“ანსამბლი “ფესვები” გზიდან გააბრუნეს, თურმე პრეზიდენტის სასახლეში ნებადართული არ არის მოღვაწეობა… თუ ეს არ არის კულტურული ბოლშევიზმი, არ ვიცი, ამას რა ჰქვია”, – ამის შესახებ საქართველოს პრეზიდენტმა სალომე ზურაბიშვილმა, ორბელიანების სასახლეში, მაღალმთიანი აჭარის ფოლკლორის საღამოზე განაცხადა და დამსწრეებს ურჩია თავად მიმხვდარიყვნენ “საიდან მოვიდა მითითება”.
“ძალიან სამწუხარო არის, რომ ის ანსამბლი, რომელიც უნდა ჩამოსულიყო აჭარიდან “ფესვები” და რომელიც დღეს ჩვენთან უნდა ყოფილიყო, გზიდან გააბრუნეს, იმიტომ, რომ თურმე პრეზიდენტის სასახლეში ნებადართული არ არის აქ მოღვაწეობა. თქვენ თვითონ იფიქრეთ, საიდან მოვიდა მითითება და რას ნიშნავს ეს. თუ ეს არ არის კულტურული ბოლშევიზმი, მე არ ვიცი, ამას რა ჰქვია. სამწუხარო არის და მე მინდა მათ ჩემი სახელით, ბოდიში მოვახსენო იმისთვის, რომ გზიდან გააბრუნეს, ამ ფორმით და მინდა საზოგადოებას ბოდიში მოვუხადო იმისთვის, რომ ამ ქვეყანაში, დღეს, ასეთი რაღაცები შეიძლება ხდებოდეს. ძალიან ვწუხვარ, მაგრამ მაინც გვექნება საღამო, რომელშიც მონაწილეობას მიიღებს სხვა ანსამბლი – “მარგალიტი” და ძალიან დიდი მადლობა მათ, რომ შემოგვიერთდნენ და მე დარწმუნებული ვარ, ძალიან სასიამოვნო და ღირსშესანიშნავი საღამო გვექნება.” – განაცხადა ზურაბიშვილმა
მსგავსი სტატიები:
გიორგი გახარია ამ წუთებში გუბერნატორებს ხვდება
“დაასრულეთ, ან რუსთავში გამიშვით, ან გარეთ”
TikTok-მა მილიონობით არასრულწლოვანი მომხმარებლის ანგარიში წაშალა
“ახლა არჩევანიც და არადანიც მიშაა…„ოცნება“ თავდაცვაზე, სააკაშვილი კი თავდასხმაზეა გადასული”-გუბაზ სანიკიძე
“რუსეთმა აშშ საქართველოში ბიოლოგიური იარაღის საიდუმლო ლაბორატორიის მართვაში დაადანაშაულა”
“ოპტიმისტური პროგნოზებით, რეალურია, რომ ომი მიმდინარე წელს დასრულდეს”
რაგბი – პირველი ლიგა | ოზურგეთელები დაუმარცხებლად ლიდერობენ
”როგორ გადაშენდა უნიკალური აბრეშუმის ძაფის წარმოება ოზურგეთში” – ირმა გორდელაძე