ნურავინ, მათ შორის პრეზიდენტიც, ნუ განიზრახავს რაიმესკენ მოუწოდოს მოსამართლეს – წულუკიანი

კულტურის მინისტრი თეა წულუკიანი ამბობს, რომ მოსამართლეს რაიმე გადაწყვეტილებისკენ არავინ არ უნდა მოუწოდოს, მათ შორის პრეზიდენტმა. პირველი არხის ინფორმაციით, წულუკიანი იმედს გამოთქვამს, რომ პრეზიდენტის პოზიცია მიხეილ სააკაშვილის შეწყალებასთან დაკავშირებით არ შეცვლილა.

“პირის მიერ თუ სასჯელის მოხდა შეუსაბამოა ჯანმრთელობის მდგომარეობასთან, მაშინ სასამართლო მიიღებს გადაწყვეტილებას, გადაავადოს თუ არა სასჯელი, გადაწყვეტილების მიღებისას სასამართლო დამოუკიდებელია და დაე, ნურავინ, მათ შორის საქართველოს პრეზიდენტიც, ნუ განიზრახავს, რაიმე ტიპის გადაწყვეტილების მიღებისკენ მოუწოდოს მოსამართლეს, მოსამართლემ ყველაზე კარგად იცის, რა გადაწყვეტილება მიიღოს”, – ამბობს წულუკიანი.

მისივე თქმით, მოსამართლემ “ყველაზე კარგად იცის, რა გადაწყვეტილება მიიღოს”.

“რაც შეეხება სასამართლოს, ვისაც გჯერათ, დაიჯერეთ, რომ სასამართლო ამ ქვეყანაში არის თავისუფალი. სასამართლო შეწყალებაზე არ მსჯელობს. მოსამართლემ ყველაზე კარგად იცის, რა გადაწყვეტილება მიიღოს, ერთი მიზეზის გამო, მას წინ უდევს დოკუმენტები, რომლებიც ჩვენ არავის გვიდევს წინ. მოსამართლე, საქმის მასალებიდან გამომდინარე, ყველაზე კარგ გადაწყვეტილებას მიიღებს, ან არ გადაავადებს, ან გადაავადებს. ეს არის მოსამართლისა და დაცვის მხარის ურთიერთობის თემა და არა საქართველოს პრეზიდენტის კომპეტენცია, სალაპარაკო ენაზე რომ ვთქვათ, არ არის პრეზიდენტის საქმე”, – განაცხადა კულტურის მინისტრმა.

24 ნოემბერს პრეზიდენტმა სალომე ზურაბიშვილმა აღნიშნა, რომ იმ შემთხვევაში, თუ მესამე პრეზიდენტის მიხეილ სააკაშვილის ჯანმრთელობის მდგომარეობასთან დაკავშირებით შესაბამისი სამედიცინო დასკვნა იქნება, სასამართლომ უნდა მიიღოს ღირსებული გადაწყვეტილება.

გააზიარეთ და მოიწონეთ სტატია:

მსგავსი სტატიები:

COVID-19-ის 3 958 ახალი შემთხვევიდან, გურიაში – 78 შემთხვევა დაფიქსირდა არ გასვენებთ “ნაცებო” ბნელი წარსული? – ლაშა ნაცვლიშვილი “რიონის მცველები” თავისუფლების მოედანზე გადაინაცვლებენ ვიდეო: გიორგი გახარიამ ოზურგეთის მერობის კანდიდატი წარადგინა აცრა უკვდავების წყარო არ არის, ვირუსი შეიძლება დაგემართოს, მაგრამ მთავარია ვინ იღუპება – პაატა იმნაძე ვიდეო: ხმაური ოზურგეთის საკრებულოს სხდომაზე “საქართველოს ხელისუფლება მალე უნდა შეიცვალოს…რადგან ისინი ღალატობს ქართველ ხალხს და უკრაინელებს”-გონჩარენკო “მე რომ დღეს ცოცხალი ვარ, ეს ბატონი ივანიშვილის დამსახურებაა” – ოქიტაშვილი