საქსტატის ცნობით, 2024 წლის 1-ელ კვარტალში საქართველოში საშუალო თვიური ნომინალური ხელფასი გასული წლის შესაბამის პერიოდთან შედარებით 13.2% (226.8 ლარით) გაიზარდა და 1 943.4 ლარი შეადგინა.
როგორც სტატისტიკოსი და ეკონომიკის ექსპერტი, სოსო არჩვაძე რადიო „პალიტრას“ გადაცემაში „თქვენი დრო“ საუბრობს, ამ ამბავში რამდენიმე მომენტია მნიშვნელოვანი.
„სხვა გზა არ გვაქვს, უნდა ვენდოთ მსგავსად დათვლილ სტატისტიკებს. მაგრამ რამდენიმე მომენტს უნდა გავუსვათ ხაზი: საშუალო ხელფასი დაახლოებით იგივე მაჩვენებელია, საავადმყოფოში პაციენტთა საშუალო ტემპერატურა რომ მოვითხოვოთ, საჭიროა მისი გაშლა. არის ასეთი მცნება – მედიანური ხელფასი, რომელიც ორ თანაბარ ნაწილად ყოფს ხელფასის მიმღებთა კატეგორიას, რომელთაგან ერთ ნახევარს აქვს მედიანურ ხელფასზე ნაკლები და მეორე ნახევარს – მეტი,“ – აცხადებს სტატისტიკოსი.
„საქართველოში ხელფასს იღებს 950 ათასზე მეტი მოქალაქე. დააახლოებით ნახევარს აქვს ხელფასი 1300 ლარზე ნაკლები და ნახევარს – მეტი. უნდა გავითვალისწინოთ, რომ არსებობს საშემოსავლო 20%, ამას გარდა, საქართველოში გვაქვს 1.125 მლნ შინამეურნეობა, ყოველ 100 შინამეურნეობაზე მოდის 85 ადამიანი, რომელიც იღებს ხელფასს. ანუ იზრდება იმ ოჯახების რაოდენობა, სადაც არცერთი წევრი ხელფასს ოფიციალურად არ იღებს. ასეთი ოჯახების რაოდენობა დაახლოებით 40%-ია. ეს კატეგორია არის თვითდასაქმებული და საკუთარი რისკის, შრომის, ენერგიის, ფინანსების ხარჯზე ახდენს თვითრეალიზაციას,“ – აცხადებს სოსო არჩვაძე.
bpn.ge
მსგავსი სტატიები:
“ამომრჩეველთა გადასაწყვეტია რას ისურვებენ, ქვეშაფსიობის მკურნალობას, თუ ჩაფსმულის სიამაყეს”
“მოეკითხებათ მწარედ თავდამსხმელებსაც და წამქეზებელ ხელისულფებასაც, ძალიან მწარედ”
გიგი უგულავა „სინოფარმით“ აიცრა
5 ნოემბრის კოვიდსტატისტიკა
13 იანვრიდან საქართველოში ამინდი გაურესდება – როგორია უახლოესი დღეების პროგნოზი
“საეჭვოა, მოსკოვმა სერიოზულად განიხილოს “სამხრეთ ოსეთის” შემოერთების საკითხი”
რუსეთში, ერთ-ერთ სამხედრო ნაწილში სამმა ჯარისკაცმა ცეცხლი გახსნა – 22 ადამიანი დაიღუპა, 16 დაიჭრა
„ცალპირი განჩინება“ – გურიის მდივანბეგთა სასამართლო