”როგორც ჩვენი ბიჭების გამარჯვების დღეს, ყიჟინით, შეძახილებით, შევაბიჯებთ ევროპაში! არა რუსულ კანონს! კი – ევროპას! ” – ამის შესახებ რეჟისორი ლანა ღოღობერიძე სოციალურ ქსელში წერს.
რეჟისორის ამბობს, რომ თავისუფლება და ევროპული მომავალი, რომელიც ქართველი ხალხის დიდი ბრძოლის მონაპოვარია, ვერავინ წაგვართმევს.
”დამოუკიდებლობა, თავისუფლება და ევროპული მომავალი – ქართველი ხალხის ეროვნული იდეაა. ამ იდეისთვის საუკუნეთა მანძილზე ვიბრძოდით, მაგრამ ამ ბრძოლაში ყოველთვის ვიყავით ტრაგიკულად მარტო. დღეს დაძლეული გვაქვს ეს ისტორიულად დეტერმინირებული მარტოობა: გვყავს ნამდვილი მეგობრები – ევროპული ქვეყნები, აშშ, რომელთაც დაიჯერეს ჩვენი სულისკვეთების და ფართოდ გაგვიღეს თავისი სახლის კარები!
ამ მონაპოვარს ვერ დავკარგავთ!
მე მჯერა ჩვენი ხალხის სიცოცხლის ძალის. ის ისე ნათლად გამოჩნდა სულ ცოტა ხნის წინ, როდესაც ყველა ერთად ვზეიმობდით ფეხბურთელთა ამ მშვენიერ გამარჯვებას. ასე სახალხოდ ვზეიმობდით იმიტომ, რომ ვაცნობიერებდით – ეს არ იყო მხოლოდ სპორტული მოვლენა, არამედ ევროპაში შესვლის რეპეტიცია! ის სიხარული ჩვენი ერის სულიერი ენერგიის ბუნებრივი გამოვლინება იყო!
მას ვერავითარი ხელისუფლება ვერ წაგვართმევს.
ჩვენ ძალიან ძლიერები ვართ, როდესაც ვართ ერთად და გვიხარია! ასე მხიარულად, ყიჟინით, შეძახილებით, როგორც იმ დღეს, ჩვენი ბიჭების გამარჯვების დღეს, შევაბიჯებთ ევროპაში!
ამიტომაც:
არა რუსულ კანონს! კი – ევროპას!”, – წერს ლანა ღოღობერიძე.
მსგავსი სტატიები:
“მე არასდროს გავიწევი უკან, თქვენ, ეტყობა, არ იცნობთ სააკაშვილს” – მესამე პრეზიდენტი ე.წ. კანონიერ ქურდებს
ლანჩხუთში 43 წლის მამაკაცმა თავი იარაღით მოიკლა
20-23 აპრილს საქართველოში მოსალოდნელია წვიმა
“ზემო იმერეთი და საერთოდაც იმერეთი, არის სიტყვა ყველაზე მარტივ ამბებსაც ლიტერატურად აქცევს”-გიორგი კეკელიძე
თარგამაძე სარჩელზე: პირდაპირი გზავნილია, რას აპირებს ქართული ოცნება არჩევნების შემდეგ
”საძაგელი სურნელი დგას ქართულ პოლიტიკაში” – თაკო ჩარკვიანი
შონ პენი მსოფლიოს მილიარდერებს მოუწოდებს უკრაინისთვის თვითმფრინავები და საჰაერო თავდაცვის სისტემები იყიდონ
მაღალჩინოსნები იმიტომ კნავიან, რომ იციან, სანქციების რიგში დგანან – დავით ჭიჭინაძე