ქართული ოცნება აპირებს მოამზადოს საკანონმდებლო ინიციატივა, რომელიც მათივე მტკიცებით, საზოგადოებას “ფსევდოლიბერალური იდეოლოგიისგან და მისი გარდაუვალი მავნე შედეგებისგან დაიცავს”. ეს უმრავლესობის ლიდერმა მამუკა მდინარაძემ პარტიის ოფისში ბრიფინგზე თქვა.
მდინარაძე ამბობს, რომ კანონპროექტი უახლოესი ორი კვირის განმავლობაში მომზადდება.
“საპარლამენტო უმრავლესობას მიაჩნია, რომ ამ პროპაგანდას აქტიურად უნდა დავუპირისპირდეთ და ამისათვის საკანონმდებლო მექანიზმებიც უნდა გამოვიყენოთ. შესაბამისად მივიღეთ გადაწყვეტილება, რომ მომზადდეს საკანონმდებლო ინიციატივა, რომელიც საზოგადოებას ფსევდოლიბერალური იდეოლოგიისგან და მისი გარდაუვალი მავნე შედეგებისგან დაიცავს. კანონპროექტი უახლოესი 2 კვირის განმავლობაში მომზადდება და დაინიცირდება პარლამენტში. კანონპროექტში სრულად იქნება დაცული საქართველოს კონსტიტუციის მეორე თავით გათვალისწინებული პრინციპები და ნორმები.
კიდევ ერთხელ გავიმეორებთ, რომ თითოეული ჩვენი მოქალაქის უფლებები ძალიან პრინციპულად უნდა იყოს და იქნება დაცული, განურჩევლად ცხოვრების წესისა, თუმცა, არატრადიციული ცხოვრების წესის მიზანმიმართული პროპაგანდა არის ის, რასთან დაპირისპირებაც არის ჩვენი პასუხისმგებლობა ქართული საზოგადოების და მისი მომავლის წინაშე. ყველა, ვინც გრძნობს პასუხისმგებლობას ამ ღირებულებების წინაშე, ვალდებულია და მოვუწოდებთ აქტიურად ჩაერთოს ამ პროცესში, მხარი დაუჭიროს ამ ინიციატივას, რომელიც ფსევდოლიბერალური იდეოლოგიის და მისი ზეგავლენის წინააღმდეგ არის მიმართული”- ამბობს მდინარაძე.
მსგავსი სტატიები:
“ვისაც 200 მილიონი გაქვთ გადადებული, მოიცდით 2022-მდე, აბა რა”
ადამიანი, რომლის ქონებაც მეცნიერებმა ვერ დათვალეს – 10 უმდიდრესი ადამიანი კაცობრიობის ისტორიაში
მკვლელობა ბოლნისში – ახალგაზრდა კაცს ცეცხლსასროლი იარაღიდან ესროლეს
კორონავირუსს 15 წლის მოზარდი ემსხვერპლა
„ნეტა თუ ხვდებით მაინც რაზე წუხს ამდენი გონიერი ადამიანი საქართველოში და მის ფარგლებს გარეთ?“ – ნანა გეგეჭკორი
”როცა უკრაინაში მთელი ერი ირაზმება საკუთარი ქვეყნის დასაცავად,ჩვენთან უკვე ომგოვლილი გმირის საფლავს ძარცვავენ”
რუსული თავდასხმის სისასტიკე – უკრაინის ქალაქები ომის დაწყებამდე და დღეს
ქეთი დოლიძემ შოთა არველაძის რუსული კანონის საწინააღმდეგო FACEBOOK პოსტი გააზიარა