ვივამედის მფლობელი არის რუსეთის მოქალაქე, პუტინთან დაახლოებული ოლიგარქი – ხაჭაპურიძე

მიხეილ სააკაშვილის ადვოკატის, შალვა ხაჭაპურიძის განცხადებით, კლინიკა ვივამედის მფლობელი რუსეთის მოქალაქე და ვლადიმერ პუტინთან დაახლოებული პირი, ალი აჯი ოღლი ტანრი ვერდიევია. ამის შესახებ მან ფორმულას გადაცემა ღამის კომენტარში ისაუბრა.

“კლინიკას ჰყავს დირექტორი ბატონი თეიმურ მახმუდოვი და ხვალ ვნახავ ბატონ თეიმურ მახმუდოვს, მე სხვა დირექტორი არც ვიცი. საჯარო რეესტრში დირექტორად დაფიქსირებულია ბატონი თეიმურ მახმუდოვი ან დავუკავშირდები მოსკოვში კლინიკა ვივამედის მფლობელს, რუსეთის მოქალაქეს ალი აჯი ოღლიტანრივერდიევს, რომელიც არის პუტინთან დაახლოებული პიროვნება და მასთან გავარკვევ ამ საკითხებს.

ის არის სუპერმარკეტების ქსელის მფლობელი რუსეთში, პუტინთან დაახლოებული ოლიგარქი და გარდა ამისა, ეს ადამიანი სააკაშვილი სანამ გადაიყვანეს კლინიკა ვივამედში, მანამდე შეიძინა ერთი კვირით ადრე, უზარმაზარ დავალიანებაში მყოფი კლინიკა ვივამედი. სასამართლო პროცესზე ბევრი რაღაც გვაქვს სათქმელი. გარდა ამისა, რუსეთის ფედერაციის მოქალაქეა ეს ადამიანი, მოღვაწეობს რუსეთში, ჩვენი ინფორმაციით, არის პუტინთან ძალიან დაახლოებული ადამიანი და გახლავთ ამ კლინიკის მეპატრონე. დირექტორი არის თეიმურაზ მახმუდოვი”, – განაცხადა ხაჭაპურიძემ.

დღეს პატიმრობაში მყოფ საქართველოს მესამე პრეზიდენტს, მიხეილ სააკაშვილს კორონავირუსი დაუდასტურდა. ვივამედის კლინიკური დირექტორის ზურაბ ჩხაიძის თქმით, მიხეილ სააკაშვილს აქვს მაღალი ტემპერატურა და სახსრების ტკივილი. მისივე თქმით, სააკაშვილს არ აღენიშნება სუნთქვის უკმარისობა.

გუშინ მიხეილ სააკაშვილის სასამართლო პროცესზე, მოწმის სახით, კლინიკა ვივამედის ერთ-ერთი ექთანი იყო დაბარებული, რომელიც მიხეილ სააკაშილს მკურნალობს, თუმცა ის არ გამოცხადდა, მიზეზად კი კორონავირუსით ინფიცირება დაასახელა.

დღეს ზურაბ ჩხაიძემ უარყო ეს ინფორმაცია და თქვა, რომ ვივამედის ექთანს PCR ტექსტით კორონავირუსი არ დაუდასტურდა.

გააზიარეთ და მოიწონეთ სტატია:

მსგავსი სტატიები:

ბავშვი მხოლოდ უზნეობის გამო არ ჯიუტობს ავტოსაგზაო შემთხვევას ოზურგეთში,ახალგაზრდა ქალის სიცოცხლე ემსხვერპლა ბოლქვაძეს სურს, რომ ჩოხატაურში ერთ-ერთ სკოლას მამამისის სახელი ეწოდოს “შიმშილობაშიც ფეიკია…გატაცებაშიც ფეიკია…ჩამოსვლაშიც ფეიკია…”- კობახიძე მიხეილ სააკაშვილზე ოზურგეთის ქუჩები საახალწლო მორთულობით-რა ფოტოებს ავრცელებს ოზურგეთის მერია გერმანია “გარკვეული ფორმით” რუსეთის SWIFT-დან გათიშვას მხარს დაუჭერს ამ წუთებში: “ქართული ოცნების” მხარდამჭერების თავდასხმა უკრაინის მხარდამჭერ ბანერზე 14 ბინა თბილისში, ბათუმსა და ბაკურიანში, მიწის ნაკვეთები და ფასიანი ქაღალდები – “ქართული ოცნების” მილიონერი დეპუტატი გურიიდან