ჩვენს ქვეყანაში რეგიონის მასშტაბით ყველაზე ძვირი გაზი და ელექტროენერგიაა, რომლის ფასი ბოლო წლებში მკვეთრად გაიზარდა – წერს ოპოზიციონერი პოლიტიკოსი კახა ოქრიაშვილი და განმარტავს, რომ ეს ნიშნავს, რომ საქართველოში ვერ შეიქმნება კონკურენტული, ექსპორტზე ორიენტირებული საწარმოები, ე.ი. ვერ შეიქმნება მაღალანაზღაურებადი სამუშაო ადგილები:
“ბოლო 2 წელია, ეკონომიკა იზრდება, მაგრამ სამწუხაროდ, ეს არ ნიშნავს ჩვენი ქვეყნის ინდუსტრიალიზაციას. ჩვენ მხოლოდ ლოჯისტიკურ მომსახურებას ვაწარმოებთ. მაგ: ავტომობილები შემოგვყავს და მერე სხვა ქვეყნებში ვყიდით. ეს ცუდი სულაც არ არის, უნდა ვეცადოთ, შემოსავალი ბევრი სხვადასხვა დარგიდან მივიღოთ, მაგრამ ამას სჭირდება სტრატეგია და სკრუპულოზური აღსრულება.
ჩვენს ქვეყანაში რეგიონის მასშტაბით ყველაზე ძვირი გაზი და ელექტროენერგიაა, რომლის ფასი ბოლო წლებში მკვეთრად გაიზარდა. ეს ნიშნავს, რომ საქართველოში ვერ შეიქმნება კონკურენტული, ექსპორტზე ორიენტირებული საწარმოები, ე.ი. ვერ შეიქმნება მაღალანაზღაურებადი სამუშაო ადგილები, ანუ მთავრობას არ აქვს ხედვა, როგორ დაასაქმოს ადამიანები.
რა თქმა უნდა, მხოლოდ იაფი გაზი და ელექტროენერგია ეკონომიკის ზრდის სტრატეგიულ გარღვევას ვერ უზრუნველყოფს. საჭიროა მაკროეკონომიკური მაჩვენებლების სტაბილურობა (მაგ. ლარის კურსი და ა.შ.) დაბალი გადასახადები, სწრაფი და იაფი ლოჯისტიკა და რაც მთავარია, ქვეყნის გაბრენდვა (made in Georgia) როგორც ხარისხის მაღალი ნიშნის მატარებელი. შედეგად, შევძლებთ ვაწარმოოთ მრავალი საქონელი, რომელსაც სხვა, უფრო მდიდარ ქვეყნებში გავყიდით და კიდევ უფრო დიდ შემოსავალს მივიღებთ ჩვენი ქვეყნისთვის და ხალხისთვის. ეს სტრატეგიული ამოცანების მცირე და არასრული ჩამონათვალია, რათა მივაღწიოთ რეალურ, დივერსიფიცირებულ ეკონომიკურ ზრდას.
საბედნიეროდ, ჩვენ გვაქვს ხედვა, როგორ გავაკეთოთ ეს და ოქტობრიდან, მოგვეცემა საშუალება, დავგეგმოთ და განვახორციელოთ დიდი ეკონომიკური ნახტომი საქართველოში, რომლის პროპორციულადაც გაიზრდება შემოსავალი თითოეული ქართველის ოჯახში”- წერს ოქრიაშვილი.
მსგავსი სტატიები:
რომელმა ერმა შექმნა ჩოხა და საიდან გავრცელდა ჩოხა-ახალუხი საქართველოში
კობახიძე 20 ივნისზე-მაქვს კითხვა: რატომ არ იქნა გამოყენებული წყლის ჭავლი და სხვა რბილი საშუალებები?
სკოლებში სასწავლო პროცესი 15 სექტემბრიდან 4 ოქტომბრამდე დისტანციურ რეჟიმში განახლდება
“მიხეილ სააკაშვილის ვიდეო კადრების გამოქვეყნება არის ძალიან საეჭვო და სამწუხარო ქმედება”-კარლ ჰარცელი
ბუნკერში ზის და თავის გენერლებზე ბრაზობს…ვფიქრობ, რამდენიმე დღეში გამარჯვებას ვიზეიმებთ – ბუბა კიკაბიძე პუტინის ომზე უკრაინაში
სახალხო დამცველი -უფასო სასადილოებში თითო ბენეფიციარზე გამოყოფილი თანხა ერთ ლარსა და 30 თეთრს შეადგენს, რაც რეგიონებში გათვლილ დღიურ ოდენობაზე ნაკლებია
“სააკაშვილზე ამდენი ზრუნვით….ომის თემამდე მივყავართ”-ხალხის ძალა
არ ჰქვია იმას “ხარება”, იმას ჰქვია “ხარვეზა” – გია ბუღაძე სპეცრაზმის შეფზე