“ვერასოდეს გაპატიებ!”- უმნიშვნელოვანესი წერილი ბიჭების მამებს

შვილების ცხოვრებაში მშობლებს განსაკუთრებული როლი ენიჭებათ.

ლიტერატურულუი პრემია “საბას” გამარჯვებული, მწერალი და ფსიქოლოგი მაია ცირამუა გვთავაზობს უმნიშვნელოვანეს წერილს, რომელიც ბიჭების მამებს ეძღვნებათ:

“ვერასოდეს გაპატიებ, მამა!

მე ზურა ვარ. 15 წლის. უკვე წელიწადი გავიდა, რაც დამაპატიმრეს და წელიწადია, რაც მამა არ მინახავს. გაბრაზებულია, ვერ მაპატია. დედა ძალიან განიცდის და ჩემთან მოსული მთხოვს, ხელი არ ჩავიქნიო. არ დავიბოღმო. დღეს გადავწყვიტე წერილი მივწერო. დილიდან მოყოლებული მგონი მეათე წერილს ვწერ და ვხევ. ეს ბოლო მცდელობაა.

მამა, შეგიძლია მაპატიო?! ბევრი რამ მაქვს შენთვის სათქმელი და მოსაყოლი. აქ ძალიან მიჭირს. სულ დაგრუზული დავდივარ, ზოგის ნაბიჯების ხმაც კი მაღიზიანებს. სული ყელში მებჯინება, როცა ერთი ბიჭი მოდის და ჯიუტად სიგარეტს მთხოვს. იცის, არ ვეწევი და მაინც მთხოვს. არა-მეთქი, ვეუბნები! გადაიხარხარებს და მიდის. მინდა ვცემო, ხელები მტკიოდეს მისი ცემისგან. არ შემიძლია, მამა! მაპატიებ?

გახსოვს, შენ სულ მასწავლიდი, რომ სანამ დაგარტყამენ, უნდა დაასწრო, რომ თავი არავის უნდა დააჩაგვრინო, რომ თუ კაცი ხარ, კაცი უნდა იყო! სულ ყურებში მაქვს ეს სიტყვები, მამა! ვერ მოვახერხე, ვერ შევძელი. სუსტი ვარ, მამა! ამას შენთან ვამბობ, თორე ასი წელი ვერავინ მიხვდება სინამდვილეში, როგორი ვარ.

ის სანადირო დანაც იმიტომ მოგპარე, რომ სუსტი ვარ. ამას ახლა მივხვდი. აქ მივხვდი. როცა მკლავი არ გერჩის და შენი თავის იმედი არ გაქვს, მაშინ იღებ იარაღს. გვიან მივხვდი ამას, მამა! არადა, როგორ ვცდილობდი, რომ ზუსტად ისეთი ვყოფილიყავი, შენ რო გინდოდა, მაგრამ რაც უფრო ვინდომებდი, მით უფრო არაფერი გამომდიოდა.

გახსოვს, ფეხბურთიდან ჩალურჯებული თვალით რომ დავბრუნდი? გითხარი, ჩხუბი აიწიათქო. სინამდვილეში ერთმა ბიჭმა მცემა, იმიტომ, რომ ჩემი კედები არ ვათხოვე. რატომ უნდა მეთხოვებინა? თავისიც ხომ ჰქონდა? მცემა. მინდოდა ხელი მეც გამენძრია, მაგრამ გავხევდი, მამა! მახსოვს, შენ მითხარი კიდეც – კაცმა ჩხუბიც უნდა გამოსცადოს, არა უშავს, ეს ჩალურჯებული თვალი ჩაცხრება, სამაგიეროდ ხელის გაქნევა ხომ მოახერხეო! ვერა, მამა, ვერ მოვახერხე. მაშინ ვერ გავბედე ამის თქმა. ავიღე შენი დანა და ის ბიჭი დავჭერი, ზურგიდან მივეპარე და მინდოდა მომეკლა, შენი ხმა სულ ყურებში მქონდა – არ დაგაჩმორონ, ბიჭო! ვერ წარმოიდგენ, რამხელა სიამოვნებას და ძალას ვგრძნობდი, მამა, და რა მაგრად ვიგრძენი თავი სისხლი რომ წასკდა!

ახლა ხომ აღარ იტყვიან ჩემზე, “პალაჟენიე” მამამ დაუყენაო. გახსოვს, სკოლის ბუფეტში რომ იჯექი, სანამ მე-5 კლასში გადავიდოდი და ყველას ეჩხუბებოდი, ვინც ოდნავ “შემეხებოდა”. ამას რატომ აკეთებდი, მამა?!

