ივანიშვილი რაშიც მადანაშაულებს, ალბათ ისაა, რომ მის ხელში არ ვარ, როგორც “ოცნების” წევრი მმართველები – პრეზიდენტი

„ივანიშვილი რაშიც მადანაშაულებს, ალბათ ისაა, რომ მის ხელში არ ვარ, როგორც ,,ქართული ოცნების“ წევრი მმართველები,“ – ასე პასუხობს პრეზიდენტი სალომე ზურაბიშვილი  Le Monde-ს ჟურნალისტის მიერ ივანიშვილთან დაკავშირებით დასმულ კითხვას.

ჟურნალისტის კითხვაზე – „სწორედ მისი წყალობით მოხვედით ხელისუფლებაში… რაში გდებთ ბრალს?“, ზურაბიშვილი ამბობს, რომ 2018 წლის არჩევნებში მმართველი პარტიის მხარდაჭერის გარეშე რთული იქნებოდა გამარჯვება, თუმცა ახლა თვლის, რომ ივანიშვილი იმაში ადანაშაულებს, რომ ის არ ემორჩილება.

რაც შეეხება კითხვას, პრემიერის მსგავსად ფიქრობს თუ არა რომ ევროკომისიის დადებით რეკომენდაციაში ,,ქართული ოცნების“ დამფუძნებლის, ბიძინა ივანიშვილის როლი მნიშვნელოვანი იყო, ამაზე პრეზიდენტი ამბობს, რომ „შესაძლოა, მან უარყოფითი როლი ითამაშა, თუ ჩავთვლით, რომ ის შთააგონებს მმართველ პირებს, როდესაც ისინი ცუდ გადაწყვეტილებებს იღებენ.“
სალომე ზურაბიშვილის ივანიშვილის როლზე საუბრისას მაგალითად მოჰყავს მის წინააღმდეგ დაწყებული იმპიჩმენტის პროცესი.

”მან ძალიან მნიშვნელოვანი როლი ითამაშა ჩემი, როგორც პროევროპელის, ქვეყნის პრეზიდენტობის კანდიდატად წარდგენაში [2018 წელს], თუმცა არ უთამაშია დადებითი როლი ევროკავშირისაკენ ჩვენი გზის დაჩქარებაში, რომელიც უკრაინამ წამოიწყო. შესაძლოა, მან უარყოფითი როლი ითამაშა, თუ ჩავთვლით, რომ ის შთააგონებს მმართველ პირებს, როდესაც ისინი ცუდ გადაწყვეტილებებს იღებენ. მაგალითად, როგორიცაა ჩემი იმპიჩმენტი, რომელიც მის გარეშე ვერ მოხდებოდა და ამაში წარმატებისათვის რომ მიეღწიათ, მას უკიდურესად ნეგატიური როლი ექნებოდა ევროპულ გადაწყვეტილებებზე,“ – ამბობს პრეზიდენტი.

გააზიარეთ და მოიწონეთ სტატია:

მსგავსი სტატიები:

რა დასკვნა დაიდო ადამიანების უფლებების დარღვევაზე- HRC 2020 წლის ანგარიში ევროკავშირსა და რუსეთს შორის ურთიერთობა რთულდება – ბორელი “ღმერთო, დალოცე ამერიკა და გადააშენე ეს მავნებლები” – ნინო ჯანგირაშვილი ნიკოლოზ ბასილაშვილი კარიერაში პირველად “მასტერსის” ფინალში გავიდა რა ხარვეზები გამოვლინდა დაბა ნასაკირალის ახალი საჯარო სკოლის აშენების შემდეგ- განათლების სამინისტრო ინფორმაციას ავრცელებს ”მესამე პრეზიდენტს მიზანმიმართულად აწამებენ, მისი სიცოცხლე უნდა გადავარჩინოთ” ჩემს პირად ცხოვრებაში ორი ომია: ერთი უკრაინის წინააღმდეგ, მეორე მიხეილ სააკაშვილის ომი – ლიზა იასკო “დადგინდეს, ხომ არ ჰქონდა ადგილი ფიზიკური ძალადობით განხორციელებულ დევნას, აზრის გამოხატვის გამო” – ომბუდსმენი მიშა მშვილდაძეზე თავდასხმაზე