მოძრაობა ჯიუტი გამოეხმაურა საქართველოს პრემიერმინისტრის შეთავაზებას, რომლის მიხედვითაც ახალგაზრდებმა 10-მდე წარმომადგენელი უნდა გამოყონ კობახიძესთან საჯარო დისკუსიისთვის რუსული კანონის შესახებ.
ჯიუტი წერს, რომ მსგავსი შეთავაზება სინამდვილეში სატყუარაა კანონისთვის ლეგიტიმაციის შესაძენად.
“მოძრაობა ჯიუტი მკაცრად ემიჯნება ყოველგვარ დისკუსიას უკვე მესამე მოსმენით მიღებული რუსული კანონის გარშემო.
მიგვაჩნია, რომ რუსეთის მარიონეტი პრემიერმინისტრის მიერ შემოთავაზებული ეს ინიციატივა არის სატყუარა, რომლის მიზანიც არის ლეგიტიმაცია შესძინოს რუსულ კანონს.
ნებისმიერი ჯგუფი, რომელიც დიალოგში შევა რუსულ მთავრობასთან, ავტომატურად აღმოჩნდება რუსული მთავრობის მხარეს.
მოვუწოდებთ კონსტიტუციურ ორგანოებს, დაიცვან კონსტიტუციის 78-ე მუხლი და დაბრუნდნენ კონსტიტუციის ჩარჩოებში.
ჩვენი პოზიცია ურყევი და მკაფიოა: უპირობოდ და დაუყოვნებლივ იქნას კანონი ჩაგდებული!” – წერს მოძრაობა ჯიუტი.
17 მაისს, საქართველოს პრემიერმინისტრმა Facebook-ზე დაწერა, რომ აქციებში მონაწილე ახაგაზრდებს სთავაზობს გამოყონ 10-მდე წარმომადგენელი კანონის გარშემო საჯარო დისკუსიისთვის. მისივე თქმით, ახალგაზრდებს შეუძლიათ “დისკუსიას დაასწრონ 2-3 არაახალგაზრდაც, რომელსაც ავტორიტეტულ ექსპერტად განიხილავთ”.
მსგავსი სტატიები:
გოგორიშვილი: არც ერთი ადამიანი არ უნდა დათანხმდეს პარლამენტის წევრობას
ნიკა მელია ციხეს სავარაუდოდ, 13 მაისამდე დატოვებს
სანაია: წულუკიანმა თქვა, გაგანადგურებთო – ვნახოთ როგორ გაგვანადგურებენ
ეკა ბესელია: არა მაქვს შურისძიების გრძნობა ციხეში მყოფი, მოშიმშილე სააკაშვილის მიმართ!
”ბევრმა საქართველო იცის ორი პერსონით – სტალინით და სააკაშვილით”
“სირცხვილიას” გაჟღერებულ მოთხოვნებს სერიოზულად არ აღვიქვამთ – ნინო წილოსანი
სმა-ჭამას გადაყოლილი მთავრობა – სახელმწიფო უწყებებმა მხოლოდ დეკემბერში 180 ათასი ლარი დახარჯეს
„ორბი ჯგუფი“ ბახმაროში მრავალფუნქციურ კომპლექსს ააშენებს