ევროკავშირის წევრმა სახელმწიფოებმა ოფიციალურად მიიღეს გეგმა, რომლის მეშვეობითაც რუსეთის ცენტრალური ბანკის გაყინული აქტივებიდან მიღებული მოგება უკრაინის სამხედრო და სხვა ტიპის დახმარებას მოხმარდება. აღნიშნული ინფორმაცია ბელგიის მთავრობამ 21 მაისს გაავრცელა.
მანამდე, ევროკავშირის ელჩებმა გაყინული რუსული აქტივების უკრაინისთვის გამოყენებაზე შეთანხმებას მაისის თვის დასაწყისში მიაღწიეს, თუმცა ამჯერად გეგმაზე მინისტრებიც შეთანხმდნენ.
თავის მხრივ, აღნიშნული გეგმა მაღალი რანგის რუსმა დიპლომატმა დაგმო და განაცხადა, რომ ამ ქმედებას არაპროგნოზირებადი შედეგები ექნება, რადგან “ადრე თუ გვიან ევროკავშირი ვალდებული იქნება, რუსეთს დაუბრუნოს ის, რაც მოიპარა”.
შეთანხმების ფარგლებში, მოგებიდან შემოსული თანხის 90% ევროკავშირის მართვის ქვეშ არსებულ ფონდში წავა, რომელიც უკრაინის სამხედრო დახმარებისთვის არის განსაზღვრული, ხოლო დანარჩენი 10% უკრაინისთვის სხვა ტიპის დახმარებას მოხმარდება.
ევროკავშირის გათვლებით, 2027 წლისთვის გაყინული აქტივები დაახლოებით 15-20 მილიარდ ევროს გამოიმუშავებს, რაც გაუთვალისწინებელ შემოსავლად ითვლება. მოსალოდნელია, რომ უკრაინა პირველ ტრანშს ივლისის თვეში მიიღებს.
2022 წლის თებერვალში რუსეთის უკრაინაში სრულმასშტაბიანი შეჭრის შემდეგ, დიდი შვიდეულის ქვეყნებმა $300 მილიარდის ღირებულების რუსული ფინანსური აქტივები გაყინეს.
მსგავსი სტატიები:
“ვინმეს თუ სჯერა ჩვენში, რომ ეს რეალურია, არაფერი უთხრათ,ერთი ოპტიმისტი მაინც ხომ უნდა დადიოდეს ქვეყანაში”
“ნაცვლად იმისა, რომ გვითხრან როგორ დაამარცხებენ პანდემიას, პროპაგანდისტულად საუბრობენ, რომ თითქოს ოპოზიციას დაამარცხებენ” – ნიკა მელია
გულით იმ ქართველებთან ვარ, ვინც ქუჩებს სააკაშვილის გათავისუფლებისთვის იკავებს- გლუკსმანი
ოქროს გლობუსი 2022: ნომინანტები ცნობილია -ჩამონათვალი
სხილათუბანი -მიეკუთვნება გურიის ვაზის აბორიგენულ ჯიშთა ჯგუფს
ლოქაფთას ღელე, გურია დიდი ვანი-ფოტო
ამინდი იცვლება – მოსალოდნელია შტორმი
სანდრო ბაზაძე მადრიდის მსოფლიო თასის გათამაშების გამარჯვებულია