების მშენებელ კომპანიას შეხვედრა ადგილობრივებთანაც არ ჩაუტარებია, ასევე ისიც, რომ ამ კომპანიის კუთვნილ ჰიდროელექტროსადგურებში, ჟურნალისტებმა კრიპტოვალუტის მსხვილი ფერმები აღმოაჩინეს – მაგალითად ხევსურეთში, დუშეთის მუნიციპალიტეტში მდებარე „როშკა ჰესში“. მიუხედავად იმისა, რომ კომპანიის წარმომადგენლები საუბრობდნენ მინიმუმ ოთხი კვლევის გაკეთების შესახებ, გარემოსთან ზემოქმედების საკითხში დღემდე არცერთი კვლევა ჩატარებული არ არის.

როგორც ბუნების დამცველი ირმა გორდელაძე აცხადებს, მისი ორგანიზაცია კომპანიის წინააღმდეგ სარჩელს ჰესების უკანონო მშენებლობის გამო შეიტანს და მის შეჩერებას სასამართლოს ძალით მოითხოვს.

ოზურგეთის მერიაში კი, რომელიც დღემდე ასაიდუმლოებს მასსა და პარვუს ჯგუფს შორის გაფორმებულ მემორანდუმს, კომენტარს არ აკეთებენ და ჟურნალისტებს მერიის შენობაში არ გვიშვებენ.

გააზიარეთ და მოიწონეთ სტატია:

მსგავსი სტატიები:

აქციაზე ბუკნარში გურიის გუბერნატორი მივიდა გელათი დაიკეტა – რკინის ბოქლომი გელათის სამონასტრო კომპლექსის კარიბჭეს მეთორმეტე საუკუნის შემდეგ დღეს პირველად ედო კალიურანდი: არჩევნებზე ევროპარლამენტი საქართველოში სადამკვირვებლო დელეგაციას გამოგზავნის “მთავარი არხის” ექსკლუზიური ინტერვიუ უკრაინის სახალხო დამცველთან [VIDEO] სანაიას მკვლელობის საქმის ახალი დეტალები – ღარიბაშვილის სიმამრი ბრალდებებს უარყოფს “მეზიზღება სიტყვები “რუსეთის პროვოცირება”… თუ უკრაინაში დავმარცხდებით, პუტინი შემოუბრუნდება საქართველოსა და მოლდოვას”-ფარკასი „ვინც არ არის ჩვენ წინააღმდეგ, ის ჩვენთანაა“ – რუსეთის რეაქცია “აგენტების კანონის” ჩაგდებაზე საქართველო მიიღებს კანდიდატის სტატუსს, თუმცა მკაცრი დათქმებით – იოზვიაკი