კახა ოქრიაშვილი – მივმართავ ჩვენს პარტნიორებს, დასანქცირდნენ მოძალადეები, მივმართავ პროკურატურას – მოხდეს იდენტიფიცირება და გამოიძიონ ამომრჩეველზე ზეწოლის საქმეები

დამოუკიდებელი დეპუტატი კახა ოქრიაშვილი განცხადებას ავრცელებს, რომელსაც „ინტერპრესნიუსი“ უცვლელად გთავაზობთ:

„არჩევნების მოახლოებასთან ერთად, კიდევ უფრო მეტად გამოიკვეთა და გაძლიერდა მოსახლეობის დაშინების მცდელობა, განსაკუთრებით მასწავლებლების, საჯარო სექტორში დასაქმებული სხვადასხვა პროფესიის მქონე ადამიანების და იმ მოქალაქეების, ვინც სოციალურ შემწეობას იღებს. მათ მიმართ მუქარამ მასობრივი ხასიათი მიიღო, ხშირ შემთხვევაში, მოსახლეობას ურეკავენ და სატელეფონო ზარის მეშვეობით ემუქრებიან.

რა შეგვიძლია დავუპირისპიროთ ამ დაშინებას?! მოგმართავთ ყველას, მობილური ტელეფონების უმრავლესობას აქვს ჩანაწერის გაკეთების ფუნქცია, ჩაიწერეთ ეს მუქარა, მოგვაწოდეთ და ყველაფერს გავაკეთებთ, რათა მოძალადეებს პასუხი ვაგებინოთ. მივმართავ ჩვენს პარტნიორებს, დასანქცირდნენ მოძალადეები, მივმართავ პროკურატურას – მოხდეს იდენტიფიცირება და გამოიძიონ ზეწოლის საქმეები, რათა 26 ოქტომბრის შემდეგ ახალმა, რეფორმირებულმა სასამართლომ, განიხილოს და დააყენოს ამ მოძალადეების პასუხისმგებლობის საკითხი.

შეგახსენებთ, ხმის მიცემა ფარულია, ჩვენი არჩევანი სრულიად კონფიდენციალურია და ვერავინ გაიგებს, ვის მივეცით ხმა, თუ თავად არ გავამხელთ.

ყველას გელოდებით არჩევნებზე 26 ოქტომბერს – გავთავისუფლდეთ ცრუ დაპირებებისგან და ყალბი ოცნებებისგან!“ – აცხადებს ოქრიაშვილი.

გააზიარეთ და მოიწონეთ სტატია:

მსგავსი სტატიები:

საქართველოში კორონავირუსის 5 068 ახალი შემთხვევა დაფიქსირდა, გარდაიცვალა 38 რატომ არ რიგდება ხელფასები ოზურგეთის საბავშვო ბაღებში? ნიკა მელია: “ძალიან მომენატრეთ… ბევრს აღარ დავწერ, ისედაც გრძელი წერილი გამომივიდა” “ბიძინა თქვენთვის კოლექტივის თავმჯდომარეა?!” ოზურგეთში, “ქართული ოცნების” შტაბში ფულის დარიგების კადრები დაფიქსირდა-ამომრჩევლის მოსყიდვა წინასაარჩევნოდ ვის უხდის მადლობას სახალხო დამცველი ვინც რუსეთს მისტირით, ყურადღებით წაიკითხეთ ჯოხარ დუდაევის სიტყვების აღსრულების დრო დადგა „რუსეთი მაშინ მოკვდება, როდესაც უკრაინის მზე ამოვა“ – ალა დუდაევას წერილი უკრაინელებს