რუსეთის პრეზიდენტის ვლადიმერ პუტინისა და აშშ-ის პრეზიდენტის, დონალდ ტრამპის სატელეფონო საუბრის შინაარსთან დაკავშირებით კრემლი ოფიციალურ ვებგვერდზე განცხადებას აქვეყნებს.
განცხადების თანახმად, აშშ-ის 30-დღიანი ცეცხლის შეწყვეტის ინიციატივის ფარგლებში არსებობს “უკრაინაში იძულებითი მობილიზაციისა და უკრაინის შეიარაღებული ძალების შეიარაღების შეჩერების აუცილებლობა”.
ხაზგასმულია, რომ კონფლიქტის ესკალაციის არდაშვებისა და პოლიტიკურ-დიპლომატიური გზით მისი მოგვარების მიმართულებით სამუშაოდ საკვანძო პირობა უნდა გახდეს კიევისთვის უცხოური სამხედრო დახმარებისა და სადაზვერვო ინფორმაციის მიწოდების სრული შეჩერება”, – ნათქვამია კრემლის განცხადებაში.
კრემლის ვებგვერდზე გამოქვეყნებული ინფორმაციის თანახმად, საუბრისას ტრამპმა ორივე მხარეს 30 დღით ენერგეტიკულ ინფრასტრუქტურაზე დარტყმების შეჩერება შესთავაზა, ხოლო “ვლადიმირ პუტინი დადებითად გამოეხმაურა ამ ინიციატივას და მაშინვე გასცა რუსი სამხედროების მიმართ შესაბამისი ბრძანება”.
ასევე, განცხადებაში კრემლი მშვიდობიანად მოგვარებისთვის ითხოვს “კონფლიქტის ძირეული მიზეზების აღმოფხვრის უპირობო აუცილებლობისა [და] უსაფრთხოების სფეროში რუსეთის კანონიერი ინტერესების გათვალისწინებას”.
კრემლის თანახმად, რუსეთსა და უკრაინას შორის ომის ტყვეების გაცვლა მოხდება “175-175-ზე” ფორმატში და უკრაინას ასევე გადაეცემა 23 მძიმედ დაჭრილი სამხედრო. ტყვეების გაცვლა კი 19 მარტს შედგება.
ლიდერებმა დაადასტურეს განზრახვა, გააგრძელონ ძალისხმევები ორმხრივ ფორმატში უკრაინული დარეგულირების მისაღწევად, მათ შორის აშშ-ის პრეზიდენტი ზემოხსენებული წინადადებების გათვალისწინებით. ამ მიზნით იქმნება რუსული და ამერიკული საექსპერტო ჯგუფები”, – ნათქვამია კრემლის განცხადებაში.
მსგავსი სტატიები:
ოპოზიციის გეგმებში სისხლის დაღვრა კვლავ დღის წესრიგში რჩება- ვოლსკი
სკანდალური ჩანაწერები “მთავარ აქცენტებში” | როგორ ამზადებდა სუს-ი პირადი ცხოვრების ანგარიშებს ივანიშვილისთვის
სამეგრელოში “იარაღის საწყობს აღმოაჩენენ” და “სახელმწიფო გადატრიალებას აღკვეთენ”- გვარამია
“დაასანქცირეთ რუსი ოლიგარქი ივანიშვილი საქართველოში!” – ოპოზიციის მიმართვა დასავლეთს
რუს დეპუტატს, ომის დაწყების გაკრიტიკების გამო, სასამართლომ 7 წლით პატიმრობა მიუსაჯა
“ბუბა კიკაბიძე ყველა დროის ყველაზე დიდი ქართველი შოუ-მენი იყო.. გულდაწყვეტით და სიმწარით უკანასკნელ გზაზე ვერ გაცილებ” – ნიკა გვარამია
წითელმთაში ჩაის პლანტაცია იწვის
„საქართველოთი იმედგაცრუებულნი ვართ – იმედი გვაქვს, ქართველი ხალხი აიღებს კონტროლს“ – რიში