კულტურის მინისტი, თეა წულუკიანი საქართველოში ევროკავშირის ელჩის, პაველ ჰერჩინსკის შეშფოთებას მესამე პრეზიდენტთან დაკავშირებით გასაკვირს უწოდებს.
მისი თქმით, ჰერჩინსკი სახელმწიფოს მიმართ უსაფუძვლო მოწოდებებს აკეთებს. წულუკიანი ელჩს “ურჩევს” ეს მოწოდებები მიხეილ სააკაშვილისკენ მიმართოს და მოუწოდოს მას “შეწყვიტოს მიუღებელი ქცევა”.
ამ თემაზე მინისტრის კომენტარს „საზოგადოებრივი მაუწყებელი“ ავრცელებს:
“მისათვის, რომ სახელმწიფოს მიერ გაწეული ძალისხმევა კიდევ უფრო წარმატებული იყოს, სასურველია თავად პატიმრის მხრიდან პენიტენციურ სამსახურთან უკეთესი თანამშრომლობა. ამიტომაც ძალიან კარგი იქნება, თუ ჰერჩინსკი სახელმწიფოს მიმართ უსაფუძვლო მოწოდებებს მიმართავს სააკაშვილისაკენ და მოუწოდებს, შეწყვიტოს მიუღებელი ქცევა, რომლითაც ის გამოირჩევა ექთნების, ექიმებისა და სხვა წარმომადგენლების წინაშე. საკუთარი ჯანმრთელობის, პრობლემების უკეთესად მართვის მიზნით, ითანამშრომლოს სწორედ პენიტენციურ სამსახურთან და იმ სამოქალაქო სამედიცინო სექტორთან, რომელშიც იმყოფება კომფორტულ პირობებში, ასე ვთქვათ, ორპალატიან ლუქსში და გამორჩეულ პირობებში.
ასევე, ბატონმა ჰერჩინსკიმ მოგვიწოდა, უკეთესად ვიზრუნოთ პატიმრებზე, ყველა პატიმარზე თანაბრად ვიზრუნოთ. მინდა, ვუთხრა, რომ მისი მოწოდება ჩვენ უკვე გავითვალისწინეთ და შევასრულეთ. მაგალითისთვის, 2010 წელს საქართველოს საპატიმროებში უყურადღებობითა და, რეალურად, მზრუნველობის არარსებობით გარდაიცვალა 144 პატიმარი, შარშან გარდაიცვალა 21 პატიმარი. შესაბამისად, შეგვიძლია ჩავთვალოთ, რომ ჰერჩინსკის მოწოდება უკვე შესრულებული გვაქვს”, – განაცხადა თეა წულუკიანმა.
მანამდე ევროკავშირის ელჩმა განაცხადა, რომ ხელისუფლებამ პატივი უნდა სცეს ყველა პატიმრის უფლებას.
მსგავსი სტატიები:
“ქართული ოცნება” ახლა ვირთხის დღეშია”-დეპუტატი
ვიმედოვნებ, ბუკნარში ყველაფერი უმოკლეს ხანში დასტაბილურდება- მუფთი ადამ შანთაძე
მელია: ვადამდელი არჩევნები აკვიატება კი არ არის, მის გარეშე კლიმატი ვერ შეიცვლება
“დღემდე საქართველო იყო მაგალითი: მეტი მეტისთვის,ახლა, მაშფოთებს ის, რომ საქართველო უახლოვდება სიტუაციას : ნაკლები ნაკლებისთვის”
გადადგეს მკვლელი მთავრობა! – პარლამენტთან 18:00 საათზე აქცია ჩაინიშნა
მელია 40.8%, კალაძე 40.2% – თბილისის მერის არჩევნები – “მთავარი არხის” ეგზიტპოლი თბილისში
“ჩვენ გმირებს ვაფასებთ ძალიან გვიან… მიხეილ სააკაშვილის ფენომენსაც ასე დავაფასებთ”
სამთავრობო გადალაგებები არ დასრულებულა – სამიზნე ზალკალიანი და ლილუაშვილია