“ბათუმის კლინიკაში გარდაცვლილი ჩოხატაურელი ბიჭის ახლობლებს ემუქრებიან და აშანტაჟებენ”

ჩოხატაურის N1 საჯარო სკოლის მეშვიდე კლასის მოსწავლის, ბათუმის დედათა და ბავშვთა ცენტრალური ჰოსპიტალში გარდაცვლილი, ლუკა ჩხიკვიშვილის ახლობლებს, სოციალური ქსელებით ემუქრებიან და აშანტაჟებენ.

ამის შესახებ “გურიის მოამბეს” ლუკა ჩხიკვიშვილის ნათესავებმა აცნობეს;

“მას შემდეგ რაც ლუკას ნათესავებმა, მეგობრებმა, თანაკლასელებმა სოციალურ ქსელებში გაავრცელეს მიმართვა, რომ ვითხოვთ ყველა იმ სამედიცინო მუშაკის დასჯას, ვისაც ბრალი მიუძღვის ლუკას გარდაცვალებაში, ვინც ეს მიმართვა გააზიარა, და ასეთი ძალიან ბევრი იყო, ყველას დაურეკეს, უთხრეს ან მიწერეს, რომ ამ თემაზე საუბარი შეეწყვიტათ, წინააღმდეგ შემთხვევაში პასუხს აგებინებდნენ”

გვიყვება გარდაცვლილის ახლო ნათესავი;

ლუკას ახლობლებმა რედაქციას მიაწოდეს სოციალური ქსელებით მისული შეტყობინებები (რომელსაც გთავაზობთ ვემოთ), სადაც ნათლად იკითხება მუქარაც და შანტაჟიც;

რედაქცია შეეცადა მუქარისშენცველი მესიჯების ერთ ერთ ავტორთან დაკავშირებას, თუმცა ამ დრომდე უკუკონტაქტი არ ყოფილა;

ახლობლები შესაბამისი ორგანოებიდან სასწრაფო რეაგირებას ითხოვენ;

 ლუკა ჩხიკვიშვილი, რამდენიმე დღის წინ, გავრცელებული ინფორმაციით, ოპერაციამდე ნარკოზის შეყვანის შემდეგ გარდაიცვალა

კლინიკას კომენტარი ამ დრომდე არ გაუკეთებია.

რა გახდა ბიჭის გარდაცვალების მიზეზი, ამ კითხვაზე პასუხი ექსპერტიზამ უნდა გასცეს. როგორც  შსს-ში აცხადებენ, გამოძიება სსკ-ის 116-ე მუხლით დაიწყო, რაც გაუფრთხილებლობით სიცოცხლის მოსპობას გულისხმობს

“ხელი მოიტეხა და ოპერაცია უნდა გაეკეთებინა. როგორც კი შეუყვანიათ ნარკოზი, გული გაუჩერდა”  აცხადებს ლუკა ჩხიკვიშვილის ახლობელი.

გააზიარეთ და მოიწონეთ სტატია:

მსგავსი სტატიები:

ვინ არის ლანჩხუთში მოკლული მამაკაცი მსოფლიოს ხორცის გადამამუშავებელმა უმსხვილესმა კომპანიამ, JBS-მა, კიბერშეტევის შეწყვეტის სანაცვლოდ, გამოსასყიდის სახით 11 მილიონი აშშ დოლარი გადაიხადა სამტრედიაში ორმხრივი სროლის შედეგად ორი ადამიანი დაიჭრა ზურაბ ზვიადაურის ძმა ორ მეგობართან ერთად ჩაცხრილეს კაცმა ცოლი და სიდედრი მოკლა, შემდეგ კი თავი მოიკლა თვითმკვლელობა სილაურში შსს მტკიცებით გურიაში დიდი რაოდენობით უკანონო ცეცხლსასროლი იარაღი და საბრძოლო მასალა ამოიღო სახელმწიფო აუდიტი – ოზურგეთის მერიამ მოსახლეობიდან 739 ათასი ლარი ფაქტობრივად უკანონოდ ამოიღო