25 მაისს, 17:00-ზე რუსულ კანონს ქართული უნივერსიტეტების პროფესორ-მასწავლებლები, მეცნიერები, მკვლევრები, აკადემიური და ადმინისტრაციული პერსონალი გააპროტესტებენ. ისინი მარშს ვაკის პარკის მიმდებარე ტერიტორიიდან პარლამენტის მიმართულებით მოაწყობენ.
“ჩვენ, საქართველოში არსებული უნივერსიტეტების პროფესორ-მასწავლებლები, მეცნიერები, მკვლევრები, აკადემიური და ადმინისტრაციული პერსონალი ვუერთდებით “უცხოური გავლენის გამჭვირვალობის შესახებ კანონის“ საწინააღმდეგო სამართლიან და დემოკრატიულ სამოქალაქო პროტესტს, რომლის ჩახშობა საქართველოს ხელისუფლებამ არაერთხელ სცადა.
გარდა პირდაპირი ძალადობისა, საუნივერსიტეტო საზოგადოების – სტუდენტების და პროფესორ-მასწავლებლების სამართლიანი პროტესტის ჩასახშობად და გასაჩუმებლად, ხელისუფლება ცდილობს შელახოს საქართველოს უნივერსიტეტების ავტონომია, გამოხატვისა და აკადემიური თავისუფლება და შესაბამისად, უგულებელყოს კონსტიტუციის 27-ე მუხლით განსაზღვრული გარანტიები.
აღსანიშნავია, რომ ზემოხსენებული კანონის ამოქმედება და არსებული ავტორიტარული რეჟიმი საქართველოს საგანმანათლებლო და სამეცნიერო სივრცეს აყენებს მძიმე რეპუტაციულ ზიანს, აუქმებს აკადემიურ თავისუფლებას და აბრკოლებს საერთაშორისო თანამშრომლობას. ეს გრძელვადიან პერსპექტივაში ქართული საუნივერსიტეტო და სამეცნიერო იზოლაციას და ეროზიას გამოიწვევს.
ვიაზრებთ რა აღნიშნულ საფრთხეებს, ვთვლით, რომ აკადემიური საზოგადოების გაერთიანება საუნივერსიტეტო და სამეცნიერო საქმიანობის მთავარი პრინციპების დასაცავად და შესაბამისად ქვეყნის თავისუფალი და დემოკრატიული მომავლისთვის კრიტიკულად მნიშვნელოვანია. ამიტომ ვუერთდებით საზოგადოებრივ პროტესტს და 25 მაისს, 17:00 საათზე ვაკის პარკის მიმდებარე ტერიტორიიდან ვაწყობთ მარშს პარლამენტის მიმართულებით. შემოგვიერთდით” – წერია განცხადებაში.
მსგავსი სტატიები:
ბათუმში შესასვლელ ცენტრალურ გვირაბში მოძრაობა პარალიზებულია
ზურაბ ადეიშვილი საქართველოს მოქალაქეობაზე უარს ამბობს
ელიტური კორუფცია საქართველოში – გამოვლენილია ივანიშვილის ძმისშვილის საეჭვო გარიგებები
“ვფიქრობ, შემოდგომაზე დავიწყებთ 12 წელს ზემოთ ასაკიდან პირების აცრას”
ქვეყნისთვის დამღუპველი გადაწყვეტილებები საქართველოს ისტორიაში
“ბრძოლის ველზე მდგომარეობა ბევრად უარესია, ვიდრე ომის დასაწყისში იყო”
„პუტინი წუხს, რომ გენერლები არ უჭერენ მხარს ისე, როგორც მანამდე“
ნაციონალური მოძრაობა და სტრატეგია აღმაშენებელი ახალ პოლიტიკურ პლატფორმას ქმნიან