„ხშირად საუბრობენ, რომ კოალიციური მთავრობის გამოცდილება არ გვაქვს და ა.შ. რისი გამოცდილებაც გვაქვს, არაფერმა ივარგა და ახლა ეს ვცადოთ“,- ამის შესახებ ბიზნესმენმა თემურ ჭყონიამ bpn.ge-სთან ისაუბრა.
კითხვებზე, თუ რა გამოწვევების წინაშეა დღეს ბიზნესი და უნდა გააკეთოს მომავალმა ხელისუფლებამ არსებული პრობლემების დასაძლევად, ბიზნესმენი ამბობს, რომ ახლა ეს საკითხები მეორეხარისხოვანია, რადგან ქვეყანა საკუთარ მომავალს ირჩევს. საუკეთესო გამოსავალი კი, თემურ ჭყონიას თქმით, კოალიციური მთავრობა იქნება.
„საფრთხე კი არ გვემუქრება, უკვე ადგილზეა. ევროპის წამყვანმა ქვეყნებმა, პოლიტიკოსებმა, ელჩებმა, დიპლომატებმა, მოუწოდეს ქართველ ხალხს, რომ თუ უნდათ ევროკავშირში გაწევრიანება და იმ საინტერესო პროცესებში ჩართვა, რომელშიც მთელი ევროპაა ჩართული ( იქნება ეს კულტურა, განვითარება თუ ფინანსირება), უნდა გააკეთონ სწორი არჩევანი. სწორი არჩევანი ნიშნავს იმას, რომ საქართველოს სჭირდება კოალიციური მთავრობა. ამის საფუძველი არსებობს. პრეზიდენტი სალომე ზურაბიშვილის გარშემო შეკრებილმა პარტიებმა უნდა დაიცვან ის ქარტია, რომელსაც ხელი მოაწერეს.
უმოკლესი გზა, რომ ევროპასთან აღდგეს ნორმალური ურთიერთობა (ჯერ აღსადგენია და მერე უნდა ვიფიქროთ შემდეგ ნაბიჯზე), ეს იქნება. იმისთვის, რომ ევროპასთან გვქონდეს სწორი, დიპლომატიური, ეკონომიკური, პოლიტიკური ურთიერთობა, ერთადერთი ნდობით აღჭურვილი პირი არის პრეზიდენტი სალომე ზურაბიშვილი, რომელიც იქნება გზამკვლევი და ნდობით აღჭურვილი პირი ევროპის მმართველებთან.
ხშირად საუბრობენ, რომ კოალიციური მთავრობის გამოცდილება არ გვაქვს და ა.შ. რისი გამოცდილებაც გვაქვს, არაფერმა ივარგა და ახლა ეს ვცადოთ. გამოცდილება თუ არ გვაქვს, არ ნიშნავს, რომ არ უნდა შევიძინოთ ცოდნა, გამოცდილება… რა გვიშლის ხელს?! არაფერი. ჩვენ ძალიან საინტერესო გამოწვევის წინაშე ვდგავართ და იმედი მაქვს, კოალიციური მთავრობა ჩამოყალიბდება. ამის ყველანაირი წინაპირობა არსებობს.
მერწმუნეთ, რომ ჩვენი, როგორც ევროპული ქვეყნის მოქალაქეების სწორ არჩევანს მთელი დასავლეთი დააფასებს და გვერდში დაგვიდგება. არავითარ შემთხვევაში რა დაგვტოვებს მარტო. ამის იმედი მაქვს“,- ამბობს თემურ ჭყონია.
მსგავსი სტატიები:
“ივანიშვილი აფინანსებდა ტრამპს“-მიხეილ სააკაშვილი
ანასტასია გოტფრიდმა ატაცში 111 კგ ასწია და ოქროს მედლის მფლობელი გახდა
ჰაიდი ჰაუტალა -“გამჭვირვალეობისა და ანგარიშვალდებულების ნაკლებობა შოკისმომგვრელია”-
ასაფლავებენ ორ გლეხს, კუბოს მიუყვებოდა 6000 გლეხი -1904 წლის პროკლამაცია
“გენდერული ნიშნით ძალადობას ადგილი არ ჰქონია” – წილოსანი გენდერული საბჭოს გადაწყვეტილებაზე
“მცდელობა რუსეთს დაეხმაროთ სანქციებისგან თავის დაღწევაში ჩვენს ევროპულ მისწრაფებებს დააზიანებს” – ICC მთავრობას მიმართავს
ოზურგეთში მრავალბინიანი საცხოვრებელი სახლების განახლება აქტიურ ფაზაშია
ორი ოქრო, ორი ვერცხლი და ორი ბრინჯაო ოზურგეთელი მძლეოსნებისგან