”არანაირი ორი რუსეთი არ არსებობს, რუსეთი ერთია და ისეთი, როგორსაც ვხედავთ!”

“ქაშვეთის წინ, გაჩერებასთან, დიდი დეკორატიული ქვებია და ახლა რომ მოვსინჯე, ვერაფრით დავძარი, 9 აპრილს კი მინდოდა ეს ქვები ამეღო, რომ რუსული ტანკებისთვის მესროლა და გამწარებულმა გვარიანად წამოვწიე… ახლაც სულ ვფიქრობ, ისევ არ მოგვადგნენ… მარიუპოლი­ მონაგონი იქნება… ქვეყანა არანორმალურის ხელშია და ატომური იარაღი თუ გამოიყენა, მსოფლიოს გაანადგურებს”, – ამბობს­ ”კვირის პალიტრასთან” ცნობილი კინომცოდნე გოგი დოლიძე:

”სახლში, ერთ ოთახში, ფაქტიობ­რივად, ჩემი სამსახური მაქვს მოწყობილი… უმნიშვნელოვანეს პროექტზე – პირველ ქართულ თეატრალურ ენციკლოპედიაზე ვმუშაობ უკვე რვა წელია. ძალიან კარგი პირობები შემიქმნეს, თუმცა მუშაობა­ მიჭირს და ძილის რეჟიმიც დამერღვა, რადგან არ შემიძლია უკრაინის შესახებ ყველა ცნობას არ გავეცნო… უკრაინა ჩემთვის ერთი რიგითი საბჭოთა რესპუბლიკა არ არის, რადგან სამეცნიერო ხარისხი იქ დავიცავი. კინომცოდნეობაში ხარისხის დაცვა მოსკოვის გარდა არსად შეიძლებოდა, მოსკოვი­ კი ჩემი წინააღმდეგი იყო, რადგან ნაციონალისტად ვიყავი გამოცხადებული..

მოსკოვთან სულ უთანხმოება მქონდა. ახლაც მედავებიან, რომ ნაციონალისტი ვარ… ერთმა რუსმა კოლეგამ დაწერა­ მონოგრაფია “ქართული კინოს ისტორია”. მაშინ გამომცემლობა “ხელოვნების” თეატრისა და კინოს განყოფილების გამგე ვიყავი და ეს წიგნი დავიწუნე. საქმეში­ აკაკი­ ბაქრაძეც ჩაერია და გამოცემაზე უარი ვუთხარით. აკაკი ბაქრაძის უარყოფითი რეცენზია 1991 წელს მოსკოვში, საკავშირო თათბირზე სიტყვით გამოსვლისას გამოვიყენე და ვთქვი, თავი დაგვანებეთ, ჩვენ თვითონ გავერკვევით და ქართული კინოს შესახებ ისტორიას თავადვე დავწერთ-მეთქი. მერე “ლიტერატურულ საქართველოშიც” დავწერე, ვინ წერს ქართული კინოს ისტორიას-მეთქი! მახსოვს, გურამ ფანჯიკიძემ მითხრა, აქ მოსული აღარ გნახო, შენი სტატიები სულ ასეთი სადავოაო… რუსი ავტორი ჩივილით გვემუქრებოდა, მაგრამ რეზო ჩხეიძემ დაგვიცვა. რეზო რომ არ დაგვხმარებოდა და მას “ჯარისკაცის მამა” გადაღებული არ ჰქონოდა, ციმბირში გამიშვებდნენ… დოკუმენტები ახლაც შენახული მაქვს. ისეთი რამეები წერია, გაოცებისგან თმა ყალყზე დაგიდგებათ…