თუ გინდოდა, რომ ძლიერი ვყოფილიყავი, რატომ არ მომეცი საშუალება საკუთარი ხელები მქონოდა?!

ვერასოდეს გაპატიებ, მამა!”

“არტინფო”

გააზიარეთ და მოიწონეთ სტატია:

მსგავსი სტატიები

  • 97
    'პრობლემა სწორედ იმიტომ დაგროვდა, რომ მარტო ანაფორით სიარული არ აღმოჩნდა საკმარისი ღვთისმახურებისთვის…"ადამიანებო, ნებისმიერი ჯანსაღი და გონიერი ადამიანი ყოველთვის დაგმობს სიძულვილს და აგრესიას. ქვეყანა ძალიან მძიმე მდგომარეობაშია… ქართველი ერი ყოველთვის გაუძლებს ეკონომიკურ, სოციალურ, პოლიტიკურ პრობლემებს, თუ სულიერად ერთიანი და ძლიერი იქნება… სამწუხარო ის არის, რომ სწორედ სულიერი ცხოვრების დისბალანსის გამო ხდება ყველა მიმართულებით სიტუაციების უკონტროლობა… ყველა ჩვენგანმა უნდა იგრძნოს მისი წილი პასუხისმგებლობა…
    Tags: არ, და, უნდა, რომ, საზოგადოება, მთავარი, თემა, ახალი, ამბები
  • 97
    ბათუმელი პედაგოგი, რომელიც მიუსაფარ ცხოველებს უანგაროდ უვლის„მე თუ ვდებ ფოტოს, როგორ ვკვებავ ცხოველს, იმიტო კი არა, რომ მე რა მაგარი ვარ, არამედ, იმიტომ, რომ მომბაძოს ყველამ, სიკეთე ხომ ადვილად გადეადება ადამიანებს“,- განუცხადა CNews-ს ბათუმელმა პედაგოგმა, თეონა ყურშუბაძემ, რომელიც 3 წელია, ბათუმში მისუფარ ცხოველებს ეხმარება - მკურნალობს, კვებავს და მათ ოჯახში გადაყვანას უზრუნველყოფს. - თეო როდის და რატომ…
    Tags: და, რომ, არ, ვერ, საზოგადოება, მთავარი, თემა, ახალი, ამბები
  • 97
    შეჩერდეს ნამახვანჰესზე გარემოდაცვითი გადაწყვეტილების მოქმედება - საია და „მწვანე ალტერნატივა“ სასამართლოს მიმართავენარასამთავრობო ორგანიზაციები საია და „მწვანე ალტერნატივა“ ნამახვანის ჰესების კასკადზე გარემოსდაცვითი გადაწყვეტილების მოქმედების შეჩერების მოთხოვნით საქალაქო სასამართლოს მიმართავენ და აცხადებენ, რომ ეს გადაწყვეტილება კანონის მოთხოვნათა დარღვევით გაიცა. „ვფიქრობთ, რომ თბილისის საქალაქო სასამართლომ უნდა განიხილოს და დააკმაყოფილოს ჩვენი შუამდგომლობა იმიტომ, რომ არსებობს დასაბუთებული ეჭვი, რომ ეს აქტი არის უკანონო, ის გამოიცა ფაქტობრივ…
    Tags: და, რომ, არ, საზოგადოება, მთავარი, თემა, ახალი, ამბები
  • 96
    სამარცხვინო ადამიანები!!!… სოლიდური თანხა მოსთხოვა შვილის გადარჩენის სანაცვლოდ – ნუგზარ სულაშვილისაფრანგეთი – საქართველოს ურთიერთთანამშრომლობის გენერალური ასამბლეის აღმასრულებელი დირექტორი, ნუგზარ (სულა) სულაშვილი სოციალურ ქსელში წერს: ,,სამარცხვინო ადამიანები!!! რამდენიმე საათის წინ უცნობი ქალბატონი დამიკავშირდა საქართველოდან, რომელსაც 18 წლის ქალიშვილი ჰყავს ონკოლოგიურად დაავადებული. ბუნებრივია, ასეთი სატელეფონო ზარები ჩემთვის უცხო არ არის, რომ არა აღშფოთებული დედის უცნაური ხვეწნა მუდარა… ქალბატონი მეუბნება, რომ გაყიდეს სახლი…
    Tags: და, არ, რომ, საზოგადოება, მთავარი, თემა, ახალი, ამბები