“ოცნების” პარლამენტი დაჩქარებული წესით განიხილავს კანონპროექტს, რომელიც სასამართლო პროცესების გაშუქების წესებს ფუნდამენტურად ცვლის. მედიისთვის პროცესების გაშუქება, ფაქტობრივად, შეუძლებელი ხდება.
კანონპროექტის თანახმად, არა მხოლოდ სასამართლო სხდომის დარბაზში, არამედ მთლიანად სასამართლოს შენობაში და მის ეზოშიც ფოტო-ვიდეო გადაღება აიკრძალება. გამონაკლისები იქნებიან სასამართლოს თანამშრომლები ან სასამართლოს უფლებამოსილი პირები – მათთვის გადაღება დაშვებული იქნება.
რაც შეეხება სასამართლო სხდომის ვიდეო და აუდიო ჩაწერას, ეს დაიშვება მხოლოდ “დასაბუთებული შუამდგომლობის საფუძველზე, მოსამართლის მიერ მიღებული მოტივირებული გადაწყვეტილებით”.
ცვლილებების მიღების შემდეგ კანონიდან ამოიღებენ პუნქტს, რომლის მიხედვითაც თუ საზოგადოებრივი მაუწყებელი არ სარგებლობს სასამართლო პროცესის გადაღების უფლებამოსილებით, ამ უფლებით სარგებლობა შეუძლია სხვა საერთო საეთერო მაუწყებელს სასამართლო სხდომის დაწყების წინ საქმის განმხილველი მოსამართლისათვის წერილობითი განცხადების წარდგენის საფუძველზე. კანონში აქამდე ეწერა, რომ თუ ასეთი განცხადება წარდგენილია ერთზე მეტი საერთო საეთერო მაუწყებლის მიერ, მოსამართლე უფლებამოსილ პირს შეარჩევდა წილისყრის საფუძველზე.
ცვლილებების მიღების შემდეგ, სასამართლო პროცესის ფოტოგადაღება, ვიდეო და აუდიოჩაწერა მხოლოდ საზოგადოებრივ მაუწყებელს შეეძლება. სხვა მედიებს, გარდა საზოგადოებრივი მაუწყებლისა, ამის უფლება აღარ ექნება.
გარდა ამისა, კანონიდან ამოიღებენ კიდევ ერთ პუნქტს, რომლის მიხედვითაც, “დაუშვებელი იყო სასამართლოს შენობაში შესული პირისათვის პირადი ნივთების, მათ შორის, მობილური ტელეფონის, კომპიუტერის, ფოტო-, კინო-, ვიდეო- ან/და აუდიოსაშუალებების ჩამორთმევა”. კანონპროექტით გათვალისწინებული ცვლილებების დამტკიცების შემდეგ, სასამართლოში შესული პირებისთვის პირადი ნივთების ჩამორთმევა შესაძლებელი გახდება.
კანონპროექტის ინიციატორები არიან საქართველოს პარლამენტის წევრები: არჩილ გორდულაძე, თორნიკე ჭეიშვილი, ალექსანდრე ტაბატაძე, დავით მათიკაშვილი, რატი იონათამიშვილი, ალუდა ღუდუშაური, თენგიზ შარმანაშვილი, გურამ მაჭარაშვილი და აკაკი ალადაშვილი.
მათი თქმით, კანონპროექტის დაჩქარებული წესით განხილვა აუცილებელია იმისთვის, რომ ცვლილებები ამოქმედდეს 2025 წლის საგაზაფხულო სესიის დასრულებამდე, 27 ივნისამდე.
მსგავსი სტატიები:
ივანიშვილი გვეუბნება, რომ მის შემდეგ იქნება ბერა და მერე ზებრა – გურამ ჩალაგაშვილი
“ლენტი გავჭერი და მიკროფონების შეგროვება დავიწყე, ახლა თქვენ იცით” – რა მისწერა წულუკიანმა “ოცნების” წევრებს
დაუმსახურებელი თავდასხმები ვერ შეარყევს ჩემს სიყვარულს დედა ეკლესიის მიმართ – სააკაშვილი
“ახლა გაქვს შესაძლებლობა, რომ გააღო ციხის კარი და გაათავისუფლო საქართველოს პრეზიდენტი” – კობა სუბელიანი ივანიშვილს
ტიტუშკები მარნეულში სამირა ბაირამოვას თავს დაესხნენ
რუსეთის პატრიარქი რუსეთ-უკრაინას საშობაო ზავის გამოცხადების ინიციატივით მიმართავს
“პუტინს უნდა ეშინოდეს რუსეთის – ქვეყნის, რომელსაც მომავალი წაართვა” – ბილ ბრაუდერი
დანაშაულის პრევენციის და პრობაციის ეროვნული სააგენტოში 3 დეპარტამენტის უფროსი გაათავისუფლეს
