„გული დამწყდა, მაგრამ ჯარისკაცის მენტალიტეტი მაქვს“ – თეა წულუკიანი მინისტრის პოსტის დატოვებაზე

გული დამწყდა, იმიტომ, რომ ძალიან ბევრი პროექტი გვქონდა ჩაფიქრებული. ძალიან ბევრ საჭიროებას ვხედავ, ძალიან ბევრს. მე ბევრი ვისაუბრე იმაზე, თუ რა გავაკეთეთ. 2 100-ზე მეტი პროექტი რომ დაფინანსდა, როდესაც 8 ათეული სპორტული ფედერაცია იღებდა დაფინანსებას და კულტურისა და სპორტის მიმართულებით ამხელა შედეგები დაიდო, ეს არავითარ შემთხვევაში არ ნიშნავს, რომ საჭიროებები აღარ არსებობს. საჭიროებები არის 100-ჯერ მეტი და არაერთი მიმართულებით ახალ-ახალი ინიციატივები გვქონდა ჩაფიქრებული.

ამიტომ, არ შეიძლება გული არ დაგწყდეს, მაგრამ მე, საერთოდ, მაქვს – კარგია თუ ცუდია არ ვიცი – ჯარისკაცის მენტალიტეტი, ამიტომ, რა თქმა უნდა, იქ, სადაც მეძახიან, პარლამენტში – მისი სახელიც მიუთითებს, რომ ძირითადად სალაპარაკო ორგანოა – მაგრამ, დარწმუნებული ვარ, რომ უფრო მეტს შევძლებ, ვიდრე უბრალოდ ლაპარაკი, იმიტომ, რომ ლაპარაკი კარგად მეხერხება, მაგრამ ბევრი სხვა რამის კეთებაც შემიძლია. […]

ჯერ არ [გარკვეულა პარლამენტში ჩემი როლი]. ბევრი მეკითხება, სხვათა შორის, ამას და ისე ვართ მიჩვეული ამ სიმშვიდეს და მშვიდობიანობას ქვეყანაში (ღმერთმა მუდამ ასე გვამყოფოს), ვფიქრობთ, მერე რა იქნება. ეს კარგია, მაგრამ მე აქამდე ჯერ ვერ ვფიქრობ. მე ვფიქრობ 26 ოქტომბრამდე პერიოდზე, უფრო მეტად. ძალიან მეტს ვფიქრობ 26 ოქტომბრის დღეზე. მინდა ვისურვო, რომ, მართლაც, ყველამ დაძლიოს თავის თავში თუნდაც ის ხინჯი, უკმაყოფილება, იმიტომ, რომ იდეალური ხელისუფლება არ არსებობს, მაგრამ არსებობს ხელისუფლება – და თქვენ ის გყავთ – რომელიც უზრუნველყოფს ქვეყანაში სიმშვიდეს და განვითარებას. […]

ასეთი პროგნოზი მაქვს, რომ 26 ოქტომბერს, რა თქმა უნდა, ქართული ოცნება აუცილებლად გაიმარჯვებს. რომ ის გაიმარჯვებს დამაჯერებლად და რომ 27 ოქტომბრიდან მაინც მავანი ძალები შეეცდებიან პრობლემების შექმნას – ქართველების პატარა მავნებლების ჯგუფი პრეზიდენტით სათავეში, რომელიც ღამურად ჩამოვიდა, ღამურად წავა ამ ქვეყნიდან და ამ ქვეყნის შვილად და პრეზიდენტად, სამწუხაროდ, ვერ ჩამოყალიბდა. რაღაცას მაინც შეეცდებიან, მაგრამ ამისგან ვერაფერი ცუდი შედეგი ჩვენი ქვეყნისთვის ვერ დადგება. ეს არის ჩემი პროგნოზი.თქვა კულტურის ყოფილმა მინისტრმა, თეა წულუკიანმა ტელეკომპანია იმედის გადაცემაში ნოესთან.

გააზიარეთ და მოიწონეთ სტატია:

მსგავსი სტატიები:

19 მძევალი -“ოცნება” სისხლის სამართლის პასუხისმგებლობით ჟურნალისტებს ემუქრება “ევროპული საქართველო” სტრუქტურულ ცვლილებებს გეგმავს ინტერვიუ ქართველი ჯარისკაცის შვილთან, რომელიც რუსულ აგრესიას ემსხვერპლა მოსახლეობის უმეტესი ნაწილი უპირატესობას „ფაიზერს“ ანიჭებს – ძვირფასს დროს ვკარგავთ მოლოდინში ზურაბ ზვიადაური 50 000 ლარიანი გირაოთი, სასამართლო დარბაზიდან გაათავისუფლეს ოზურგეთელი “კანონიერი ქურდი” „გეგა ოზურგეცკი“(გიორგი კილაძე) უკრაინაში სავარაუდოდ, დივერსანტობისთვის დააკავეს „ვიქეცით ერთმანეთის მტრებად და სამშობლოსგან დარჩა მხოლოდ ფანტაზმი“ – ნათია ფანჯიკიძე ფარცხალაძის პირადი ანგარიშების გაყინვა არღვევს უდანაშაულობის პრეზუმფციას – კობახიძე