“ჯერ არ შესულა ძალაში ეს კანონი და უკვე მოქმედებს”-არმაზ ახვლედიანი

ეს არის რეპრესიების, განსხვავებული აზრის დევნის და ოპონენტების ჩაწიხვლის მხოლოდ შესავალი და დასაწყისი, – ამის შესახებ ოპოზიციონერმა დეპუტატმა, არმაზ ახვლედიანმა პარლამენტის პლენარულ სხდომაზე განაცხადა, სადაც „უცხოური გავლენის გამჭვირვალობის“ შესახებ კანონპროექტის განხილვა მიმდინარეობს.

მან ხელისუფლებას მიმართა, რომ დღეს უფრო მასშტაბური პროტესტი იქნება და ეს არ დასრულდება მანამ, „ვიდრე არ დასრულდება ამ კანონის შემოქმედთა უკონტროლოდ, უკანონოდ ყოფნა“.

„ჯერ არ შესულა ძალაში ეს კანონი და უკვე მოქმედებს. ყველა ცხადად ვხედავთ, რა არის ჩაფიქრებული და რა დევს ამის მიღმა. საზოგადოება იმიტომ აპროტესტებს, რომ იცის, ამას რა მოჰყვება. ეს არის რეპრესიების, განსხვავებული აზრის დევნის და ოპონენტების ჩაწიხვლის მხოლოდ შესავალი და დასაწყისი. სწორედ ამიტომაა, რომ დღეს მიიღებთ უფრო დიდ პროტესტს და ეს პროტესტი არ დასრულდება მანამ, ვიდრე არ დასრულდება ამ კანონის შემოქმედთა ასე უკონტროლოდ, უკანონოდ ყოფნა“, – განაცხადა ახვლედიანმა.

მას პარლამენტის თავმჯდომარე, შალვა პაპუაშვილმა უპასუხა და მოუწოდა, დრო კანონპროექტის მუხლობრივი განხილვისთვის გამოეყენებინა და არა პოლიტიკური გამოსვლებისთვის.

„კითხვის ნაცვლად, თქვენ პოლიტიკური გამოსვლა გქონდათ. ამისთვის გექნებათ დრო ბოლოში, მაგრამ ვხედავ, რომ ბოროტად სარგებლობთ. სხვა მუხლებთან დაკავშირებით კითხვაზე აღარ მოგცემთ დროს იმიტომ, რომ არ დავკარგოთ პარლამენტის განხილვის დრო პოლიტიკური განცხადებებისთვის. 2-ჯერ უსაგნოდ გამოიყენეთ უკვე პოლიტიკური განცხადებები. ამით ჩანს, რომ თქვენ შინაარსობრივი ინტერესი მუხლთან და კანონთან დაკავშირებით არ გაქვთ“,-მიმართა პაპუაშვილმა ახვლედიანს.

გააზიარეთ და მოიწონეთ სტატია:

მსგავსი სტატიები:

ბოლო 24 საათში საქართველოში COVID-19-ით კიდევ 20 ადამიანი გარდაიცვალა მეუფე დიმიტრიმ სინოფარმის ვაქცინა გაიკეთა გათავისუფლდებიან, თუ არა შეზღუდვების გამო დაჯარიმებული პირები გადასახადისგან გულით იმ ქართველებთან ვარ, ვინც ქუჩებს სააკაშვილის გათავისუფლებისთვის იკავებს- გლუკსმანი სხილათუბანი -მიეკუთვნება გურიის ვაზის აბორიგენულ ჯიშთა ჯგუფს ვიდეო: “ქართული ოცნების” რუსული “პოგრომი” “ბიძინა ივანიშვილის დასაშანტაჟებლად…ევროპარლამენტი და შვეიცარიული ბანკი სინქრონულად მოქმედებდნენ…”-ფილოსოფოსი ზაზა შათირიშვილი ამერიკელებმა ბევრი საზიზღრობა ჩაიდინეს – ვისურვებდი, რუსი სპორტსმენები საერთაშორისო არენაზე დაბრუნდნენ – მალხაზ ასათიანი