რუსეთის ფედერაციის საბჭოს საერთაშორისო ურთიერთობების კომიტეტის ხელმძღვანელმა, გრიგორი კარასინმა საქართველოში EU-ს ელჩის, პაველ ჰერჩინსკის განცხადებაზე კომენტარი გააკეთა და ის საქართველოს მოქალაქეების შანტაჟსა და დაშინებაში დაადანაშაულა. მისივე თქმით, ელჩის განცხადების “მოთმენა ქართული თავმოყვარეობისთვის სერიოზული გამოცდაა”.
“თბილისში აბობოქრდა ვინმე ჰერჩინსკი, საქართველოში ევროკავშირის ელჩი, რომელიც პოლონეთის მოქალაქეა. მან გამაოცა თავისი სიუხეშით და პირდაპირობით.
გამოცხადდა, რომ საქართველო ევროკავშირის წევრი არც დღეს, არც ხვალ და არც 2023 წელს არ გახდება, თუ ქვეყანაში ერთპარტიული მმართველობის სისტემა ჩამოყალიბდება. აღვნიშნავ, რომ ეს სწორედ საქართველოს საპარლამენტო არჩევნების წინ ითქვა, ქვეყანაში მწვავე პოლიტიკური დაპირისპირების ფონზე. […] ფაქტობრივად დამოუკიდებელი ქვეყნის მოქალაქეების პირდაპირი შანტაჟი და დაშინება ხდება. მსგავსის მოთმენა ქართული თავმოყვარეობისთვის სერიოზული გამოცდაა.
დარწმუნებული ვარ, რომ ამას ბრიუსელში ყურადღება უნდა მიაქციონ. თუმცა, იქ წესიერების შესახებ უკვე დაივიწყეს”. – წერს კარასინი თავის Telegram-არხზე.
მანამდე, ჰერჩინსკიმ ჰერჩინსკიმ ჟურნალისტებთან მომავალ საპარლამენტო არჩევნებზე საუბრისას მთავრობის მიერ არჩეული კურსი ხელახლა გააკრიტიკა და ხაზი გაუსვა, რომ ევროკავშირს კონკრეტული ფუძემდებელი ღირებულებები აქვს, რომლებზეც კომპრომისი არ მოხდება. მისივე თქმით, თუ საქართველო ერთპარტიულად სახელმწიფოდ იქცევა და გადაწყვეტს, რომ ოპოზიცია აკრძალოს, სამოქალაქო საზოგადოება და თავისუფალი მედია შეზღუდოს, ევროკავშირში არასდროს გაწევრიანდება, “არც დღეს, არც ხვალ და არც 2030 წელს”.
მსგავსი სტატიები:
“ჯერ კიდევ შეგიძლია მითხრა – “მე გავდივარ პოლიტიკიდან, ერთად დავამთავროთ”
ბოლო 24 საათში ქვეყნის მასშტაბით ჩატარდა 16 066 კვლევა ინფიცირების 867 გარდაცვალების 30 ახალი შემთხვევა
3 დეკემბრის კოვიდსტატისტიკა
რკინაში ჩასმული სამკურნალო წყლები – “ოცნებამ” ბუნებრივი ნაკადულები რუსეთის მოქალაქეებს მიჰყიდა
“თქვე გარეწრებო, ხელისუფლებაში მოსასვლელად 9 თვის ბარბარე ქვევრში დაახრჩეთ?!”
ვინ დაიკავებს ომბუდსმენის თანამდებობას? – პარლამენტი სახალხო დამცველის არჩევის წესზე დღეს იმსჯელებს
ზუგდიდის რაიონულ სასამართლოში ბადრი ესებუას პროცესი გადაიდო
იზრდება იმ ოჯახების რაოდენობა, სადაც არცერთი წევრი ხელფასს ოფიციალურად არ იღებს – რამდენი ასეთი ოჯახია ქვეყანაში