ჩნდება ეჭვი, რომ სააკაშვილის არდაშვება სასამართლოზე “ოცნების” მცდელობაა, დამალოს მისი მდგომარეობა – “დროა”

პარტია “დროა” საქართველოს მესამე პრეზიდენტის, ჯანმრთელობის მდგომარეობასთან დაკავშირებით, განცხადებას ავრცელებს და წერს, რომ აუცილებელია მიხეილ სააკაშვილის  საზღვარგარეთ სამკურნალოდ დაუყოვნებლივ გადაყვანა.

განცხადებაში ვკითხულობთ, მიხეილ სააკაშვილის არდაშვება სასამართლო სხდომაზე წარმოადგენს “ქართული ოცნების” მცდელობას, დაუმალოს საზოგადოებას პრეზიდენტის რეალური მდგომარეობა.

“დღეს საქართველოს მესამე პრეზიდენტის, მიხეილ სააკაშვილის მორიგი სასამართლო სხდომა გადაიდო. მიუხედავად პრეზიდენტის სურვილისა, დასწრებოდა სხდომას, საავადმყოფოს სამედიცინო პერსონალმა მისი გადაყვანის უფლება არ გასცა. მიზეზად პრეზიდენტის ჯანმრთელობის უკიდურესად მძიმე მდგომარეობა დასახელდა.

სააკაშვილის ჯანმრთელობის გაუარესებას ხელისუფლებაც აღიარებს, თუმცა, ჩვეული ცინიზმით კვლავ უარს ამბობს მის სამკურნალოდ უცხოეთში გადაყვანაზე. “ქართული ოცნების” მხრიდან კეთდება განცხადებები, რომ კლინიკა „ვივამედში“ საკმარისი რესურსი არსებობს პრეზიდენტის მკურნალობისათვის, თუმცა ცხადია, რომ მისი მდგომარეობა დღითიდღე მძიმდება. ჩნდება ეჭვი, რომ სააკაშვილის არდაშვება სასამართლო სხდომაზე წარმოადგენს ქართული ოცნების მცდელობას, დაუმალოს საზოგადოებას პრეზიდენტის რეალური მდგომარეობა.

პარტია “დროა” მომხდარ ფაქტს უკიდურესად საგანგაშოდ თვლის და მიიჩნევს, რომ ერთადერთი გამოსავალი მიხეილ სააკაშვილის საზღვარგარეთ სამკურნალოდ დაუყოვნებლივი გადაყვანაა” – წერია განცხადებაში

ცნობისთვის, დღეს მიხეილ სააკაშვილს მისივე სასამართლო პროცესზე დასწრება სურდა, თუმცა კლინიკა “ვივა მედის” ექიმებმა შესაბამისი რეკომენდაცია არ გასცეს. როგორც კლინიკის ხელმძღვანელი ამბობს, ტრანსპორტირება მიზანშეწონილი არ არის. 

გააზიარეთ და მოიწონეთ სტატია:

მსგავსი სტატიები:

COVID-19-ის 3 958 ახალი შემთხვევიდან, გურიაში – 78 შემთხვევა დაფიქსირდა არ გასვენებთ “ნაცებო” ბნელი წარსული? – ლაშა ნაცვლიშვილი “რიონის მცველები” თავისუფლების მოედანზე გადაინაცვლებენ ვიდეო: გიორგი გახარიამ ოზურგეთის მერობის კანდიდატი წარადგინა აცრა უკვდავების წყარო არ არის, ვირუსი შეიძლება დაგემართოს, მაგრამ მთავარია ვინ იღუპება – პაატა იმნაძე ვიდეო: ხმაური ოზურგეთის საკრებულოს სხდომაზე “საქართველოს ხელისუფლება მალე უნდა შეიცვალოს…რადგან ისინი ღალატობს ქართველ ხალხს და უკრაინელებს”-გონჩარენკო “მე რომ დღეს ცოცხალი ვარ, ეს ბატონი ივანიშვილის დამსახურებაა” – ოქიტაშვილი