ევროპის საბჭოს საპარლამენტო ასამბლეის (PACE) საქართველოს შესახებ მომხსენებლები ოფიციალურ პირებს მოუწოდებენ არ დაძლიონ პრეზიდენტის ვეტო და “უცხოური გავლენის გამჭვირვალობის შესახებ” კანონი გაიწვიონ.
ამის შესახებ განცხადებას PACE-ის საქართველოს შესახებ მომხსენებლები კლოდ კერნი (საფრანგეთი) და ედიტე ესტრელა (პორტუგალია) ავრცელებენ.
“ჩვენმა ქართველმა კოლეგებმა “უცხოური გავლენის გამჭვირვალობის შესახებ” კანონზე ჩვენს შეშფოთებებთან დაკავშირებით ავტორიტეტული იურიდიული არგუმენტები გვთხოვეს. ეს არგუმენტები ახლა ვენეციის კომისიის ერთმნიშვნელოვან მოსაზრებაში გახმოვანდა, რომელიც ასამბლეის პრეზიდენტის თხოვნის შედეგად შედგა. შესაბამისად, ჩვენ მმართველ უმრავლესობას მოვუწოდებთ არ დაძლიონ პრეზიდენტის ვეტო და ეს კანონი გაიწვიონ, რისი რეკომენდაციაც ვენეციის კომისიამ გასცა”, – ნათქვამია განცხადებაში.
ასევე აღინიშნება, რომ ევროპის საბჭოს საპარლამენტო ასამბლეა საქართველოში დემოკრატიისთვის არსებული საფრთხეების შესახებ დებატებს 2024 წლის 24 მაისს ვილნიუსში შეხვედრის დროს განიხილავს.
მსგავსი სტატიები:
კობახიძე: “2024 წელს იქნება რიგიანი არჩევნები”
კომენდანტის საათი 1-ელ მარტამდე იმოქმედებს
მაკო გომური-2 წელია თითქმის იმ იმედით ვარ რო დამნაშავე დაისჯება, რაის ამნისტია????
ადამიანები თანასწორი იბადებიან…
9 ცვლილება და რეგულაცია, რაც დღეიდან ამოქმედდება ქვეყანაში
ხმაური გაღმა დვაბზუს საარჩევნო უბანზე
“ღარიბაშვილმა თავისი სანათესაოს გამო, ერთხელ უკვე მიიღო… ახლა ეს ნათესავები აგრძელებენ ამ ამბავს, მათ შორის, ფინანუსურ ნაწილშიც ეჭვებია” – ვახო სანაია
სოციალური ქსელი Facebook 18 წლისაა