საქართველოს სახალხო დამცველი, პარლამენტთან მიმდინარე საპროტესტო აქციას ეხმაურება მოუწოდებს შსს-ს არ გამოიყენოს არაპროპორციული ძალა მშვიდობიანი აქციის მონაწილეების მიმართ. ომბუდსმენი აქციის მონაწილეებსაც მოუწოდებს “არ გასცდნენ კანონისმიერ ჩარჩოებს”.
“საქართველოს სახალხო დამცველი ეხმიანება საქართველოს პარლამენტის წინ მიმდინარე საპროტესტო აქციას და განმარტავს, რომ შეკრებისა და მანიფესტაციის ჩატარება ადამიანის კონსტიტუციით გარანტირებული ფუნდამენტური უფლებაა, რომელიც თავისუფალი და დემოკრატიული საზოგადოების არსებობის და მისი განვითარების ერთ-ერთ აუცილებელ წინაპირობას წარმოადგენს.
მხოლოდ იმ შემთხვევაში, თუ აქცია მიიღებს ძალადობრივ ან/და კანონსაწინააღმდეგო ხასიათს, ხელისუფლების მხრიდან შეკრების შეწყვეტა უკანასკნელ საშუალებად უნდა იქნას გამოყენებული, ხოლო აღნიშნულის ფარგლებში ძალის გამოყენება უნდა აკმაყოფილებდეს აუცილებლობისა და პროპორციულობის მკაცრ ტესტს.
პოლიციის მხრიდან იძულების ღონისძიებების, მათ შორის, აქტიური სპეციალური საშუალებების (სპეციალური ხელკეტი, ცრემლსადენი გაზი, აკუსტიკური საშუალება, რეზინის ტყვიები, წყლის ჭავლი და სხვ.) პროპორციული გამოყენება დასაშვებია კანონიერი მიზნის მისაღწევად, ინტენსივობით გამოსადეგი საშუალების აუცილებლობის ფარგლებში. ამასთან, სავალდებულოა აქციის მონაწილეების წინასწარი გაფრთხილება და კანონიერი მოთხოვნების შესასრულებლად, მათთვის გონივრული ვადის მიცემა. იძულების ღონისძიების სახე და ინტენსიურობა უნდა განისაზღვროს კონკრეტული სიტუაციის, სამართალდარღვევის ხასიათისა და სამართალდამრღვევის ინდივიდუალური თავისებურებების გათვალისწინებით. მნიშვნელოვანია, სამართალდამცავები შეეცადონ მიყენებული ზიანი მინიმალური და თანაზომიერი იყოს. გასათვალისწინებელია, რომ აკრძალულია ისეთი საშუალებების გამოყენება, რომელიც იწვევს მძიმე დასახიჩრებას”, – წერია განცხადებაში
სახალხო დამცველი მოუწოდებს საქართველოს შინაგან საქმეთა სამინისტროს – არ იქნას გამოყენებული სპეციალური საშუალებები და არაპროპორციული ძალა შეკრების მშვიდობიანი აქციის მონაწილეების წინააღმდეგ, ხოლო შეკრების მონაწილეებს მოუწოდებს არ გასცდნენ კანონისმიერ ჩარჩოებს.
მსგავსი სტატიები:
1-ელი იანვრიდან საქართველოს მოქალაქეებს ქვეყნიდან გამგზავრებამდეც შეამოწმებენ
სენატის მოსმენები იყო ბოლო ლურსმანი ოპოზიციური ბოიკოტის კუბოზე – სუბარი
ილვესი: აშშ-ს არ მოსწონს საქართველოში არსებული ვითარება, შედეგად, ნაკლებ ყურადღებას მიიღებთ
“ყველა პატიმარს აქვს ღირსების დაცვის უფლება…ამ შემთხვევაში განსაკუთრებით ყოფილ პრეზიდენტს”- საფრანგეთის ელჩი
“არა მონობას” -“პარაგრაფის” მენეჯმენტს ყოფილი თანამშრომელი ამხელს
საერთაშორისო ბირჟებზე ნავთობის ფასი შემცირებას განაგრძობს
გავრცელებული ინფორმაციით გურიას ახალი გუბერნატორი ეყოლება
ეს არ არის მხოლოდ უკრაინის ბრძოლა, ეს არის საქართველოს ბრძოლაც – გრიგოლ მახარაძე