არანაირი ორი რუსეთი არ არსებობს, რუსეთი ერთია და ისეთი, როგორსაც ვხედავთ!.. ბოლო დროს ბავშვები კიდევ უფრო შემიყვარდა. საჯარო ბიბლიოთეკაში­ რომ მივდივარ, ჯიბით ნახევარი კილო კანფეტი მიმაქვს და გზაში ყველა შემხვედრ­ ბავშვს ვჩუქნი – ქართველია, უკრაინელი, რუსი თუ სხვა ეროვნების… როგორ შეიძლებოდა რუსეთს უკრაინაში ამ დღეში ჩაეყარა ბავშვები, უმწეო ქალები?! სამამულო ომი რომ დაიწყო, 7 წლის ვიყავი და ყველაფერი მახსოვს… მაშინ არ იყო ასეთი ჯოჯოხეთი, როგორიც ახლა, მგონი, ადამიანი უფრო სასტიკი გახდა… ჩანაწერი მოვისმინე, რუსი ჯარისკაცი თავის ახლობელს რომ ეუბნებოდა, დიდი და პატარა, ყველა უნდა ამოვხოცოთო. არ ვიცი, ეს ომი როგორ დამთავრდება, მაგრამ ვფიქრობ, მართლაც ხომ არ მოდის კაცობრიობის აღსასრული…

რაც ქართული კინოსკოლა ასოცია­ციის წევრი გახდა, მას შემდეგ ძალიან ხშირად… ახლა რუს ხალხს რომ ვუსმენ, გაოგნებული ვარ! ეტყობა, მათი ხელისუფლების პროპაგანდა კარგად მუშაობს. რუსები ფაშისტებზე უარ­ესები არიან! ფილმებშიც კი არ მინახავს, რაც ახლა უკრაინაში გადაღებულ კადრებში ვნახე! ერთი რამ მახსენდება 9 აპრილის ტრაგედიიდან: ქაშვეთის წინ, გაჩერებასთან, დიდი დეკორატიული ქვებია და ახლა რომ მოვსინჯე, ვერაფრით დავძარი, 9 აპრილს კი მინდოდა ეს ქვები ამეღო, რომ რუსული­ ტანკებისთვის მესროლა და გამწარებულმა გვარიანად წამოვწიე… ერთ პოლონურ ფილმშია ასეთი კადრი: ტანკები მოდიან და პოლონელი კაზაკები მათ ხმლებით მისცვივდებიან… ასეთ უმწეო მდგომარეობაში ვიყავით და მეც რომ ტანკისთვის იმ დიდი ქვის სროლა მინდოდა, სრულ ჭკუაზე აღარ ვიყავი. ახლაც სულ ვფიქრობ, ისევ არ მოგვადგნენ… მარიუპოლი მონაგონი იქნება..” – აცხადებს დოლიძე.

გააზიარეთ და მოიწონეთ სტატია:

მსგავსი სტატიები:

სოფელ ნატანებში თოვლის საფარმა ნახევარ მეტრს მიაღწია “ვასაძე პოლიტიკაში” -რუსული სპეცოპერაცია საერო და სასულიერო ხელისუფლებების დასაპატრონებლად სექტემბერში სკოლებში სწავლა არ დაიწყება?! – „ვფიქრობდი ოქტომბრამდე, მაგრამ ჯობია ნოემბრის დასაწყისამდე…” “მიუხედავად ჩემი ჯანმრთელობის მდგომარეობის ყოველდღიური გაუარესებისა…არცერთ შემთხვევაში არ შევწყვეტ შიმშილობას” 10 გენიოსის დაუჯერებელი, მაგრამ ნამდვილი ამბავი რუსი პოლიტოლოგი: „პუტინი კუთხეშია მიმწყვდეული, ეს მისთვის ცუნგცვანგია“ ”დღეს ქვეყანას ისეთი ხელისუფლება ჰყავს, რომელიც ომს ამუხრუჭებს, თორემ ძველი ხელისუფლება რომ იყოს, წარმოდგენაც არ მინდა, რა შეიძლება მომხდარიყო” “4 წელი “ქართულ ოცნებაში” ყოფნის გამო, 10 წელი სასჯელი გამოვიწერე – ხალხთან თავჩაღუნული დავდივარ”