არასამთავრობო და მედია ორგანიზაციების “გამჭვირვალობის” კვლევით დაკავებული ხელისუფლება თავად ვერ უზრუნველყოფს გამჭვირვალობის მინიმალურ სტანდარტებს – აცხადებს არასამთავრობო ორგანიზაცია “ინფორმაციის თავისუფლების განვითარების ინსტიტუტი” [IDFI] და კვლევას აქვეყნებს, რომლის მიხედვითაც, შესწავლილი საჯარო უწყებების (პარლამენტი, მთავრობა, სამინისტროები) 71%-ს ვებ-გვერდზე გამოქვეყნებული არ აქვს 2023 წელს მიღებული და გაცემული გრანტების შესახებ სრულყოფილი ინფორმაცია, ხოლო 65%-ს 2023 წლის საქმიანობის წლიური ანგარიშები.
ამავე კვლევის მიხედვით, 2023 წელს არც ერთმა ზემოთჩამოთვლილმა უწყებამ არ გაასაჯაროვა სარესტორნო და სამივლინებო ხარჯების დოკუმენტაცია, ავტომობილების შესახებ ინფორმაცია დეტალური მახასიათებლებით, შტატგარეშე მოსამსახურეთა სამუშაო პოზიციების ჩამონათვალი და სარგოები და სხვა საჯარო ინფორმაცია.
“IDFI დაინტერესდა, სახელმწიფო უწყებების ვებ-გვერდებზე კანონის შესაბამისად სავალდებულოდ გამოსაქვეყნებელი ინფორმაციის გამჭვირვალობით. მონიტორინგი ჩაუტარდა 14 ცენტრალური საჯარო დაწესებულების (პარლამენტი, მთავრობის ადმინისტრაცია და სამინისტროები) ვებ-გვერდს და შეფასდა 7 გამოსაქვეყნებლად სავალდებულო საჯარო ინფორმაციის კატეგორია (2024 წლის პირველი კვარტალის (კვარტალურად გამოსაქვეყნებელი ინფორმაციის შემთხვევაში) და 2023 წლის (წლიურად გამოსაქვეყნებელი ინფორმაციის შემთხვევაში).
მონიტორინგმა აჩვენა, რომ არც ერთ სახელმწიფო უწყებას 7-ვე კატეგორიის მიხედვით სრულყოფილი და განახლებული ინფორმაცია არ აქვს გამოქვეყნებული. მაგალითად, უწყებების 71%-ს გამოქვეყნებული არ ჰქონდა 2023 წელს მიღებული და გაცემული გრანტების შესახებ სრულყოფილი ინფორმაცია, 65%-ს სრულყოფილად გამოქვეყნებული არ ქონდა 2024 წლის პირველ კვარტალში სარეზერვო ფონდებიდან მიღებული დაფინანსების და 2023 წლის საქმიანობის წლიური ანგარიშები. განსაკუთრებული აღნიშვნის ღირსია საქართველოს მთავრობის ადმინისტრაცია, რომელიც 2014 წლიდან ფაქტობრივად არ ასრულებს მთავრობის დადგენილებითვე განსაზღვრულ ვალდებულებებს და არ აქვეყნებს ფინანსურ ინფორმაციას. ასევე, აღსანიშნავია კულტურისა და სპორტის სამინისტროს შემთხვევა, რომლის ბიუჯეტი 470 მილიონ ლარს შეადგენს და 3 წელზე მეტია არ აქვს საკუთარი ვებ-გვერდი. ” ნათქვამია IDFI-ს განცხადებაში.
მსგავსი სტატიები:
“ქართული ოცნება“ გვერდზე რომ გაიწიოს, ესენი რას უზამენ ქვეყანას?”- ვოლსკი ოპოზიციაზე
„ილოცეთ, ტკივილს ვერ ვუძლებ!“ – პეტრე კოლხს საოპერაციოდ ამზადებენ
სარფში 52 000 კგ დაავადებული კარტოფილი ამოიღეს და ექსპორტიორ ქვეყანაში
არჩილ თალაკვაძე – ერთგვარი ანომალიაა, როცა ოპოზიციას არ უნდა იყოს ოპოზიცია – სწორედ ამასთან გვაქვს საქმე
“ახალი მსოფლიო წესრიგი დამყარდა და მას რუსეთის მძევლობა ქვია…ბედის უმწარესი ირონია”-გვარამია
მართვის მოწმობის პრაქტიკულ გამოცდასთან დაკავშირებით, მომსახურების სააგენტო ინფორმაციას ავრცელებს
“შექმნა სახელმწიფო საიდუმლოების გახმაურების საფრთხე” – გოგაშვილს ბრალდება დაუმძიმდა
საწვავი გაძვირებას განაგრძობს