“საქართველო ავტორიტარიზმისკენ მიჰყავთ იმ ძალებს, რომლებსაც ძალაუფლების შენარჩუნების ეგზისტენციალური საჭიროება აქვთ”, – ამის შესახებ ამერიკის შეერთებული შტატების ყოფილი ელჩი საქართველოში, კელი დეგნანი საუბრობს და ქვეყანაში განვითარებულ მოვლენებსა და “ქართული ოცნების” მიერ კანონის შემობრუნებას ეხმაურება. მის ამ განცხადებებს “ფორმულას” ჟურნალისტი დემნა დევდარიანი სოციალურ ქსელში ავრცელებს:
”კელი დეგნანმა, 1 საათის წინ, ბოლონიაში, ჯონ ჰოპკინსის უნივერსიტეტში დისკუსიაზე, ასეთი განცხადებები გააკეთა:
“ქართველები ახლა, კიდევ ერთხელ დგანან ქუჩაში, იმ დროს, როცა მმართველ პარტიას ძალით გააქვს რუსული სტილის კანონი დასამტკიცებლად. გუშინ მიიღეს პირველი მოსმენით და არ გამიკვირდება, რომ ხალხის ნების უგულებელყოფით, ისინი ამ პროცესს ბოლომდე მიიყვანენ.
მე ვფიქრობ, რომ ამ კანონის შემობრუნების მიზეზი ისაა, რომ მმართველმა ძალამ, ოქტომბრის არჩევნებზე საერთაშორისო/სადამკვირვებლო მისიების მუშაობა არ დაუშვას. იმ მისიებისა, რომელთა დისკრედიტაციასაც ახდენდნენ გასულ წლებში. მათ სურთ რომ არ ისმოდეს კრიტიკის ხმა არჩევნების პროცესთან მიმართებაში. სხვა ახსნა უბრალოდ არ მაქვს.
ძალიან ვღელავ მომდევნო საპრეზიდენტო არჩევნებზე საქართველოში და იმ ფაქტზე, რომ მომდევნო პრეზიდენტს პარლამენტი აირჩევს და ამით მმართველი პარტია შეძლებს კონტროლი ჰქონდეს ხელისუფლების ყველა შტოზე, ეს კი დემოკრატია არ იქნება.
ვფიქრობ, რომ კიდევ იქნება კრიზისი, მაგრამ ჩემი დაკვირვებით, ამჯერად, ამ კანონის გარშემო მიმდინარე პროტესტისთვის, სამოქალაქო საზოგადოება ბევრად უკეთაა ორგანიზებული ვიდრე გასულ წელს.
ირონიულია, რომ კაცი, რომელიც 2018 წელს საკონსტიტუციო ცვლილებების მთავარი ავტორი იყო და ახლა პრემიერ-მინისტრია, აცხადებს, რომ საკონსტიტუციო სამართლის იურისტია და არ გამიკრიდება, თუ ქართული ოცნება ოქტომბერში საკონსტიტუციო უმრავლესობით გაიმარჯვებს, ისინი როგორმე შეცვლიან 78-ე მუხლს. ამ და სხვა ცვლილებებით, ქართული ოცნება ეტაპობრივად შეეცდება, რომ ყოველი მომდევნო არჩევნები საკონსტიტუციო უმრავლესობით მოიგონ.
იმის გამო, რომ ქართველების ისტორია სავსეა ბრძოლებით, როცა თავისუფლების მოყვარულები საბოლოოდ ამბობდნენ რომ „საკმარისია“, არ ვიცი ამ შემთხვევაში რა იქნება მაპროვოცირებელი, ეს შეიძლება იყოს უცხოური აგენტების შესახებ კანონი, კიდევ ერთი გაყალბებული არჩევნები ოქტომბერში ან სხვა რამ, მაგრამ მჯერა, რომ თავისუფლების სული და თავისუფლებისადმი ამ ერის ლტოლვა, კიდევ ერთხელ გაიმარჯვებს.
საქართველო, ავტორიტარიზმისკენ მიყავთ იმ ძალებს, რომლებსაც ძალაუფლების შენარჩუნების ეგზისტენციალური საჭიროება აქვთ და ეს ძალიან მაღელვებს, რადგან ვხედავ, ამ მხრივ, გლობალურ ტრენდს.
საქართველოს ჰყავს ოლიგარქი, რომელიც მიზანდასახულად ცდილობს სტატუს ქვოს შენარჩუნებას მის სასარგებლოდ და აქ არსებობს ენდემური, მაღალი დონის კორუფცია და მყიფე სახელმწიფო ინსტიტუტები.”
მსგავსი სტატიები:
ვინ არის პირველი ოპოზიციონერი დეპუტატი რომელიც პარლამენტში შედის
“მე არსად გავქცეულვარ! გამომაძევეს!გამომაძევეს გოგა ხაინდრავასთან, სოზარ სუბართან და კიდევ სხვა რამდენიმე პირთან ღია დაპირისპირების გამო”
“მიშას თავისუფლებისთვის!” – სამოქალაქო აქტივისტები ახალ მოძრაობაში ერთიანდებიან
წულუკიანს როგორ უნდა შეურიგდე? – ვის დაკარგვია საერთოდ…- ყუბანეიშვილი
სამხედრო ძალებმა დონბასში რუსეთის 5 თვითმფრინავი და 1 ვერტმფრენი ჩამოაგდეს – უკრაინა
“ჩვენ ვართ არა ომის…არამედ საქართველოს დაცვისა და გადარჩენის პარტია”-მიხეილ სააკაშვილი
“ხალხოოო…. ამნეზია დაგემართათ?! ბიჭო, ამათ “ზაჟიგალკით” თივის ზვინზე გაკვრა მოერიდებათ !?” – რას წერს დავით ოქიტაშვილი?
“ახალ “ერგნეთის ბაზრობას” აკეთებს ივანიშვილი რუსებთან – გიგი უგულავა