ბიძინა ივანიშვილის მკვლელობის მომზადების საქმეზე დაწყებულ სუსის გამოძიებას რუსეთის საგარეო საქმეთა სამინისტროსა და კრემლის სპიკერები მარია ზახაროვა და დმიტრი პესკოვი გამოეხმაურნენ.
ზახაროვას საგარეო საქმეთა სამინისტროს ბრიფინგზე ჟურნალისტმა კითხვით მიმართა:
“ცნობილი გახდა, რომ ქართული სპეცსამსახურები მმართველი პარტიის ლიდერის მკვლელობის დაგეგმვის საქმეს იძიებენ. (რუსეთის) ფედერაციის საბჭო სთავაზობს საქართველოს გაწევრიანდეს ОДКБ -ში და ჰპირდება, რომ გადატრიალების მცდელობის შემთხვევაში, დაეხმარება საქართველოში მმართველ პარტიას ძალაუფლების შენარჩუნებაში. როგორ აფასებთ ასეთ სცენარს”?
კითხვაზე უწყების სპიკერმა ასე უპასუხა:
“შესაძლოა ეს კერძო ან ექსპერტული მოსაზრებაა. ვერ ვიტყვი რომ ეს რუსეთის ოფიციალური პოზიციაა.
თავისი ეროვნული ინტერესებიდან გამომდინარე, საერთაშორისო ორგანიზაციებში გაწევრიანება და საკუთარი უსაფრთხოების უზრუნველყოფა თითოეული სახელმწიფოს სუვერენული უფლებაა. იმის გათვალისწინებით, რომ უსაფრთხოება განუყოფელი უნდა იყოს, თქვენ ვერ უზრუნველყოფთ თქვენს უსაფრთხოებას სხვისი უსაფრთხოების ხარჯზე. ეს უნდა გავიმეორო, იმის გათვალისწინებით, რომ ახლა ამ თემას განვიხილავთ.
რა თქმა უნდა, მსგავსი ტიპისა და მასშტაბის გადაწყვეტილებების მიღება საქართველოს სუვერენული უფლებაა”.
სუსის ინფორმაციას ასევე გამოეხმაურა კრემლის სპიკერი დმიტრი პესკოვიც:
“მე არ ვიცი დეტალები. ჩვენ ვგმობთ ნებისმიერ თავდასხმას, მიუღებლად მიგვაჩნია. ვთვლით, რომ ნებისმიერი თავდასხმა, მითუმეტეს, მოქმედ პოლიტიკოსებზე, მითუმეტეს, პოლიტიკური ზეწოლისთვის უკანონო ძალისმიერი მეთოდების გამოყენება არის ტერორიზმის აქტი. მაგრამ დეტალები არ ვიცი, ამიტომ მეტს ვერაფერს ვიტყვი”.
მსგავსი სტატიები:
“ჩვეულებრივი ადამიანებისთვის ვაქცინა ზაფხულში ან შემოდგომაზე იქნება”
“თუ „ჩმორების“ მდგომარეობაში ვიქნებით”….
“ეს უკვე ენით აღუწერელი მარაზმი და სითავხედის პიკია”
მწვანე ბარათის გათამაშება | ქვეყნიდან გაქცევის მსურველთა რეკორდული მაჩვენებელი
წილოსანი: ომის შემდეგ, ზელენსკი გააანალიზებს, რაც საქართველომ გააკეთა მათ მხარდასაჭერად
41 350 ჯარისკაცი, 1 774 ტანკი, 4 022 ჯავშანტექნიკა… | რუსი ოკუპანტების დანაკარგი უკრაინის გენშტაბის მონაცემებით
მედიაორგანიზაციები დაუშვებლად მივიჩნევთ რუსული კანონის მიღებას
“შემაძრწუნებელია, რომ მთავრობა ასე თავხედურად უტევს ქართველი ხალხის ნებას”— ჰელსინკის კომისია