უკრაინაში ქვეყნის ღალატისათვის ძებნილი, ადრე მოძრაობა “ანტისააკაშვილი”ს ლიდერი, უკრაინის რადას ყოფილი დეპუტატი, პრორუსი ილია კივა მოსკოვში გარდაცვლილი იპოვეს.
მოსკოვის რეგიონში [პადმასკოვიე] უკრაინის რადას ყოფილი დეპუტატი, პრორუსი ილია კივა გარდაცვლილი იპოვეს. ამ ინფორმაციას გამოცემა “მედუზას” სამთავრობო პროპაგანდისტულ РИА Новости-ზე დაყრდნობით ავრცელებს, რომელმაც, თავის მხრივ, ინფორმაცია სასწრაფო დახმარების სამსახურზე დაყრდნობით გაავრცელა.
აქვე, მედია წერს, რომ ეს ინფორმაცია ოფიციალურად არ დადასტურებულა. რუსული მედია ვარაუდობს, რომ პრორუსი უკრაინელი პოლიტიკოსის მკვლელობა, სავარაუდოდ, უკრაინულ სპეცსამსახურებს უკავშირდება.
“კივა მოკლეს” – დაწერა სოციალურ ქსელში პუტინის პროპაგანდისტმა მარგარიტა სიმონიანმა.
მოსკოვის ოლქში მკვდარი იპოვეს უკრაინის უმაღლესი რადის ყოფილი დეპუტატი ილია კივა. ამის შესახებ პირველი იტყობინებოდა რუსული ტელეარხი „რენ ტვ“ წყაროებზე დაყრდნობით.
რუსული საინფორმაციო სააგენტო „რია ნოვოსტის“ თანამოსაუბრემ სასწრაფო დახმარებაში და RBC-ს წყარომ, რომელიც შსს-სთან არის ახლოს, თქვეს, რომ გვამი აღმოჩენილია სოფელ სუპონევოში, ოდინცოვოს რაიონში. სიკვდილის გარემოებებს იძიებენ.
ინფორმაციის ოფიციალური დადასტურება ჯერჯერობით არ მოიპოვება. მოსკოვის ოლქის შსს მთავარ სამმართველოში RBC-ს შეატყობინეს, რომ ჯერჯერობით არ მოეპოვებათ ინფორმაცია კივას სავარაუდო სიკვდილის შესახებ.
„უკრაინსკაია პრავდის“ წყაროები ირწმუნებიან, რომ კივას სიკვდილის უკან დგას უკრაინის უშიშროების სამსახური.
ნოემბრის შუა რიცხვებში ლვოვის სასამართლომ კივა სახელმწიფო ღალატში ცნო დამნაშავედ და დაუსწრებლად მიუსაჯა 14 წლით პატიმრობა.
ყოფილი მილიციელი კივა უკრაინის შინაგან საქმეთა მინისტრის მრჩეველი იყო, კიევის მხარეს მონაწილეობდა დონბასის ომში. ის სათავეში ედგა რუსეთში აკრძალულ „პრავი სექტორს“. 2014 წელს კივა საპრეზიდენტო არჩევნებში მონაწილეობდა და ხმების 0,03% მოაგროვა. რადაში ის აირჩიეს პარტიიდან „ოპოზიციური პლატფორმა – სიცოცხლისთვის“, რომელსაც უკრაინის ხელისუფლება პრორუსულად მიიჩნევს.
პოლიტიკოსის წინააღმდეგ სისხლის სამართლის საქმე აღიძრა 2022 წლის მარტში, უკრაინაში რუსეთის სრულმასშტაბიანი შეჭრის დაწყებიდან მალევე. დეპუტატი შეჭრამდე რეგულარულად მონაწილეობდა რუსეთის სახელმწიფო ტელევიზიის გადაცემებში და ცხოვრობდა ესპანეთში. მოგვიანებით მან უკრაინის ხელისუფლებას ბრალი დასდო მისი მოტაცების მცდელობაში და პოლიტიკური თავშესაფარი ითხოვა რუსეთში.
კიევი ირწმუნება, რომ კივა რუსეთში ცხოვრობს.
მსგავსი სტატიები:
“მაქვს ინფორმაცია, რომ “ოცნება” ახალი არჩევნების ჩატარებაზე ფიქრობს”
ნიკა მელია: “43%-იანი ნიშნული გაუგონარი პრეცედენტია”
“ოპოზიციის ნაწილი არჩევნების დისკრედიტაციისთვის ემზადება”
ჩვენი მოწინააღმდეგე არის, ბოროტმოქმედი, ვერაგი, დამნაშავე კრიმინალი, რომელიც დგას ძალადობაზე – ნიკა მელია
დიდი დაპირისპირება „ოცნებაში“ – რას ითხოვდა ირაკლი ღარიბაშვილი?!
საქართველოში დათბება | 24 თებერვლის ამინდი
„ევროპაში არ შეუშვან მათი ოჯახის წევრებიანად“ – სოფო ჭყონია „ოცნების“ „ზონდერებზე“
რას ნიშნავს ნახევარმთვარის ფორმა და კვერცხიანი შიგთავსი? – გურული ღვეზელის აღდგენილი ტრადიცია