ევროკავშირმა რუსული ნავთობის ემბარგოზე შეთანხმებას ვერ მიაღწია

ევროკავშირმა რუსული ნავთობის იმპორტზე ემბარგოზე შეთანხმებას ვერ მიაღწია, მაგრამ ევროკავშირის დიპლომატები რუსული ნავთობის ემბარგოზე პროგრესის მიღწევას ორშაბათს, ევროკავშირის სამიტის დაწყებამდე შეეცდებიან, – ინფორმაციას Reuters-ი ევროკავშირის ოფიციალურ პირებზე დაყრდნობით ავრცელებს.

ამასთან, სააგენტოს ინფორმაციით, ევროკავშირის მაღალჩინოსანმა დიპლომატმა განაცხადა, რომ კიდევ ბევრი დეტალია მოსაგვარებელი.

ნავთობის იმპორტზე სანქციები არის ევროკავშირის სანქციების მეექვსე პაკეტის ნაწილი რუსეთის წინააღმდეგ უკრაინაში შეჭრის გამო. მთელი პაკეტი უნგრეთმა შეაჩერა, რომელიც აცხადებს, რომ ნავთობის ემბარგო მისი ეკონომიკისთვის დარტყმა იქნება, რადგან მისთვის ნავთობის სხვა ქვეყნისგან მიღება ადვილი არაა. მსგავსი შეშფოთება გამოთქვეს სლოვაკეთმა და ჩეხეთმა.

Reuters-ი წერს, რომ ევროკომისიამ მხარეებს შესთავაზა, აკრძალვა გავრცელდეს მხოლოდ ევროკავშირში ტანკერებით შეტანილ რუსულ ნავთობზე, რის გამოც უნგრეთს, სლოვაკეთსა და ჩეხეთს შეეძლებათ, გააგრძელონ რუსული ნავთობის მიღება რუსული „დრუჟბას“ მილსადენით გარკვეული დროით, სანამ ალტერნატიული მიწოდება არ იქნება შესაძლებელი. ბუდაპეშტი მხარს უჭერს ამ წინადადებას, მაგრამ მოლაპარაკებები შეფერხდა ევროკავშირის დაფინანსებაზე, რადგან უნგრეთს სურს, გაზარდოს ნავთობსადენის სიმძლავრე ხორვატიიდან და გადამამუშავებელი ქარხნები რუსული „ურალის“ ნავთობიდან „ბრენტის“ ტიპის ნავთობზე გადაიყვანოს.

დიპლომატები ამ საკითხს 30 მაისს განიხილავენ. ისინი ასევე იმსჯელებენ პრობლემაზე, თუ როგორ უნდა იქნას უზრუნველყოფილი სამართლიანი კონკურენცია გაზრდილი ფასების გათვალისწინებით, რომელსაც წევრი ქვეყნები, რომლებიც დამოკიდებულნი არიან „ბრენტის“ ტიპის ნავთობზე, სანქციების შედეგად წააწყდებიან.

გააზიარეთ და მოიწონეთ სტატია:

მსგავსი სტატიები:

ბიძინა ივანიშვილს პარლამენტში ლეღვის ფოთლებად ვუნდივართ- გუბაზ სანიკიძე “სოლომონ I-ის ბრძოლა ქვემო გურიისათვის” სასტიკი მკვლელობა ფოთში – შვილიშვილმა ბებია სამზარეულოს დანით მოკლა რა ეღირება ქართული საექსპორტო თხილი – თურქეთმა ფასები უკვე დაასახელა “გეშინიათ სისტემამ “ნაცობაში” არ დაგადანაშაულოთ…ეგებ ბიძინამ ამ შიშებში დაგაკარგინათ მთავარი – თავისუფლება, საკუთარი აზრი, გონიერება, პატრიოტიზმი…”-ნიკა ქავთარაძე „თუ რუსეთი დაინგრევა, ჩვენ უბრალოდ გადაგვაბიჯებენ..დაგვფქვავენ და გადაგვაფურთხებენ“ – ალექსანდრე ლუკაშენკო მდინარაძე: ჩნდება კითხვები, ვინ დგას უკრაინელების განცხადებების უკან-თავად თუ ენმ ნიკა გვარამია “მთავარ არხს” -“მინდა მივმართო ჩემს მეორე ოჯახს…მთავარია ფეხზე იდგეთ…იყოთ მხნედ, ამ ქვეყნის ბედი კიდია თქვენზე მნიშვნელოვანწილად”